23 нче ноябрь көнне мәктәбебездә 9-11 сыйныфлар өчен Хокук айлыгы кысаларында хокук органнарында эшләүчеләр белән түгәрәк өстәл үткәрелде. Бу очрашуда балигъ булмаган балалар белән эшләүче инспекторлар Назипова Ләйсән Газинуровна һәм Накипова Раушания Ленаровна укучылар белән эшлекле уенда катнашып үзләренең киңәшләрен биреп укучыларның сорауларына җавап бирделәр. 

Мәктәбебездә җимлек операциясе игълан ителде. Һәр сыйныф укучысы актив катнашып канатлы дусларыбызны сөендерде.

21 нче ноябрь көнне 11 нче сыйныф укучылары математика фәненнән сынау имтиханы эшләделәр.

19 нчы ноябрь көнне Кенә мәктәбендә уздырылган 1999 елгы егетләр арасында волейбол ярышында безнең укучыларыбыз икенче урында калып диплом һәм медальләр белән бүләкләнделәр. Команданы һәм тренерлары Р.Ш.Валиевны уңышлары белән котлыйбыз!

22 нче ноябрь көнне 4,6,8 нче сыйныфлар өчен инглиз теленнән мониторинг үткәрелде.

Иртәнге линейкада дежур торган 8 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 11 нче сыйныф танылды.”Иң чиста класс”-8 нче сыйныф, “Иң тәртипле укучылар ” - 10 нчы сыйныф билгеләнде, “Иң шәфкатьле класс”-8 нче сыйныф,”Конкурсларда атив катнашучы” 7нче сыйныф, “Спорт сөюче класс”-10,11 сыйныф билгеләнде.

18 нче ноябрь көнне шагыйрә Саҗидә Сөләйманова иҗатына багышланган “Уйларымны җырга салам” дигән әдәби-музыкаль кичә булды. Кичәдә аның сүзләренә язылган матур җырлар яңгырады, шигырьләре яттан сөйләнде. С.Сөләйманованы искә алу кичәсендә катнашкан укучыларга зур рәхмәтебезне белдерәбез.

Бүген 9 нчы сыйныф укучылары чыгарылыш имтиханнарына әзерлек максатыннан, рус теленнән чираттагы ОГЭ эшләрен эшләделәр. 

9-11 сыйныфлар өчен һәр фәннән расписание нигезендә консультацияләр үткәрелә.

10 нчы сыйныф укучысы Латыпова Алсуны татар теле буенча үткәрелгән Бөтенрәссәй олимпиадасынын региональ этабында призер булуы белән котлыйбыз. Зур уңышлар телибез.