"Хыял" кышкы лагеренда бүген "Иң күп китап укучыны" бүләкләделәр, "Викторина" сорауларына җавап бирделәр һәм "Нарат" боз сараена сәяхәткә бардылар.

Бүген мәктәптә күтәренке рухта 1-6 сыйныфларның Яңа ел кичәләре үткәрелде. Кичә укучылар катнашында матур җырлар, дәртле биюләр белән үрлеп барды. Кичәгә Кыш бабай, Кар кызы, Аҗдаһа, Шүрәле, Убырлы да килгән иде. Күңелле кичәне Куян кызлары алып бару бәйрәмгә тагын да ямь өстәде.

Юлбат урта гомуми мәктәбе "Хыял" (кышкы) сәламәтләндерү лагереның эшчәнлеге бүгеннән башланып китте. Иртәнге гимнастика, массакүләм мәдәни чаралар, хәрәкәтле уеннар, отрядлардагы эшчәнлектән соң балалар Саба бассейнына барып  күңелле ял иттеләр.

 Бүгенге Яңа ел киче аеруча матур булды.  Мәктәп дирекциясе җылы котлауларын ирештерде.Залыбызга ямь өстәп утыручы күркәм чыршыбыз, чәчләренә ап-ак кар бөртекләре кадаган Кар кызыбыз, ак сакаллы Кыш бабабыз, бердәм алкышларга күмүче кунакларыбыз –бәйрәмебезне тагын да күркәмрәк иттеләр.

Хөрмәтле коллегалар!

Декабрь бураннары алып килгән Яңа ел белән котлыйбыз! Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Хөрмәтле Мәрзия Гатаулловна!

Сине олы бәйрәмең – 55 яшьлек юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын.

Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә!

Һәр яңа көн бәхет алып килсен,

Алсу таңнар күмсен шатлыкка.

Яшәү дәрте янсын йөрәгеңдә,

Картаерга һич тә ашыкма!

Юлбат мәктәбе коллективы.

27 декабрь көнне мәктәбебездә чаңгы ярышлары үтте. Укучылар ярышта актив катнаштылар. 7 сыйныф укучылары иң яхшы результатлар  күрсәттеләр.

Хөрмәтле укытучыларыбыз   Равия Рафгалиевна, Гөлүсә Рифкатовна!

Сезне чын күңелебездән үзегезгә генә хас бәйрәмегез туган көнннәрегез белән котлыйбыз. Сезгә кояштай озын гомер, корычтай нык сәламәтлек, эшегездә һәм тормышыгызда зур уңышлар,  семья бәхете телибез.

Юлбат мәктәбе коллективы.

Хокук атналыгы кысаларында 21 декабрьдә Район эчке эшләр бүлегенең балигъ булмаган балалар белән эшләү инспекторы Закиев И.Ф. һәм участок инспекторы Бәдретдинов И.М. белән очрашу узды.    Килгән кунаклар укучыларны балалар арасында булган хокук бозуларны кисәтү чаралары белән таныштырдылар һәм аларны кызыксындырган сорауларга җавап бирделәр.

Котлыйбыз!

18 декабрь көнне шашка буенча район беренчелегенә үткәрелгән блиц турнирда, 7 нче сыйныф укучысы Кәримова Гүзәл  Раил кызы хатын-кызлар арасында I урынны алды. Гүзәлне уңышлары белән котлыйбыз!