1 нче, 2нче сыйныф укучылары һәр атнада кышкы  табигатькә сәяхәткә чыгалар.   

Бүген мәктәптә гражданлык һәм патриотик тәрбия бирү айлыгы башланып китте. Айлык дәвамында укучыларга патриотик тәрбия бирү, сәламәт яшәү рәвеше тәрбияләү юнәлешендәге чаралар, төрле спорт ярышлары планлаштырылган.

      28 январь көнне Юлбат авыл мәдәният йортында

“Хезмәтемдә юлдаш - җыр һәм бию, 

Тормышымда юлдаш – моң һәм көй!”

дип аталган иҗат-отчет концерты  булды. Концертта  Юлбат урта мәктәбе  коллективы  да актив катнашты. Укытучылар коллективы ансамбле чыгышын, укучыларның берсеннән-берсе матур биюләрен, халык уен кораллары ансамблен, аерым җырчыларның чыгышларын тамашачы көчле алкышларга күмде.

22-28  январь көннәрендә шашка буенча Казан шәһәрендә Татарстан  беренчелегенә үткәрелгән ярышлар да катнашып  Кәримова  Гүзәл  2 нче урынны яулады.

"Дәфтәр укучының көзгесе". Нәкъ шушы исем астында мәктәбебездә иң чиста, иң пөхтә, тиешле кагыйдәләргә җавап бирүче дәфтәрләр күргәзмәсе оештырылды. Үлеге дәфтәрләр үрнәгендә укучыларның дәфтәр тотышына игътибары тагын да артыр дигән теләктә калабыз.

2012 елның 26 январенда Яшел Үзән шәһәренең 10 нчы гимназиясендә Казан (Идел буе) федераль  университеты, Бөтендөнья татар  конгрессы Башкарма комитеты, Яшел Үзән мәгариф идарәсе укучыларның Каюм Насыйри исемендәге X төбәкара фәнни-гамәли укуларын үткәрде. Әлеге чарада мәктәбебезнең VII  сыйныф укучысы Кәримова Гүзәл бүләкләнде “Тел - белемнең ачкычы, акылның баскычы” дигән номинациядә чыгыш ясады. Грамота һәм кыйммәтле бүләккә ия булды. Фәнни җитәкчесе – Галимуллина Д.Г.

Бүген, ягъни 25 нче январь көнне мәктәбебездә Сатыш һәм Юлбат урта мәктәбенең 10нчы һәм 11нче сыйныф укучылары катнашында КНИТУ (элеккеге КХТИ) укытучылары белән очрашу үткәрелде. Алар укучыларны университеттагы институтлар, факультетлар, андагы белгечлекләр, кабул итү тәртипләре белән таныштырды. Һәр укучыга университет турында язылган белешмәлекләр таратылды. Презентация белән алып барылган әлеге чыгышлар һәркем өчен дә бик файдалы һәм мавыктыргыч  булды.Очрашу ахырында укучылар үзләрен кызыксындырган сорауларны бирделәр.

Мәктәптә сәламәтлек айлыгы дәвам итә.  Мәктәп әйләнәсендәге чаңгы юлларында  көн дәвамында укучыларны, укытучыларны күрергә мөмкин.                                     

     Бүген 4 нче сыйныф укучылары, укытучылары Гөлсинә Мөхәммәтхановна белән бергәләп, дәресләрдән соң, якындагы нарат урманына бардылар.Алар кышкы табигатьнең матурлыгына  сокландылар, рәхәтләнеп чаңгы шудылар.

18 гыйнвар көнне Юлбат урта гомуми белем бирү мәктәбе базасында химия- биология укытучыларының  ресурс үзәк планы буенча семинары  үткәрелде.                                 

Семинар барышында түбәндәге чаралар план нигезендә оештырылды.

1)    “Матдәләр арасында генетик бәйләнеш” темасы буенча күнегүләр чишү методикасы. I категорияле  химия-биология укытучысы Хаҗиева А.Р.

2)    “Биологиядән БДИ биремнәре чишү” темасы буенча күнегүләр чишү методикасы. I категорияле  химия-биология укытучысы Хаҗиева А.Р.

3)    Химия-биология буенча 2011 елгы БДИ эшләренә һәм хаталарга анализ.

4)    “Биологиядән БДИ әзерләү буенча тәҗрибә уртаклашу” дигән темага түгәрәк өстәл артында сөйләшү.

2 нче яртыеллыкның 3 нче чирек башланып  китте. Укучыларны укуларында зур уңышлар укытучыларыбызга авыр хезмәтләрендә яңа үрләр телибез.