Кабатланмас балачак иленең иң зур бәйрәмнәренең берсе – Әлифба бәйрәме.Чөнки  һәркемнең белем дөньясына беренче адымы Әлифбадан башлана. 1 сыйныфта  укучыларыбызның әлеге матур бәйрәме – мәктәбебездә әтиләр – әниләр катнашында узды.  Укучылар үзләренең белемнәрен , осталыкларын күрсәтеп әти – әниләрен шатландырып шигырьләр сөйләделәр, җырлар җырладылар. “Әлифба” һәм “Туган телнең”киңәшләрен тыңлап , аларга алга таба да тырышып укырга сүз бирделәр.

Сез үсә – үсә буйга җитәрсез,

Бәлки юлыгыз китәр еракка

Кайда йөрсәгез , кем булсагыз да

Онытмас сезне җан дус – Әлифба!                                         

6 мартта Юлбат урта гомумбелем бирү мәктәбендә информатика укытучыларының "Информатика һәм МКТ дан елдагы конкурсларны үткәрү методикасы" дигән темага район семинары узды.  Семинар кысаларында 8 сыйныфта "Компьютер графикасы. Растрлы һәм векторлы графика" дигән темага ачык дәрес һәм "Минем дустым-компьютер" дигән класстан тыш чара үткәрелде. Дәрес укыту стандартлары буенча интерактив такта мөмкинлекләрен кулланып алып барылды. Укучылар ачык чаралардан яңа белемнәр үзләштереп күңел күтәренкелеге  белән чыктылар.

Күренекле галим, тел белгече Әбрар Кәримуллинның иҗади мирасын өйрәнүгә багышланган фәнни-гамәли конференциянең "Милли-мәдәни мирас" номинациясендә III урын яулап Дипломга лаек булган 9 нчы сыйныф укучысы Хәмитова Әдиләне, аның фәнни җитәкчесе Галимуллина Дания Гайфетдиновнаны котлыйбыз!

25 февраль  көнне  6 нчы сыйныф  укучысы  Фәтхриев Ринат XIV Республика  математик олимпиадасының II турында   уңышлы гына  чыгыш ясады.

23 нче февраль көнне Юлбат мәдәният йортында укучы малайлар арасында "Ягез әле, малайлар" дигән бәйге-кичә үткәрелде. Бәйрәм азагында яу кырларында һәлак булган, хәбәрсез югалган авылдашларыбыз истәлегенә салынган һәйкәлгә венок куелды.

Хөрмәтле Ир-егетләребез!

Сезне чын күңелебездән Ил сакчылары көне белән котлыйбыз!

Сезгә озын гомер, нык сәламәтлек, эшегездә зур уңышлар телибез!

Юлбат урта мәктәбе коллективы хатын-кыз укытучылары.

Бүген Юлбат урта мәктәбендә директорлар киңәшмәсе узды. Киңәшмә укучыларны БДИ ларга әзерләүне үстерү максатыннан оештырылды. Районның  дүрт алдынгы укытучысы дәресләрдә бердәм дәүләт имтиханнарына әзерлекне ачык дәресләр мисалында күрсәтте. Дәресләр югары дәрәҗәдә, яңа информацион технологияләр кулланып узды. 

16 нчы февраль көнне Юлбат урта мәктәбендә интернациаль бурычларын үтәгәндә һаләк булган ватандашларыбыз һәм  авылдашларыбыз Илгизәр Харисов истәлегенә багышланган "Мәңге төзәлмәс, Әфган ярасы" дигән кичә үткерелде. Кичәгә Әфган сугышында катнашкан Әглиев Илдус, Галләмов Фирдинат, Чечня сугышында катнашкан Сәйфуллин Марат, Галиуллин Илһам, Хуҗин Фәрхәт, Гатауллин Ирек чакырылган иделәр.

14 февраль көнне "Шатлык" бию коллективы Яр Чаллы шәһәрендә үткәрелгән "Танцевальный карусель"  бию конкурсында катнашып, уңышлы чыгыш ясадылар. Нәтиҗәләре 21 нче февраль көнне игълан ителәчәк.

Район мәктәпләренең 6 сыйныф укучылары арасында үткәрелгән XIV Республика математик олимпиадасының  I турында 1 урын алган Фәтхриев Ринатны, аның укытучысы Кәримова Равия Рафгалиевнаны уңышлары белән котлыйбыз!