«Россия чаңгы юллары-2012»

11 февраль көнне “Россия чаңгы юллары - 2012”  XXX Бөтенроссия  массакүләм чаңгы ярышында Юлбат урта мәктәбенең укытучылар һәм укучылар коллективы бердәм рәвештә катнашты. Чарадан һәркем кәнәгать калды.

Гражданлык һәм патриотик айлык кысаларында авылыбыз фельдшеры Гайфуллина В.Г. белән очрашу оештырылды. Ул укучыларга сәламәт яшәү рәвеше алып баруга юнәлтелгән бик файдалы мәгълүматлар китерде.

8 февраль яшь батырларны искэ алу көне булып үтте һәм II сыйныфларны эзтабарга алынды.

Мәктәбебезнең IX сыйныф укучысы Фәләхова Фәридә татар теленнән олимпиаданың республика этабында катнашып кайтты. 

Укучыларыбыз фәнни юнәлештәге бәйгеләрдә дә теләп катнашалар. Шундыйлардан Габдрахманов Зөлфәт (8 кл.), "Аксаков укулары" I Республика конкурсының эзләнү эше номанициясендә җиңеп, Мактау грамотасына лаек булды. Укытучысы - Халикова М.Г.

1 нче, 2нче сыйныф укучылары һәр атнада кышкы  табигатькә сәяхәткә чыгалар.   

Бүген мәктәптә гражданлык һәм патриотик тәрбия бирү айлыгы башланып китте. Айлык дәвамында укучыларга патриотик тәрбия бирү, сәламәт яшәү рәвеше тәрбияләү юнәлешендәге чаралар, төрле спорт ярышлары планлаштырылган.

      28 январь көнне Юлбат авыл мәдәният йортында

“Хезмәтемдә юлдаш - җыр һәм бию, 

Тормышымда юлдаш – моң һәм көй!”

дип аталган иҗат-отчет концерты  булды. Концертта  Юлбат урта мәктәбе  коллективы  да актив катнашты. Укытучылар коллективы ансамбле чыгышын, укучыларның берсеннән-берсе матур биюләрен, халык уен кораллары ансамблен, аерым җырчыларның чыгышларын тамашачы көчле алкышларга күмде.

22-28  январь көннәрендә шашка буенча Казан шәһәрендә Татарстан  беренчелегенә үткәрелгән ярышлар да катнашып  Кәримова  Гүзәл  2 нче урынны яулады.

"Дәфтәр укучының көзгесе". Нәкъ шушы исем астында мәктәбебездә иң чиста, иң пөхтә, тиешле кагыйдәләргә җавап бирүче дәфтәрләр күргәзмәсе оештырылды. Үлеге дәфтәрләр үрнәгендә укучыларның дәфтәр тотышына игътибары тагын да артыр дигән теләктә калабыз.