29 нчы апрель көнне Юлбат урта мәктәбендә Крым һәм Севастополь шәһәренең Россия составына кушылу уңаена "Без бергә!" дигән парламент дәресе 5, 10-11 сыйныфларда тарих дәресе кысаларында Сафин Илдар Фатхуллович тарафыннан үткәрелде. Ә калган классларда бу чара сыйныф сәгатьләрендә узды.

 

Сезне чын күңелебездән Балаларны яклау көне, җәй һәм каникулларның башлануы белән котлыйбыз!!! Сау-сәламәт булуыгызны, бәхетле балалар булып үсүегезне, әти-әниләрегезне шатландырып яшәвегезне телибез! Йөзләрегездә һәрчак елмаю, күңелләрегез һәрчак шатлык белән тулып торсын! Һәрбер мизгелдән тәм табып, табигатебезнең матурлыгына сокланып яшәгез!

1 июньдә Юлбат урта мәктәбендә "Хыял" сәламәтләндерү лагере үзенең эшчәнлеген башлап җибәрә. Лагерьда 30 укучы 6 педагог җитәкчелегендә сәламәтлекләрен ныгыта, җәйге ялларын күңелле итеп үткәрә.

Кадерле укучыларыбыз лагерьга рәхим тигез! 

Барыгызны да яз һәм хезмәт бәйрәме - 1 май белән котлыйбыз! Эшегездә, тормышыгызда зур уңышлар телибез.

Беренче Май килде жиргә,
Якты нурга күмелеп.
Төрле төскә керде җиһан
Матурлыкка төренеп.

Бүген, ягъни 28 нче апрель көнне, мәктәбебездә 5 нче, 7 нче, 8 нче һәм 10 нчы сыйныфларда белем сыйфатын тикшерү максатыннан математика һәм рус теле фәннәреннән контроль эшләр алынды.
 

24 нче апрель көнне, Казан (Идел буе ) федераль университеты, филология һәм мәдәниятара  багланышлар  институты, МКУ “Татарстан республикасы Саба   муниципаль  районы Башкарма комитетының  мәгариф  идарәсе“, МБГБУ “Сәләтле балалар өчен урта гомуми  белем мәктәп-интернаты”  берлегендә “Филология, тарих, мәдәният –яңа  караш” I зонакүләм фәнни-гамәли конференция булды.

Конференциядә мәктәбебез укучылары уңышлы гына чыгыш ясадылар. 9 нчы сыйныф укучысы Гүзәл Кәримова  (җитәкчесе: Д.Г.Галимуллина) – II урын , 10 нчы сыйныф укучысы Айдар Гайфуллин (җитәкчесе: М.М.Галявиева ) - III урынга  лаек булдылар. Аларны зур уңышлары белән  котлыйбыз!

1 -19 апрельдә сәләтле балалар интернат- мәктәбендә «Филология, культура, история: новый взгляд» дип аталган  I зона фәнни – практик конференциясенең  читтән торып үткәрелгән туры узды.  9 нчы сыйныф укучысы Кәримова Г. һәм 10 нчы сыйныф укучысы Гайфуллин А. ның эшләре икенче турга үтте. 

22 апрель көнне мәктәбебездә 9 нчы сыйныф укучыларының әти-әниләре белән ” БДИ буенча апелляциягә бирү һәм аның тикшерү тәртибе белән таныштыру” дигән темага җыелыш үтте. Сыйныф җитәкчесе Дания Гайфетдиновна 29 апель көнне дәүләт имтиханнарын татар теле фәне белән башлап җибәрүләрен әти-әниләргә җиткерде. Кабаттан үзенең киңәшләрен әйтте. Апелляциягә бирү тәртибен бәйнә-бәйнә аңлатты. Җыелышта әти-әниләр тулы составта катнашты.

22 апрель – Бөтендөнья Җир көне. Шушы уңайдан эзтабар отрядлары белән “Рәхмәт сиңа, Җир-анабыз, безгә байлык бирәсең” дигән темага чара узды. Аның максаты: укучыларның экологтк белемнәрен тирәнәйтү, табигатькә гуманлы мөнәсәбәт, тереклек өчен җаваплылык хисе тәрбияләү, табигать кочагында үз-үзеңне тоту кагыйдәләрен искә төшерү иде. Чара күңелле уеннар, җырлар белән үрелеп барды.