Район күләмендә үткәрелгән “Первые шаги в  науку” проект-эзләнү эшендә мәктәбебездән  3 нче сыйныф укучысы Хаҗиев Руслан (җитәкчесе Райханә Ханафиновна) катнашып, 1 нче урынга лаек булды. Без аны зур җиңүе белән котлыйбыз! Алга таба да яңа үрләр яулавын телибез!

Ел да 15 майда -. Табигатьнең иң гүзәл, алмагачлар чәчәккә төренгән вакытында Халыкара гаилә көнен билгеләп үтәбез  . Үз йортында бәхетле булган гына бәхетле . Кеше яшәешенең асылын шушы гап-гади сүзләр ача да сала Гаилә бәйрәме дә бәхетле булуның һәм үзара аңлашып яшәүнең кыйммәтен тагын бер мәртәбә искәртү өчен тәгаенләнә. Мәктәптә дә бу көнне билгеләп үттеләр, сыйныфларда сөйләшүләр, түгәрәкләрдә чаралар оештырылды.

    Хөрмәтле Фирдания Габделхаковна!

   Сезне ихластан олы бәйрәмегез- 50 яшьлек юбилеегыз белән котлыйбыз.

  Сезгә озын гомер, нык сәламәтлек, гаилә иминлеге телибез.

Сабыр да син, гади, кешелекле,

Кылган  эшең — бары изгелек.

Шатлыкларда үтсен синең көннәр

Бәхетләрең булсын гомерлек.

Юлларыңда киртә очраса да,

Тирән упкыннарга юлыкма.

Һәрчак сиңа ярдәм итәрлек

Хезмәттәшләр барын онытма.

12 нче май көнне район балалар иҗат үзәгендә балалар оешмаларының район фестивале үтте. Ул ике өлештән торды. Беренче өлештә ел буе эшләгән эшләргә нәтиҗәләр ясалды. 2 нче өлешендә балалар сабантуе узды. Мәктәбебез укучыларының  ел буена башкарган эшләре югары бәяләнде.  Күп санлы рәхмәт хатлары, мактау грамоталары тапшырылды.

Мәктәбебездә 12 май көнне һәр сыйныфта Халыкара экологик белем көненә багышлап “ Бердәм экологик дәрес”ләр үтте. Бу дәрес башлангыч сыйныфларда “Нәрсә ул экология? Экоградка сәяхәт” , урта һәм югары сыйныфларда “Глобаль экологик проблемалар” темалары астында уздырылды.

Мәктәбебездә әйләнә – тирәне тәртипкә китерү эшләре дәвам итә. Шул максаттан, 11 нче май көнне, мәктәп яны тәҗрибә участогында мәктәп коллективы, укучылар, әти – әниләр катнашында өмә үткәрелде. Чәчәкләр,яшелчә,җиләк – җимешләр утырту өчен җир әзерләнде.

Хөрмәтле  сугыш һәм хезмәт ветераннары! Сезнең барыгызны да олы тантана- Бөек Җиңү көне белән котлыйбыз. Сезгә исәнлек - саулык, күңел тынычлыгы телибез!

.

5, 6 май көннәрендә Республикакүләм техник иҗат юнәлешендәге фестивальгә әзерләнү максатыннан  һәм  Сәләтле балачак-өметле киләчәк фестиваль конкурсының декоратив-гамәли, рәсем номинациясе күргәзмәләре оештырылды. Әлеге күргәзмәдә агач эшләре, автомоделирование, авиамоделирование, судомоделирование, авыл хуҗалыгы техникасы, робототехника номинациясендә эшләр тәкъдим ителде. Безнең мәктәптән техник иҗат түгәрәге җитәкчесе Давлетшин Нияз Ильгизович түгәрәккә йөрүче укучылар белән  робототехника номинациясендә үзләренең эшләрен тәкъдим иттеләр. Көн дәвамында мастер-класслар күрсәтелде, экскурсияләр оештырылды.

17 май көнне бәйрәм ителәчәк Балаларның ышаныч телефоны көне уңаеннан, мәктәп укучыларына, шушы темага багышланган сыйныф сәгатьләре үткәрелде.

Бүген мәктәп коллективы чираттагы өмәгә чыкты. Төп эшчәнлек территорияне чистарту һәм түтәлләр әзерләү булды. Бакчабызда мул уңыш алыйк дип теләп калабыз.