Февраль ае укучыларга хәрби-патриотик тәрбия бирү айлыгы итеп билгеләнде.Айлык барышында укучыларны төрле кызыклы ярыш-бәйгеләр,очрашулар көтә.Бүген ике рота арасында противогаз кию ярышы булып үтте.Бүгенге ярышта очколар саны тигез булды.Сынатмыйк,укучылар!

Бүген 5 нче сыйныфта үткән тәрбия сәгате "Кошларым - канатлы дусларым" дигән исем астында үтте. Сыйныф җитәкчесе Гыйлметдинова Д.Г. иң элек кышлаучы турында презентация күрсәтем, чыгыш ясады; аннары укучылар башкаруында кошлар турында шигырьләр тыңланылды, сорауларга җаваплар, табышмаклар чишелде. Тәрбия сәгате кызыклы һәм файдалы булды. 

“Ялкын” - урта һәм олы яшьтәге мәктәп балаларының иң яраткан журналы.Ул әледән-әле бәйгеләр оештыра.” “Ялкын”Питерга китерер!”бәйгесендә 6нчы сыйныф укучылары  бик теләп катнаштылар.

Укуда,хезмәттә,җәмәгать эшләрендә бу класс –иң активы.Иҗат итәргә яратулары  белән дә аерылып торалар.Класстагы 6 укучы да “Ялкын”журналына  язылды.Үзләренең классы турында шигъри формада эш җибәрделәр.Әлеге бәйгедә катнашкан 6 нчы сыйныфка һәм укытучы  Мөхәмәтханова Гүзәлия Миннехановнага рәхмәтебезне белдерәбез.Киләчәктә дә бәйгеләрдә катнашыгыз.Мәктәп еллары әнә шулай күңелле ул!

Мәктәбебезнең 7 сыйныф укучылары - Габдрахманова Сөмбел, Зарипов Ирек, Исмәгыйлова Азалия "Интернет челтәрендәге иминлек" конкурсына плакат ясадылар. Шулай ук Вәлиева Гөлия,Габдрахманова Сөмбел, Исмәгыйлова Азалия видеоролик эшләделәр. Биредә интернет челтәрендәге иминлек, бала өчен файдасы һәм зыяны, әти-әниләрнең аларга  куркынычсыз мөхит тудыруы турында сөйләнелә. Конкурста катнашучы укучыларга һәм аларның җитәкчесе Гыйльманова Айгөл Нәгыймулла кызына уңышлар телибез!

Бүген" Елмаю" берлеге варислары үзләренә беркетелгән Фәүзия апага шефлыкка бардылар.Егетләр кар көрәде,ә кызлар су кертте,өй җыештырдылар.Фәүзия апа бик рәхмәтле ул балаларга.

Мәктәбебездә китапханә планы буенча  А.П.Чеховның 155-еллыгы уңаеннан, аның иҗаты һәм тормышына багышланган викторина үткәрелде. Китапханәче  Гыйльманова Айгөл Нәгыймулла кызы укучыларга сораулар тәкъдим итте. Сорауга иң күп җавап бирүче Гыйльмиева Әнисә, Давлатова Гүзәл, Мәрдәнов Зөлфәтләр булды. Афәрин, укучылар!

Бүген 22 нче гыйнвар көнне безнең мәктәптә атналык программа нигезендә “Татарстанның күренекле рәссамнары” дигән темага 5-11нче сыйныф укучыларына презентация күрсәтелде, анда күренекле рәссамнарның тормышы турында сөйләнде һәм аларның иҗат иткән хезмәтләре күрсәтелде.

Рәсем укытучысы Гыйльманова Айгөл Нәгыймулла кызы җитәкчелегендә 5 нче сыйныф укучысы Мәрдәнов Зөлфәт "Ватан сагында" III Республика конкурсында апликация номинациясендә үз эше белән катнашты. Алардан зур җиңүләр көтеп калабыз! 

Бүген, 20 нче гыйнвар көнне,  атналык программа нигезендә «Халык иҗатын бүгенге көнгә кадәр саклап килгән сәнгать» дигән темага класстан тыш чара узды, анда 5 нче сыйныф укучылары катнашты.

19 нчы гыйнвардан 24 нче гыйнварга кадәр мәктәп күләмендә сәнгать фәннәре атналыгы башланып китте. Бүген атналык программа нигезендә "Мин һәм минем иҗатым" дигән темага 1-8 нче сыйныфлар өчен презентация күрсәтелде.Шулай ук 5-7 нче сыйныф укучыларының рәсем дәресләрендәге эшчәнлеге яктыртылды.