21,22 нче ноябрь көннәрендә Завод- Нырты, Лесхоз  урта мәктәбендә эшләүче коллегаларыбыз белән бергә "Татарстан Республикасында укыту сыйфатын камилләштерү" проекты кысаларында "Фикерләү культурасын үстерү" программасы буенча укуларда булып,белемнәребезне үстереп кайттык. 

"21 ноябрь-тәмәке тартуга каршы көрәш көне" уңаеннан укучыларга никотинның кеше организмына китергән зыяны турында видеофильм карау оештырылды.Әлеге чара үтемле һәм файдалы булды.

Бүген атналык кысаларында"Белемгә уен аша" интеллектуаль бәйге булып үтте.Әлеге бәйгедә "Белем капчыклары" һәм "Акыл ияләре" командалары көч сынашты.Төрле фәннәр буенча алынган турларда укучылар белемнәрен тирәнәйттеләр.Укучылар активлык күрсәтеп,"Дуслык" җиңүе белән тәмамланды.

Бүген "Чишмәкәй" балалар берлеге һәм Мәктәп балалар Думасы членнары "Саба дулкыннары" тапшыруында кунакта булып кайттылар. Укучылар мәктәп тормышы яңалыклары,җиңүләре турында горурланып сөйләделәр.Матур җырлар, сәнгатьле укылган шигырьләр,башкарылган эшләр радио тыңлаучыларыбызга ошагандыр,мөгаен.

Бүген тарих һәм җәмгыять фәне укытучысы Марданова С.Х. 7-11 нче сыйныф укучылары белән "Законнар кайда туа?" темасына парламент дәресе уздырды.Дәрес барышында укучылар илдә бара торган үсеш- үзгәрешләр,законнар һәм аларның үтәлеше турында белем- мәгьлуматлар алдылар.Дәрес эчтәлекле һәм файдалы узды.

Бүген мәктәбебездә "Начар гадәтләр урынына, мин спортны сайлыйм!"акциясе төгәлләнде.Укучыларның мәктәп турында  җиңгән рәсем-плакатлары, иншалары район турына тәкьдим ителде.

Бүген 3,4 нче сыйныф укучылары Т.Миңнуллинның "Авыл эте Акбай" әкиятеннән бер өзекне сәхнәләштерделәр. Фәйзерахманов Инсаф,Ханов Айрат, Габделхакова Альбина,Зарипов Әдел,Шакирова Индиралар үзләрен чын артистларча тоттылар.Әлеге чара укучыларга да,укытучыларга да бик ошады.

Атналык план нигезендә бүген "Юлда йөри беләсеңме" дип аталган викторина барышында укучылар юлда йөрү кагыйдәләре буенча белемнәрен арттырдылар."Светофор","Юл билгеләре" командалары үзара көч сынаштылар.Күпчелек сорауларга дөрес җаваплар биреп "Светофор" командасы җиңү яулады.

Мәктәбебездә 17.11-22.11көннәрендә башлангыч сыйныфлар атналыгы бара. Атналык программада үткәреләсе чаралар укучыларның белем күнекмәләрен, фикерләү сәләтләрен,танып белү активлыкларын үстерүгә юнәлтелгән. Бүген  әдәби викторинада  укучылар активлык күрсәттеләр.

1ноябрьдән мәктәбебездә "Начар гадәтләр урынына,мин спортны сайлыйм!" акциясе башланып китте.Бүген әлеге акциянең рәсем,плакат номинациясенә нәтиҗә ясалды.Җиңүче укучыларның эшләре районга җибәреләчәк.