Бүген укучыларның яратып укый торган  "Ялкын" журналы коллетивы бездә кунакта булып китте. Очрашу вакытында укучылар "Ялкын" журналының нәшер ителә башлау тарихы, журнал коллективы белән таныштылар. Иң кызыгы -укучылар өчен "Син беләсеңме?"-дигән ярыш - бәйге оештырылуы булды.Укучыларыбыз "Ялкын" журналистларының сорауларына тулы, дөрес җаваплар бирделәр. Ә "Ялкын" журналы хезмәткәрләре укучыларга "Ялкын " журналлары бүләк иттеләр.

2 нче сыйныф укучысы Моратниязова Айгөл, “Бәләкәч китапчык” конкурсында катнашып, үзенчәлекле эше өчен Грамота белән бүләкләнде. Җитәкчесе: Дәүләтова Г.Г.

21 нче арель көнне район күләмендә"Сәләтле балачак -өметле киләчәк" район балалар иҗаты фестиваль -конкурсы  булып узды. Әлеге конкурста  Аухадиева Н.А. җитәкләгән "Бәхетле балачак" бию коллективының кече төркеме - "Татар халык " һәм уртанчы төркемнәре  " Кытай" халык биюе белән катнашып чыгыш ясады. Уңышлар куанычлы- район күләмендә II һәм  III нче урыннар  яуланылды.   Молодцы, укучылар!!!

Бүген, 20 апрель көнне, мәктәп күләмендә әти -әниләр җыелышы булып үтте.Җыелышның көн тәртибе: 

1."Балаларга гаилә тәрбиясе бирүнең әһәмияте"- тәрбия эшләре буенча директор урынбасары Әхмәтшина Р.И. чыгышы.

2."Компьютер уеннарының балалар сәламәтлегенә зыяны" - Саба гимназиясе психологы Сафина Г.Р. чыгышы.

3."Суицид һәм аннан балаларны ничек сакларга?" - Бигәнәй авылы ФАП фельдшеры Исмагилова Э.С. чыгышы.

4."Яшүсмерләр арасында хокук бозуларны булдырмау " - Балигъ булмаган балалар белән эшләү бүлеге өлкән инспекторы Романова А.Г. чыгышы.

Җыелышка Сатыш авыл җирлеге башлыгы Галиев А.В. чакырылган иде.

Җыелышның икенче өлешендә әти -әниләр өчен "Аулак өй" күренеше тәкъдим ителде.Әлеге җыелыш файдалы һәм күңелле үтте.

Бөек Җиңүнең 70 еллыгына ныклы әзерлек бара.Бүген дәресләрдән соң 5 нче сыйныф укучылары үзләренә беркетелгән һәйкәл - обелискны чистартырга бардылар.Укучылар үзләренең эшләреннән канәгать калдылар.

20 апрельдән  мәктәбебездә "Язгы шәфкатьлелек" айлыгы башланып китте. Атнаның 7 көне дә аерым темалар белән изге эшләргә багышлана. Бүгенге көннең темасы -

"Җылы сүз - йөрәккә якын". Бүген укучылар бер - берләренә, өлкәннәргә аеруча игътибарлы булдылар.

-

"Балалар китабы" атналыгы нигезендә безнең мәктәптә төрледән-төрле конкурслар игълан ителгән иде. Шул конкурсларның берсе "Бәләкәч китап чык ясау" булса, икенчесе "Иллюстрацияләр конкурсы" булды. Барлык укучылар да бик актив катнаштылар һәм эшләрнең иң әйбәтләрен дә билгеләп үттеләр. Бу конкурсларны җитәкләгән китапханәче Гильманова А.Н. линейка барышында җиңүчеләрне дә билгеләп үтте. Рәхмәт сезгә укучылар! 

Мәктәбебездә 4 нче сыйныф укучылары ФГОС кысаларында  укучыларның белем сыйфаты  бәяләүнең тагын бер эше  - “Проект эшчәнлеге” этабын  уңышлы башкарып чыктылар. Сыйныф ике группага бүленеп проект эше эшләделәр.  Һәр группа үз эшен оста һәм төгәл итеп яклый алды. Комиссия  укучыларның  хезмәтләрен уңай бәяләде, сыйныфның мөстәкыйль  һәм  күмәк, тату эшләвен  билгеләп үтте.

14 нче апрель көнне мәктәбебездә китапханәчеләрнең  "Көт мине һәм мин кайтырмын..."(Бөек Җиңүнең 70 еллыгы багышлана) дип исемләнгән  район семинары булып узды. Семинар “Батырлар мәңге онытылмас” әдәби-музыкаль композиция, “Таныйк әле” дип исемләнгән уен-викториналар белән бәйләнеп барды. Китапханәче Гильманова А.Н. мәктәп китапханәсе турында бик яхшы итеп сөйләде һәм экскурсия оештырды . “Безнең эзләребез тарихка кереп калсын әле” дип исемләнгән шигырьләр кичәсендә барлык китапханәче үзләренең иң яраткан әсәрләрен башкардылар. Семинар бик тә үзенчәлекле һәм эчтәлеге белән бай булды. Семинарга килгән китапханәчеләр күтәренке кәеф белән, зур рәхмәтләр әйтеп таралдылар. 

Бөек Җиңүнең 70 еллыгын каршылап классларда планлы эшләр башкарыла.5 нче сыйныф укучылары ветеран укытучы Фатхрахманова Әлфия апа янында булып кайттылар.Алар тыл ветераннары турында бай материал туплап кайттылар.