Гимназиянең 2В сыйныфы укучылары укытучылары Рамилә Рифатовна җитәкчелегендә Роберт Миңнуллин исемендәге Республика балалар китапханәсендә кунакта булып кайттылар, татар балалар әдәбияты белән таныштылар. Укучылар дәрестән тыш вакытларын файдалы һәм кызыклы үткәрделәр.

Гимназиядә профориентация юнәлеше актив алып барыла. "Maximum Education" дип исемләнгән уку үзәгеннән килгән вәкилләр 9 нчы һәм 11 нче сыйныф укучыларына чыгышларын тәкъдим иттеләр. "Мәктәп яки колледж: кайсы юлны сайларга?", "11 нче сыйныфтан соң нинди юнәлеш буенча китәргә?", "Имтиханнарны ничек уңышлы бирергә?" - укучылар әлеге сорауларга җаваплар таптылар, фикерләре белән уртаклаштылар.

Гимназиянең башлангыч сыйныф укытучылары Рәйхан Рәшитовна "Почетный работник сферы образования РФ" һәм Резеда Фатыховна "Отличник Просвещения РФ" мактаулы исемнәргә лаек булдылар.
Гимназия директоры Гөлшат Әбүзәровна "За профессиональное мастерство, управленческий талант, целеустремленность и каждодневный труд во благо развития системы образования и воспитания" Рәхмәт хатына ия булды.
"Хөрмәтле коллегалар, сезне чын күңелдән котлыйбыз! Бу укытучы хезмәтендә була торган иң дәрәҗәле бүләк булып тора. Алган дәрәҗәле мактау исемнәрегезнең бәрәкәтен күрергә, озак еллар эшләргә язсын!- дип матур теләкләрен җиткерде гимназия директоры Гөлшат Әбүзәровна.

Җир йөзендә иң- иң матур теләкләрне
Сорасалар, багышларга кемгә, диеп,
Үзенә бик күп йөрәкләрне әсир иткән
Укытучыга, дияр идем, башым иеп!
5 нче октябрь- Укытучылар көне. Гимназиядә әлеге көн уңаеннан бәйрәм концерты уздырылды. Бәйрәмгә күп еллар гимназиябездә эшләп, лаеклы ялга чыккан укытучылар, хезмәткәрләр чакырылды. Укытучыларга һәм өлкәннәребезгә укучыларыбыз үзләренең талантларын күрсәттеләр. Килгән кунакларыбыз тарафыннан һәр чыгыш кайнар алкышларга күмелде! Концерттан соң очрашу бәйрәм табыны артында дәвам итте.

Видеога сылтамалар: https://vk.com/club216931602?from=groups&z=video-216931602_456239439%2Fcf8f81ee97791d2478%2Fpl_wall_-216931602

https://vk.com/club216931602?from=groups&z=video-216931602_456239441%2F3188d4673cdf8ece9e%2Fpl_wall_-216931602

Гимназиядә үзидарә көне укучыларыбыз өчен чын бәйрәм. Өлкән сыйныф укучылары үзләрен яңа рольдә сынап карадылар. Бәлки егетләрнең һәм ​​кызларның кайберләре киләчәктә дә укытучы һөнәрен сайлар.

Видеога сылтама: https://vk.com/video-216931602_456239443

4 нче октябрь- Бөтендөнья хайваннарны саклау көне. Шул уңайдан гимназия укучылары белән төрле чаралар оештырылды: экологик сәгать, интеллектуаль уен, кинолекторий. Шулай ук укучылар, укытучылар һәм әти- әниләр "Кот и Пес" дип исемләнгән приютка ярдәм итү максатыннан игелекле акциядә актив катнаштылар.
Гимназия активистлары тәрбия эшләре буенча директор киңәшчесе Гөлчәчәк Әсхатовна белән берлектә 362 нче номерлы балалар бакчасында "Без алар өчен җаваплы" дип исемләнгән кинолекторий үткәрделәр, сорауларга җаваплар бирделәр.
Хайваннарны саклау көне тугры дусларыбыз өчен кешелек зур җаваплылык тоярга тиешлеген искә төшерә.

Укучыларга һөнәри юнәлеш бирү максатыннан гимназиянең 4А сыйныфы укытучылары Гөлфия Рөстәмовна җитәкчелегендә 7 нче янгын сүндерү- коткару өлешендә булып кайттылар.
Укучылар янгын сүндерүчеләрнең хезмәте, куркынычсызлык кагыйдәләре белән таныштылар, үзләрен дә бу эштә сынап карадылар. Янгын сүндерүче көчле, кыю, җитез, акыллы булырга тиеш, кешеләрне коткару - авыр һәм мөһим хезмәт дигән нәтиҗәләр ясалды.

1 нче октябрьдә Халыкара музыка көне билгеләп үтелә. Шул уңайдан, гимназия укучылары тәрбия эшләре буенча директор киңәшчесе Гөлчәчәк Әсхатовна белән берлектә уен форматында җыр дөньясы белән таныштылар,
Уен берничә турдан торды:
- "Көйне таны";
- "Көйнең композиторын һәм жанрын билгелә";
- "Музыка турындагы тарихи фактлар буенча белемнәрне тикшер".

Гимназия базасында эшләп килүче каратэ түгәрәгенә йөрүче 4А сыйныфы укучысы Жданов Алмаз "Открытый чемпионат и первенство города Лениногорск по Кёкусин Кайкан" бәйгесендә I урынны яулады.
Алмазны һәм тренеры Илсур Илгизовичны зур җиңүләре белән котлыйбыз, киләчәктә уңышлар телибез!

1 нче октябрь- Халыкара өлкәннәр көне. Әлеге көн уңаеннан гимназиядә сыйныф сәгатьләре, чаралар үткәрелде:
- башлангыч сыйныф укучылары белән кинолекторий уздырылды, "Жили- были дед и баба" мультфильмы каралды;
- 5- 7 нче сыйныф укучылары "Бәйрәм" мультфильмы буенча фикер алыштылар;
- 3 нче октябрь көнне күп еллар гимназиябездә эшләп, лаеклы ялга чыккан өлкәннәребезгә багышлап бәйрәм концерты оештырылды.
Кадерле әби- бабаларыбыз, гомерләренең "көмеш" чорына кергән апа- абыйларыбыз бәйрәм көнне генә түгел, ә һәрвакыт игътибарга һәм яратуга мохтаҗ. Алар- безнең тормышны бизәүчеләр. Барлык өлкәннәребезгә сәламәтлек, гаилә җылысы, күңел тынычлыгы теләп калабыз!