Гимназиябез укучылары, укытучылары һәм әти- әниләре "Үлемсез полк- 2025" ("Бессмертный полк- 2025") Бөтенроссия акциясенә кушылдылар.
"Үлемсез полк" хәтернең мәңгелек булуын дәлилли. Яшь буын вәкилләре безгә бүгенге матур тормышны бүләк иткән геройларыбызны белергә, аларның якты истәлеген сакларга тиеш.

Видеога сылтама: https://vk.com/club216931602?from=groups&z=video-216931602_456239411%2F652df47a08bc632660%2Fpl_wall_-216931602

Җиңү көне - олы бәйрәм бүген!
Җиңүчене данлый илебез!
Канын коеп, гомерен биргәннәрне,
Онытырга тиеш түгелбез!
Җиңү көне- илебезнең һәр кешесе өчен иң изге бәйрәмнәрнең берсе. Үз эченә шатлык- сөенечләрне дә, борчу- кайгыларны да, горурлык хисләрен салган бөек Җиңү бу.
Гимназиядә оештырылган барлык патриотик чараларның максатлары:
- укучылар күңелендә Бөек Җиңүгә карата ихтирам хисләре тәрбияләү;
- тарихи хәтерне саклау;
- халкыбызның үткәнен, бүгенгесен һәм киләчәген барлау.

Видеога сылтама: https://vk.com/club216931602?from=groups&z=video-216931602_456239410%2F96925c48d6cc9f2d2a%2Fpl_wall_-216931602

Гимназиядә укучылар белән берлектә сугыш чоры җырларына багышланган "Җиңү безнең күңел җырларында" дип исемләнгән әдәби- музыкаль кичә- квартирник оештырылды. Иҗади кичәдә хәтердә мәңгегә уелып калган җырлар башкарылды. Балалар тәмле чәй эчеп үзара күңелле генә аралаштылар. Очрашу патриотик рухта һәм җылы атмосферада үтте.

Видеога сылтама: https://vk.com/club216931602?from=groups&z=video-216931602_456239401%2Fa4b4d3ed1cb714decb%2Fpl_post_-216931602_1814

Гимназиядә Бөек Җиңүгә карата әдәби- музыкаль чаралар үткәрелде. Укучыларыбыз тыныч күк йөзе өчен көрәшкән батырларыбызга рәхмәт йөзеннән үзләренең талантларын күрсәттеләр: патриотик җырлар һәм биюләр башкардылар, уен коралларында уйнадылар, шигырьләр сөйләделәр.
8 нче сыйныф укучылары "Чемоданда Музей" ("Музей в чемодане") проектында катнаштылар. Алар үзләренең әби- бабайларының, туганнарының батырлыклары турында сөйләделәр һәм тематик экпозицияләре белән уртаклаштылар.
5Б сыйныфы укучысы Махмутова Набилә гаиләсе белән "Сад памяти- 2025" акциясендә катнаштылар. Афәрин!

Видеога сылтама: https://vk.com/club216931602?from=groups&z=video-216931602_456239404%2F0714e3bee592e72d55%2Fpl_post_-216931602_1817

https://vk.com/club216931602?from=groups&z=video-216931602_456239405%2Fb2afc44b45bd0a37ef%2Fpl_post_-216931602_1817

Рәхмәт Сезгә, батыр ветераннар,
Саклап калган өчен илебез.
Мәңгелек дан Сезгә, каһарманнар,
Тыныч булсын җир һәм күгебез!
Гимназиядә Бөек Җиңүнең 80 еллыгына багышланган тантаналы линейка уздырылды. Линейка барышында укучылар һәм укытучылар әби- бабайларының батырлыклары турында сөйләделәр, гимназия директоры Гөлшат Әбүзәровна бәйрәм белән котлау сүзләрен җиткерде, 6В сыйныфы укучысы Нотфуллин Солтан башкаруында патриотик җыр яңгырады. Җиңү өчен гомерләрен биргән батырлар бер минут тынлык белән искә алынды.
Җиңү көне- ул буынны берләштерүче бәйрәм. Безнең бурыч- Ватанга карата мәхәббәт белән тынычлык һәм азатлык тәэмин иткән халыкның батырлыгы турында хәтерне саклап калу.

Видеога сылтама: https://vk.com/club216931602?from=groups&z=video-216931602_456239407%2F327dacae12811b75f8%2Fpl_wall_-216931602

Бөек Җиңүнең 80 еллыгы уңаеннан башлангыч сыйныф укучылары арасында патриотик җырлар бәйгесе үткәрелде. Һәр сыйныфның чыгышы горурлык белән күңелгә үтеп керерлек итеп башкарылды.
Әлеге чараның максатлары:
- Укучыларда туган илгә мәхәббәт хисләре тәрбияләү;
- Илебез тынычлыгы өчен көрәшкән әби- бабайларыбызның батырлыкларын искә төшерү һәм онытмау.

Видеога сылтама: https://vk.com/club216931602?from=groups&z=video-216931602_456239402%2F30538b6b33fa2c78d1%2Fpl_post_-216931602_1816

 Гимназиянең 9А, 9Б һәм 10 нчы сыйныф укучылары арасында "Нәрсә? Кайда? Кайчан? брейн- ринг уены оештырылды. Интеллектуаль чара Бөек Ватан сугышы тарихына багышланды.
Уенның сораулары төп вакыйгаларны, хәрби операцияләрне, фронттагы һәм тылдагы тормышны, ул чорның күренекле шәхесләре һәм сугыш чоры җырлары турында мәгьлүматларны үз эченә алды. Укучылар Бөек Ватан сугышы турындагы белемнәрен яңарттылар һәм киңәйттеләр. Ә җиңүче исеменә 9Б сыйныфы лаек булды.
Әлеге эчтәлекле һәм патриотик чараны югары дәрәҗәдә үткәргәне өчен Гөлназ Мазитовнага зур рәхмәтебезне белдерәбез!

Картаймагыз әле, ветераннар,
Сезгә тиеш әле бик күп язлар,
Сезгә тиеш әле бик күп назлар!
Бөек Җиңү бәйрәме уңаеннан, гимназиябез укучылары Республикабыз Рәисе һәм шәһәребез Мэры исеменнән ветераннарны Бөек Җиңү көне белән котладылар, бүләкләр тапшырдылар. Укучылар ветераннарга ныклы сәламәтлек, озын гомер, имин тормыш теләделәр һәм барысы өчен дә рәхмәтләрен белдерделәр.

Видеога сылтама: https://vk.com/club216931602?from=groups&z=video-216931602_456239398%2Ff9cc448253dd5f4412%2Fpl_post_-216931602_1807

Гимназия укучылары, укытучылары һәм әти- әниләре белән берлектә оештырылган "Яхшылык каникулга китми" акциясе уңышлы гына тәмамланды. Барлык җыелган ярдәм академик В. М. Бехтерев исемендәге Республика психиатрия клиник хастаханәсенә тапшырылды.Чарага 362 нче номерлы балалар бакчасы да кушылды. Укучыларыбыз тәрбия эшләре буенча директор киңәшчесе Гөлчәчәк Әсхәтовна җитәкчелегендә һәм балалар бакчасы белән берлектә "Уенчык бүләк ит" акциясен оештырдылар. Әлеге акцияләрдә катнашкан балаларга, укытучыларга һәм әти- әниләргә чын күңелдән зур рәхмәтләребезне җиткерәбез!

Видеога сылтама: https://vk.com/club216931602?from=groups&z=video-216931602_456239391%2Fb751335e203fb204b2%2Fpl_wall_-216931602

Республика күләмендә үткәрелгән экология буенча олимпиадада 5Б сыйныф укучысы Сафиуллина Рамина 4- 5 нче сыйныфлар арасында III урын яулады. Укучыбыз иҗади эшне, практик бирем һәм сорауларны югары дәрәҗәдә башкарып чыкты. Раминаны һәм җитәкчесе Гөлфинә Әсхәтовнаны чын күңелдән котлыйбыз һәм горурланабыз!