Укучылар "Туган авылым" милли комплекска сәяхәт кылдылар һәм өчпочмак пешерү буенча мастер - класста катнаштылар. Комплекс буенча экскурсия оештырылганнан соң, балалар үзләре ясаган өчпочмаклар белән сыйландылар.

Укучыларның көне файдалы һәм кызыклы үтте:
- Бөек рус шагыйре Александр Сергеевич Пушкинның тууына 225 ел тулуга багышланган әдәби чаралар, викториналар үткәрелде;
- Шигырь конкурсы уздырылды;
- Крио - шоу оештырылды.

Видеога сылтама: https://vk.com/galyamaldingilari?z=video-222311097_456239190%2F95bb939bed22666c5c%2Fpl_wall_-222311097

Укучылар Кәрим Тинчурин исемендәге Татар дәүләт драма һәм комедия театрында "Былтыр маҗаралары" исемле интерактив тамашаны карап кайттылар. Балалар кызыклы уеннар, җыр - биюләр белән үрелгән әлеге спектакльне бик ошаттылар!

Видеога сылтама: https://vk.com/club216931602?z=video-216931602_456239294%2Fee3e4d6339641d798b%2Fpl_wall_-216931602

Балалар белән Горки - Әмәт урман паркында пикник оештырылды. Укучылар саф һавада рәхәтләнеп ял иттеләр, хәрәкәтле уеннар уйнадылар, бер - берсе белән аралашудан күп тәэсирләр һәм шатлык алдылар!

Җәйнең беренче көне күңелләргә җылылык, яктылык өстәүче бәйрәм – Балаларны яклау көне буларак билгеләнеп үтелә.  Шул уңайдан, укучыларыбыз Казан Кремлендә оештырылган "Ялкын фест" фестивалендә булып кайттылар. Балалар төрле уеннарда, мастер - классларда катнаштылар. Шулай ук укучылар Милли музейга сәяхәт кылдылар, тарихи экспозицияләр белән таныштылар.

Видеога сылтама: https://vk.com/club216931602?z=video-216931602_456239293%2Ff36a6fc407ece3fc69%2Fpl_wall_-216931602

Бүген укучыларның көне бик кызыклы үтте:
- һәр отряд үзенең исемен һәм девизын уйлап тапты, газетасын чыгарды;
- асфальтта төсле акбурлар белән рәсем ясадылар, җәйнең иң матур мизгелләрен чагылдырдылар;
- Халыкара балаларны яклау көне якынлашу уңаеннан, мороженое белән сыйландылар.

Видеога сылтама: https://vk.com/club216931602?z=video-216931602_456239292%2F714f8d816fd277f47e%2Fpl_wall_-216931602

Шаяннар һәм Тапкырлар клубының Казан лигасында I урын яулаган "Галәм" командасы "ШАЯН ТВ" каналында кунакта булып кайтты. Укучылар алып баручының кызыклы сорауларына җавап бирделәр:
- Тамашачыны көлдерү авырмы?
- Кайсы команда белән көч сынашырга кыен иде?
- КВН хәрәкәтендә катнашу сезгә нәрсә бирә?
- Сез тормышта да шундый кызыклармы?

Гимназия базасында эшләп килүче каратэ түгәрәгенә йөрүче укучыларыбыз "Кубок новичка" бәйгесендә югары нәтиҗәләргә ирештеләр:
- 4В сыйныфы укучылары Ахатов Гомәр һәм Гарнышев Данияр - I урын;
- 3В сыйныфы укучысы Сибгатуллин Гадел - II урын;
- 2А сыйныфы укучысы Жданов Алмаз - III урын;
- 5А сыйныфы укучысы Хасанова Алинә - III урын;
Укучыларыбызны һәм тренерлары Илсур Илгизовичны зур җиңүләре белән котлыйбыз, алга таба уңышлар телибез!

Укучылар Казанның "Замбези елгасы" зоопаркына сәяхәт кылдылар. Балалар таң калып төрле җәнлекләрне һәм кошларны күзәттеләр. Әлеге мавыктыргыч экскурсия балалар күңелендә озак сакланыр!

Видеога сылтама: https://vk.com/club216931602?z=video-216931602_456239291%2Ffe9a001a7cb80e17a2%2Fpl_wall_-216931602

Балалар "Сахарная вата" дигән мавыктыргыч шоу карадылар:
- татлы мамыкның килеп чыгу тарихын белделәр;
- әзерләү процессы белән таныштылар;
- төрле кызыклы биремнәр үтәделәр;
- шикәр мамыгы белән сыйландылар.
Гимназия активисты Камилә укучыларны рәсем ясауның төрле техникалары белән таныштырды.

Видеога сылтама: https://vk.com/club216931602?z=video-216931602_456239290%2F4ecb6db096344f51cd%2Fpl_wall_-216931602