Бүген  көн кояшлы, лагерьның соңгы көннәре булса да, иртәдән  күңелләр  күтәренке. "Яшәү рәхәт!"дип аталган көн искиткеч матур мизгелләр белән узды.Балалар табигатьтә төрле уеннар уйнадылар, ярыштылар, дару үләннәре белән таныштылар.

Бүген лагерьда "Мәрхәмәтлелек көне" булды.Балалар темага карата мультфильмнар карадылар,әдәплелек турниры үткәрделәр.

Вакыт аккан судай сизелми дә... Лагерьның унсигезече көне дә җиткән. Иртәдән «Рекордлар утравы» көне уңаеннан линейка узды һәм бүгенге көннең планлаштырган эш-чаралары белән таныштырылды. Алда безне «Иң-иң-иңнәр...», «Слабо», «Син шулай булдыра аласыңмы?» конкурслары уздырылды,курчак театры да уйналды,коррупция,наркомания кебек тискәре гадәтләргә каршы рәсемнәр дә ясалды.Шулай көннең узганы да сизелмәде.

 Бүген лагерьда һөнәрләр көне. Татарстанда 2019 ел эшче һөнәрләр елы дип игълан ителде. “Һәр һөнәр дә яхшы, һәр һөнәр дә кирәкле” темасына әңгәмә үткәрелде. Һөнәрләр турында мәкальләр искә төшерелде, табышмакларга җавап табылды, шигырьләр сөйләделәр. “Мин кем булырмын үскәч” темасына рәсем конкурсы оештырылды, нәтиҗә ясап, урыннар билгеләнде. Ә авылыбыздагы ферма,машина-трактор төзәтү паркында күргәннәрен сөйләп туя алмыйлар.

Бүген лагерьның 16 нчы көне юл йөрү кагыйдәләренә багышланды. Укучылар юлда йөрү кагыйдәләрен, юл билгеләрен искә төшерделәр. Соңыннан ике отряд арасында "Күңелле светофорик" дигән уен-ярыш оештырылды. Балалар бик актив булдылар. Бер-берсен уздырып сорауларга җавап бирделәр. "Салават күпере"бассейнына барып рәхәтләнеп су коенып кайттылар.Федоровск янгын сүндерү бүлеге хезмәткәрләре белән очраштылар.

Бүген Мөрәле төп мәктәбендә чыгарылыш кичәсе узды.Мәктәпне 4 укучы тәмамлады. Аларның шатлыгын уртаклашырга тантанага укытучылар, әти-әниләре килде.Бәйрәмгә килүчеләр барысы да чыгарылыш сыйныф укучыларын истәлекле көннәре белән ихлас котладылар. Тормыш юлында үз урыннарын табуларын теләделәр.Армый-талмый алга барырга, куйган максатларын тормышка ашырырга язсын. Уңышлар юлдаш булсын сезгә, хәерле юллар!

Бүген көн "Игелекнең чиге юк" дип исемләнгән иде.Балалар чишмә янына бардылар, фермага сәяхәт иттеләр, күңелле уеннар уйнадылар.

Бүген лагерьда "Пушкин әкиятләре" көне.Балалар рус халык язучысы А.С.Пушкин әкиятләрен укыдылар,инцинеровкалар куйдылар,рәсемнәр ясадылар.Музыкаль уен коралы Балалайка тарихы белән дә таныштылар.

Бүген лагерьда "Хәтер көне",чөнки Бөек Ватан сугышы башланган көн. Балалар  обелискка бардылар, илебез өчен һәлак булган якташлар өчен чәчәкләр куйдылар,матур открыткалар ясадылар.