Тарих атналыгының дәвамы булып бүген 5-9 нчы сыйныф укучылары өчен "Йолдызлы сәгать" исемле интелектуаль уен булып узды.Укучылар сугыш темасына караган сорауларга җаваплар эзләделәр,үзләренең белемнәрен сынадылар.

"Татарстан мирасы" дәрестән тыш эшчәнлеге тирән мәгънәгә ия. Башлангыч сыйныфлар укытучысы Хасанова М.М. укучыларны уз төбәгебезнең байлыгы белән таныштырды. 

Мәктәбебездә тарих атналыгы старт алды.Укучылар берсен-берсе уздыра-уздыра төрле башваткычлар, крассвордлар чишәләр,тәнәфес араларында кинолар карыйлар.Ә бүген тарих һәм җәмгыять белеме укытучысы Хамидуллина А.И.җитәкчелегендә"Хәтерләүдән курыкма син" исеме астында музейда тарихи чара булып узды.Укучылардан төзелгән экскурсоводлар музей эшчәнлеге, авыл тарихы һәм башкалар белән таныштырды. 

Бүген барлык сыйныфларда да тәмәкегә,алкогольгә каршы профилактик чараларга багышланган класс сәгатьләре узды.Сыйныф җитәкчеләре әлеге тискәре гадәтләрнең зыяны һәм төрле авыруларга китерүче сәбәпләр турында сөйләделәр. 

Бүген иртәнге линейкада физик тәрбия укытучысы Зиганшин Ф.Г. мәктәбебезнең 3 укучысына тантаналы рәвештә ГТО значоклары һәм таныклыклар тапшырды.

Бүген башлангыч сыйныф укучылары район мәдәният йортына курчак театры карарга бардылар,ә аннан соң сәламәтлекләрен ныгыту өчен бассейнда булдылар.Көн күңелле һәм файдалы узды, укучылар күтәренке кәеф белән кайттылар. 

Белем дәрәҗәсен ачыклау максатыннан, 12,13 ноябрьдә инглиз теле, математика һәм тарих буенча 8 нче сыйныф укучыларына диагностик тест үткәрелде.

2019 елның 5-18 ноябрендә мәктәп укучылары өчен «Зур мәгълүматлар» темасына Бөтенроссия Белем бирү чарасы "Саннар дәресе" уза. Бу гадәти булмаган информатика дәресләре булачак, алар Саклык банкының мәгълүматлар аналитикасы буенча белгечләр тарафыннан әзерләнгән. Дәрес 1-11 нче сыйныф укучыларына адреслана, ул укучыларда цифрлы икътисадның төп компетенцияләрен үстерүгә, шулай ук мәгълүмати технологияләр өлкәсендә алга таба эшчәнлек алып бару өчен аларның һөнәри юнәлешенә юнәлдерелгән. Мәктәбебез укучылары да әлеге чарага зур кызыксыну белән катнашалар һәм сертификатлар да алалар.

Муса Җәлил халкыбызны бар дөньяга танытыр өчен бирелгән олы бүләктер кебек. Үлеме белән үлемсезлек яулаган бу тиңдәшсез бөек шәхес исеме һәм аның шигырьләре төрле телләрдә яңгырый бүген. Районыбызның  үткәрелгән II Халыкара “Җәлил укулары”нда мәктәбебезнең активистлары да катнашты һәм Гобәева М.(җитәкчесе Минһаҗева Л.Т.),Сабирова И. (җитәкчесе Садриева А.З.) дәрәҗәле урыннар  алып зона турына үттеләр. Афәрин, укучылар! Туган телебезне, милләтебезне киләчәктә дә яшәтеп калу турында уйланган бүгенге заманда милләтебезнең рухи аңын уятырга ярдәм итә торган мондый бәйгеләр бик кирәк диеп уйлыйбыз.