Бүген мәктәп укучылары,шул исәптән яшь армиячеләр дә "Җиңү урманы", "Урман көне" акцияләренә кушылып, 350 төп агач уттырттылар.

Халыкара Укытучылар көне уңаеннан район мәдәният йортында узган бәйрәмдә хезмәттәшебез башлангыч сыйныфлар укытучысы Сәйфетдинова Алсу Мансур кызы Мәгариф һәм фән министрлыгының Почет грамотасы белән бүләкләнде.Чын күңелдән тәбриклибез!

Хөрмәтле укытучылар! Сезнең һөнәри бәйрәмегез белән тәбрик итәбез. Һәрвакыт игелекле, зирәк һәм аңлаучан булып калуыгыз. Сезгә ныклы саулык, җан тынычлыгы, бәхетле озын гомер телибез. Киләчәктә дә ихтирамлы,кадерле булып,якыннарыгызның мәхәббәтен һәм кайгыртуын тоеп яшәгез. Укучыларыгызның рәхмәте сезнең йөрәгегездә мәңге яшәсен!

1 октябрьдән Өлкәннәр ункөнлеге башланып китте..Өлкәннәр көне-ул иң якты бәйрәм, анда без әти-әниләребезнең, әби-бабаларыбызның аерым игътибар үзәгендә торабыз. Бу бәйрәм бүген бик мөһим, чөнки ул өлкән яшьтәге кешеләрнең хәзерге җәмгыятьтә булган күпсанлы проблемаларына игътибарны җәлеп итәргә мөмкинлек бирә. Без өлкән яшьтәге кешеләрнең ихтыяҗларын, аларның тәҗрибәсе һәм хезмәтенең бәяләп бетергесез әһәмияте турында истә тотарга тиеш.Шул уңайдан мәктәбебез укучылары ветеран укытучы Хәмидуллина Найлә апа янына барып хәлләрен белеп,өй эшләрендә ярдәм итеп кайттылар.

Якшәмбе көнне безнең мәктәп коллективы "Көз бүләкләре-2019" ярминкәсендә  катнашты. Кайбыч районы халкы өчен мәктәп яны тәҗрибә кишәрлегендә үстерелгән көзге уңыш тәкъдим ителде. 

Мәктәбебездә 9нчы класс укучыларының ата-аналары җыелышы булып узды. Сыйныф җитәкчесе Гарапова Г.М. төрле мәсьәләләргә тукталды,имтиханнарга әзерлек, консультацияләр,турында чыгыш ясады.Дәүләт имтиханнарына әзерләүче укытучылар КИМнардагы үзгәрешләрне әйтеп уздылар.

2017 нче елдан башлап традициягә өйләнгән “Тынычлык күгәрчене” акциясе быел да бөтендөнья күләмендә уздырылды. Мәктәбебез укучылары да бу чарадан читтә калмады. Аның кысаларында классларда әлеге проект турында белешмә бирелде, укучылар тарафыннан флешмоб әзерләнде, укучылар көче белән ясалган күгәрченнәр, шарга бәйләнеп очыртылды. Дөньяларыбыз һәрчак тыныч,күгебез аяз булсын, изге эшләр җанга рәхәтлек, тәнгә сихәт китерсен. Алга таба да изге эшләр акциясен дәвам итәргә һәм актив булырга дигән теләктә калабыз.

Бүген безнең мәктәптә Мөрәле авыл җирлеге белән берлектә "Милләтләр кроссы 2019" үткәрелде.Мәктәбебезнең барлык укучылары, укытучылар, әти-әниләр кросста теләп катнаштылар.Соңыннан барыбыз бергә кайнар коймак белән чәй эчтек.

Район мәдәният йортында укучыларга социаль-психологик тест уздыру бердәм формалары буенча җаваплы белгечләр катнашында зона семинары булып узды.