I чирек тәмам, аны уңышлы төгәлләп укучылар 4 нче ноябрьдән 10 нчы ноябрьгә кадәр каникулга таралыштылар. Каникулда төрле түгәрәкләр, спорт ярышлары, башлангыч сыйныфларда бию иртәсе, югары сыйныфлар өчен дискотекалар булачак. Әлбәттә,  9 һәм 11 сыйныф укучылары өчен консультацияләр, район олимпиадаларына  әзерлекләр дә каникул вакытында  дәвам итәчәк.

31 октябрьдә Казанда этникара мөнәсәбәтләрне җайлау эшче төркеменең чираттагы утырышы үтте. Җыелыштагы чыгышлардан Татарстандагы милли мәгарифнең зур проблемаларга ия булуы аңлашылды.

Министрлар кабинетында узган җыелышның беренче өлеше республикадагы милли мәгариф өлкәсендәге перспективалар һәм проблемнар турында сөйләшүгә багышланды. Мәгариф һәм фән министрының беренче урынбасары Данил Мостафин чыгышыннан аңлашылганча, республикада татар телендә укыту 2 процентка кимегән.

1 ноябрь көнне мәктәптә күренекле шагыйрь, җәмәгать эшлеклесе якташыбыз Гарифҗан Садыйк улы Мөхәммәтшин белән очрашу кичәсе булды. Шагыйрь үзенең 70 яшьлек юбилеен каршылый. Укучылар аның шигырьләрен сөйләделәр, җырларын башкардылар, үткән юлына әйләнеп, тарихи көннәрне барладылар

Уважаемый учитель!

Предлагаем Вам принять участие во Всероссийской интернет-переписи учителей, которая проводится в форме онлайн опроса школьных учителей на всей территории Российской Федерации.

9 һәм 11 сыйныф укучылары өчен БДИна әзерлек башланды.17 нче октябрьдән математика, рус теле, физика фәннәреннән консультацияләргә йөриләр. Укытучыларыбыз Әнисә Камилевна, Нурания Садыйковна, Гөлсинә Масхутовна зур тырышлык белән укучыларыбызны имтиханнарга әзерлиләр.

 29 нчы октябрь, шимбә көнне районга премьер - министр И.Ш. Халиков килде. Әлеге очрашуда безнең мәктәп администрациясе дә катнашты.

в республиканской образовательной сети для своих ноутбуков!

 Мәктәпнең ир – егет укытучылары һәм укучы егетләр көче белән хоккей мәйданчыгын яңарту эшләре башланды. Әлеге эшкә укучыларыбызның әтиләре,абыйлары да чакырылды. Суыклар башланганчы мәйданчыкны сафка бастыру безнең төп бурыч.

28 нче октябрь көнне 2нче сыйныф укучыларын эзтабар сафларына кабул итү тантанасы булып узды. Укучылар бик теләп шигырьләр, җырлар өйрәнделәр. Төрле сорауларга, мәкальләр һәм табышмакларга җаваплар эзләделәр. Аларны эзтабарга 6 нчы сыйныф укучылары кабул итте.

28 октябрь көнне булып узган 1999 һәм 2000нче елгы малайлар арасында үткән волейбол ярышында безнең мәктәбебез командасы I урынны яулады. Волейболчы егетләребез Гильметдинов Илназ һәм Габдрахманов Руслан районның җыелма командасына да алынды