5 – 7 сыйныфлар арасында 18 нче октябрь, 8 – 11 сыйныфлар арасында 19 нчы октябрь көнне көзге бал кичәләре булып үтте. Бәйрәм бик матур алып барылды. Укучылар көз кызы“Сөмбелә”, натюрмортлар, “Икмәк-томыш тоткасы,, “Хезмәтле кеше – хөрмәтле кеше” (мәкальләр әйтү), көзге киемнәргә реклама бәйгеләрендә үзләренең сәләтләрен күрсәттеләр.

Ике көндә дә көзге бал кичәләре 4 сыйныф укучыларының экологик темага әзерләнгән әкияти тамашасы белән башланып китте. 4 сыйныф укучылар югары сыйныф укучыларына табигатьне саклау, дару үләннәреннән дөрес файдалану, табигатьтә үз – үзеңне тоту кагыйдәләрен катгый рәвештә үтәү безнең төп бурычыбыз икәнлекне аңлаттылар.

Вниманию учителей установивших автономный модуль для заполнения электронного журнала:

Өлкәннәр көне декадасы планы нигезендә, 6 – 7 сыйныф укучылары арасында үткәрелгән сочинениеләр конкурсында җиңүче укучыларны 17 октябрь көнне линейкада бүләкләп үттеләр.

11 октябрьдән мәктәбебездә фән олимпиадалары башланды. Олимпиада булып узган фәннәрдән район этабында катнашучы укучыларының исемнәре билгеле булды. Әлегә олимпиадалар дәвам итә. Хәзер укучылардан зур тырышлык сорала , белемнәрен нык туплап әлеге олимпиадаларга әзерленсеннәр һәм зур уңышларга ирешсеннәр иде.

Авылыбыз мәдәният йортында, 14 нче октябрь көнне, “Мин әтиемне төшемдә күрдем” дип исемләнгән тема астында сугыш чоры балаларын хөрмәтләү йөзеннән , шул елларда туган өлкәннәребез кунакка чакырылды. Әлеге чарада безнең укучыларыбыз һәм укытучыларыбыз да катнашты. Чараны мәдәният йорты директоры Хөсәенова Рәзилә алып барды.

14 октябрь көнне “Аргамак” укучылар оешмасының гомуми җыелышы булып үтте. Җыелышны мәктәбебезнең президенты Шарипова Гөлнур алып барды. Беренче көн тәртибе буенча мәктәбебезнең психологы Динә Мәүлитовна чыгыш ясады. Ул үз чиратында балаларга авыр проблемалардан арынуның ысулларын аңлатты. Икенче көн тәртибе буенча район эчке эшләр бүлегеннән килгән хезмәткәрләр чыгыш ясады. Балигъ булмаган балалар белән эшләүче инспектор Наил Нурисламович райондагы яшүсмерләрнең җәйге чорда үз – үзләрен тотышлары һәм балигъ булмаган балалар арасындагы җинаятьчелекне булдырмау чаралары турында аңлатып үтте.

Бүген мәктәптә рус теле атналыгы кысаларында 5 һәм 6 сыйныф укучылары өчен "Йолдызлы сәгать" уены үткәрелде

10 – 16 октябрьгә кадәр мәктәбебездә рус теле һәм әдәбияты атналага игълан ителде. Атналыкның программасы төзелеп, укучыларыбыз өчен, белдерүләр тактасына куелды. Моннан тыш,классларга аерым төрле ребуслар, кроссвордлар, викториналар, кызыклы сораулар язылган плакатлар мәктәп коридорына куелды. Хәзер укучыларыбыз шуларны чишү юлларын эзлиләр.

 8 октябрь көнне районда күмәк хуҗалыклар, оешмалар, мәктәпләр тарафыннан ярминкә оештырылды. Әлеге ярминкәдә без дә катнаштык. Районыбыз халкы өчен көзге муллыктан сату оештырдык. Бәяләребез артык югары булмаганлыктан, сатуыбыз да уңышлы барды. Сатып алучылар да безгә рәхмәтләр әйтеп киттеләр.