22 нче ноябрь көнне  Лилия Асхадулловна 4 сыйныф укучылары  белән бәхәсләр клубы алып барды. Шәүкәт Галиевның  шаян һәм тәрбияви шигырьләре аша алар урлашмаска, әйткән сүзеңдә  торырга, эш сөючән, тәртипле балалар булып үсәргә өйрәнделәр. Бер – берсенә кирәкле һәм дөрес  фикерләр җиткерделәр.

25 нче ноябрь – календарьда иң матур көннңрнең берсе.Чөнки ул –Әниләр көне. Шул уңайдан, Бөрбаш урта мәктәбенең укытучылар һәм укучылар коллективы, дөньядагы барлык изге күңелле, мәрхәмәтле, үзенең барлыкйөрәк җылысын баласына, нарасыена биргән газиз Әниләрне чын күңелебездән Әниләр көне белән котлыйбыз.

Кичә Россиядә рәсми рәвештә Кыш Бабайның туган көнен билгеләп үттеләр. Аның туган ягы булып саналган Бөек Устюгта бу көнгә ныклап әзерләнгәннәр. Нәкъ 18 ноябрь көнне анда Кыш Бабай почтасы эшли башлый. Һәр теләгән кеше кышкы тылсымчыга туган көне белән котлап яки Яңа елга бүләк сорап хат юллый ала. Ә сез Кыш бабайдан нәрсә сорар идегез?

18 нче ноябрь көнне Бөрбаш авылы мәчетендә Корбан бәйрәме үткәрелде. Бәйрәмгә район башкарма комитеты рәисенең урынбасары Зәкиев Вакиф Мансурович, Балтач мәчете имамы Рамил Бикбаев һәм Арча районыннан да кунаклар килгән иде. Бәйрәм вәгазь тыңлау һәм намаз уку белән башланып китте. Көндез мәктәп балалары, мәчеттәукучы өлкәннәр корбан ашыннан авыз итсәләр, кичкә авылыбызның барлык яшь гаиләләре бәйрәм табыны янында сыйландылар.

18 нче ноябрь көнне укучылар оешмасының I чирек нәтиҗәләре буенча гомуми җыелышы булып узды. Көн тәртибе буенча уку министры нәтиҗәләр ясап чыгыш ясады. Аннан класслардагы уку секторлары фикер алышуларга күчтеләр. Икенче чиректә тырышып укырга, укуның сыйфатын тагын да арттырырга, ударниклар һәм отличникларның санын тагын да арттырырга дигән карар кабул иттеләр.  

17 нче ноябрь көнне башлангыч сыйныфлар укытучысы Газизуллина Ләйлә Сабировна III сыйныфта ачык тәрбия сәгате уздырды. Ләйлә Сабировна укучыларны әдәбият сәнгате буларак, районыбыз һәм авылыбыздан чыккан язучыларның китаплары белән таныштырды. Әңгәмәнең иң зур кунагы, тәрбия өлкәсенә зур өлеш керткән, дистәдән артык китап,вәгазьләр авторы Җәлил хәзрәт Фазлыев иде. Ул укучыларга үзе һәм кайчан, ничек, ни сәбәпле иҗат итүе турында матур, аңлаешлы итеп сөйләп үтте. Әңгәмә бик җанлы һәм тәрбияви булды.

17 нче ноябрь көннемәктәбебезнең спорт сөюче бертөркем укытучылар командасы район күләмендә үткәрелгән финал ярышларында катнашып, грамотага һәм истәлекле бүләкләргә иябулдылар.

15 нче ноябрь көнне укытучыларыбызның “Спортсменнар” командасы “Хыял” яшьләр үзәгендә үткәрелгән спорт һәм күңел ачу мероприятиесендә катнашып, III урын алып кайттылар.

14 нче ноябрь көнне укытучылар коллективының педагогик киңәшмәсе булып үтте. Көн тәртибе буенча укыту эшләре буенча директор урынбасары Әнисә Камилевна I чирек нәтиҗәләренә йомгак ясады. Аннан сыйныф җитәкчеләре белән фикер алышулар булды. Икенче көн тәртибе буенча педагог – психолог ДинәМаулетовна “Балалар һәм сәләт” , инглиз теле укытучысы Гөлнара Сафуановна “Дәресләрдә сәләтле балалар белән эш”, ТИНукытучысы Рим Фаргатович “ТИН дәресләрендә укучыларга патриотик тәрбия бирү” темасына чыгышлар ясадылар.

Сәләтле укучыларыбыз район күләмендә үткәрелгән олимпиадаларда катнашалар. Информатика , тарих , технология фәннәреннән укучыларыбыз үзләрен сынап кайттылар. Алда укучыларыбызга саулык - сәламәтлек,зур уңышлар телибез.