Районыбыз күләмендә ел саен табигатьне саклау һәм яклау максатыннан укучыларыбызга бик зур тәрбияви чара булып торган “Марш Парков – 2013” дип исемләнгән экологик конференция үткәрелә. Укучыларыбыз бу конкурска бик теләп әзерләнәләр һәм катнашалар. Кайсы укучы рәсем ясый, кайсы укучы сочинение яза, кайсы укучы шигырьләр иҗат итә. Безнең мәктәбебез укучылары быел да бик тырышып бу конкурска әзерләнделәр. Шуңа да укучыларыбыз призлы урыннарны да яуладылар

14 нче май көнне 5 – 8 сыйныф укучылары белән берлектә биология укытучысы Раушания Урановна  экология дәресе үткәрде.  Дәрестә укучылар табигатебез , җир анабызга карата мәрхәмәтле булырга , анысакларга, якларга кирәклеккә тагын бер кат  төшенделәр.  Авылыбыз табигатен чагылдырган, табигатькә карата тагын бик матур эчтәлекле презинтацияләр карадылар. Дәрес балалар белән берлектә аралашып үткәрелде. Укучыларыбыз үзләре иҗат иткән шигырьләрен һәм сочинениеләрен укыдылар.Дәрес ахырында викторина сорауларына җаваплар эзләделәр.  Бу дәрес укучыларыбыз өчен бик файдалы булды.

Мәктәбебезнең 7 сыйныф укучысы Абдрахманова Алия математика фәненнән V Бөтенроссия дистанцион олимпиадада  катнашып җиңүче булды. Ул Диплом белән бүләкләнде. Аның җитәкчесе Нурания Садыйковна Сертификатка ия булды. Аларны бу җиңуләре белән чын күңелдән котлыйбыз!

Габдулла Тукайның тууына 127 ел тулуга багышланган Татарстан Республикасы укытучылары һәм укучыларының “Илһам чишмәсе” исемле III республика әдәби –иҗат бәйгесендә 8 сыйныф укучысы Сәләхетдинова Әнисә катнашып, Дипломга лаек булды. Җитәкчесе татар теле һәм әдәбияты укытучысы Нуретдинова Зөлфирә Зөфәровна

Физкультура укытучыбыз Рөстәм Шәйдуллович СОЧИ шәһәрендә үткәрелүче Хоккей командаларының Бөтенроссия фестивалендә катнаша. Рөстәм Шайдулловичка һәм аларның барлык командасына (районыбыз командасы республика данын яклый) уңышлар телибез.

7 май көнне мәктәптә  Шәһри Казан газетасы журналистлары белән очрашу үткәрелде.

9 май-Җиңү бәйрәме уңаеннан авылыбызда Бөек Ватан сугышы каһарманнарына куелган һәйкәл янында митинг оештырылды. Бәйрәм мәдәният хезмәткәрләре тарафыннан алып барылып укучыларның, авыл үзешчәннәренең чыгышлары белән үрелеп барды. Тантанадан соң ветераннар өчен мәктәптә табын әзерләнде.

Бездә кунакта Бөек Ватан сугышы ветераны Нурҗиһан апа

Яз җитү белән тимурчылар үзләре шефлык итүче ветераннарга ярдәмгә алындылар. Алар утырту өчен бәрәңге әзерләү, өй тирәләрен чүп-чардан арындыру, яшелчә бакчаларын китмәнләү кебек эшләрне башкаралар.