Мәктәбебез укучылары канатлы дусларыбызны каршы алырга әзерләнәләр. Бу атнада берсен – берсе уздырып, матур сыерчык оялары ясап алып килә башладылар. Шушы ояларны урнаштыру өчен алда “Карга боткасы” бәйрәме дә планлаштырыла. Бу эштә укучыларыбыз бик теләп катнашалар. Алар канатлы дусларыбыз килгәнче матур шигырьләр, җырлар да өйрәнеп куярлар.

  12 нче март көнне авылыбызның мәдәният йортында , сәләтле балаларны барлау максатыннан Бөрбаш, Алан, Салавыч,Яңгул, Норма мәктәбе укучылары арасынада “Йолдызлык” фестиваленең зона бәйгесе булып узды. Анда безнең мәктәбебездән Газизуллин Кәрим нәфис сүз остасы,Исрафилова Алия җырчы, 4,5,8 сыйныф кызлары оста биючеләр, Галиуллина Эльвина,Шакирова Галия, Базагутинова Диния, Сагатдинова Эльмира, Хазиева Динә “Балачак”вокаль ансамбле җырчылары буларак катнаштылар.

  11 март көнне, мәктәбебездә техник хезмәткәр булып эшләүче ,Лариса Васильевнаның туган көне иде. Хөрмәтле Лариса Васильевна! Сезне чын күңелебездән туган көнегез белән котлыйбыз! Сезгә нык сәламәтлек, озын гомер телибез. Гаиләгез белән тынычлыкта, бәхет – шатлыкларга күмелеп, матур итеп яшәгез, кайгы – хәсрәтләр күрмәгез.   Бу көнне мәктәп коллективы Лариса апаны иртәнге линейкада котлап үтте. Мәктәбебез директоры Гүзәл Галимулловна аңа иң изге теләкләрен җиткерде.

9 март көнне  9нчы, 10 нчы сыйныф егетләреннән торган команда  Чутайга  хоккей ярышына бардылар. Егетләребез уңышлы гына чыгыш ясап, II урынны яуладылар. Командада булган һәр егеткә истәлек кубоклары һәм медальләр биргәннәр. Ә командага  мактау грамотасы тапшырылды. Молодцы егетләр!Киләчәктә дә зур уңышлар юлдаш булсын сезгә!

Татарстан Республикасы Президенты Рөстәм Миңнеханов 2013 елда "Сабан туе" татар халык бәйрәмен үткәрү турындагы Указга кул куйды.

Җирле үзидарә органнары тәкъдимнәрен исәпкә алып, «Сабан туе» татар халык бәйрәме авыл торак пунктларында, район үзәкләрендә (шул исәптән, республика әһәмиятендәге шәһәрләрдә) 8-9 июньдә үткәреләчәк. Яр Чаллы һәм Түбән Кама шәһәрләрендә халык бәйрәме 2013 елның 15 июнендә, Казан шәһәрендә 13 июльдә булачак.

9 март көнне мәктәбебезнең шахматчылар командасы, Васил Гарифуллин истәлегенә үткәрелгән районкүләм  ярышка бардылар. 5 сыйныфтан -  Исрафилов Хәлил, Нурмухаметов Солтан, Шәйхетдинов Шамил, Нуретдинова Фирүзә, Гильметдинова Гүзәл, 7 сыйныфтан – Хайруллина Ләйсән, 8 сыйныфтан – Гильметдинов Илназ, 10 сыйныфтан – Каримуллин Самат, Зарипова Резедалар катнашты ярышта. Нәтиҗәләргә килгәндә, Каримуллин Самат – I урынга, Хайруллина Ләйсән -  II урынга, Гильметдинов Илназ -  IV урынга лаек булдылар. Алда әйтеп үтелгән шахматчыларыбыз грамота һәм акчалата бүләккә ия булдылар

7 март көнне авылдашыбыз – Мамадышта аграр фирмада генераль директор булып эшләүче,  Каримуллин Хәмит Габидуллович авылыбызның гүзәл затларын хөрмәтләп, аларны бәйрәм белән котлап, бүләк итеп Мамадыштан искиткеч матур концерт программасы белән артистлар алып килде. Тамаша залы шыгрым тулы иде. Бу концертка килгән беркем дә үкенмәгәндер. Чөнки 2 сәгатьтән артык дәртле биюләре белән оста биючеләр, матур җырлары белән яхшы җырчылар,  алып баручылар, төрле уен коралларында уйнаучы осталар халыкны шаккатырдылар, рәхәтләнеп ял иттерделәр.

Хөрмәтле ханымнар һәм туташлар! Сезне яз бәйрәме белән ихлас күңелдән тәбрик итәм. Язгы тамчылар сезгә куңел сафлыгы, иман байлыгы алып килсен. Күкләребез аяз, йортларыбыз тыныч,балаларыбыз игелекле булсын. Һәр туачак көнгә шатланып яшәргә язсын, сәламәтлек сезгә юлдаш булсын, хезмәтегезнең игелеген күрергә язсын. Яз кояшы кебек ягымлы, язгы җилләр кебек саф, язгы тамчы кебек матур булыгыз

6 март көнне 7 сыйныф укучылары әниләр, әбиләр,апалар, сеңелләр хөрмәтенә концерт куйдылар.Концерт башланыр алдыннан мәктәбебез директоры Гүзәл Галимулловна барлык гүзәл затларны бәйрәм белән котлады,аларга иң изге теләкләрен җиткерде. Концертны укучылар әниләренә багышлап матур җыр җырлап башлап җибәрделәр, аннан барлык укучылар әниләренә үзләре ясаган бүләкләр тапшырдылар

7 март көнне технология укытучысы Фирания Ханифовна район мәктәпләренең  технология укытучыларына  ачык дәрес һәм  мастер класс күрсәтте. Дәресләрдән соң мктәбебезгә килгән кунакларга бәйрәм уңаеннан, укучыларыбыз концерт та куйдылар. Семинарга килучеләр  Бу чаралардан соң, семинарга килүчеләр  фикер алыштылар, үз юнәлешләре буенча тәҗрибә уртаклаштылар.