13 нче июнь , җомга көнне без мәчеткә төштек.  Анда башта җомга вәгазе тыңладык,аннары  авылыбыз кешеләренең нәсел җепләрен тоташтыручы шәҗәрә китабын карадык.

Бүген без лагерда төсләр көне үткәрдек. Балаларыбызның һәркайсы үзенә ошаган төсләрдә матур итеп киенеп килгәннәр. Алар үзләренә ошаган  төсләр турында матур итеп шигырьләр язып килгәннәр,  тормыш – көнкүрештә төсләрнең ничек  чагылуын  да ачыклап үттеләр. Бу көнне балалар  салават күперен хәтерләтә иде

10 нчы июнь  көнне сабантуй мәйданына күңелле стартлар  үткәрергә төштек. Балалар ике командага бүленеп төрле кызыклы спорт уеннары уйнап ярыштылар. Нәтиҗәдә командалар арасында очколар  тигез килеп чыкты. Командалар арасында каршылыклар килеп чыкмады, алар бергә бердәм булып, дус булып, кабат бер отрядка берләштеләр. Чынлап та безнең лагерда балалар дус һәм тату.

Мәктәбебездә 2 нче июньнән хезмәт һәм ял лагере эшли башлады. Лагерьга барысы 20 бала йөри. Без бакчада су сибәбез, чүп утыйбыз, төрле эшләр эшлибез. Эш белән бергә күңелле итеп ял да итәбез. Пешекче апаларыбыз безгә тәмле итеп ашаулар пешерәләр, безне тәмле ашлары белән сыйлыйлар. Бик зур рәхмәт аларга.

Бүген 11 нче сыйныф укучылары химиядән һәм җәмгыять белеменнән соӊгы бердәм дәүләт имтиханнарын тапшырдылар.

Без бүген әкият иленә сәяхәт иттек.  Балалар берсен – берсе уздырып әкиятләр сөйләделәр. Иң  оста һәм яңа әкият сөйләүче  буларак Гильмуллин Фәнис  җиңүче булды.  Ә Сәрдегәнннән килгән балалар  әкиятләрен сәхнәләштереп , бик оста итеп уйнап та күрсәттеләр.  Бик мәгънәле,  тәрбияви әкиятләр сөйләделәр балалар

Алдан көтеп алган Сабантуй бәйрәмнәре. Без дә лагерь балалары белән бергә Сабантуй мәйданчыгына  төштек. Балалар тау битенә вак ташлар белән “Сабантуй – 2014”  дип язып куйдылар. Аны матур булып балкып торсын дип акшар белән буяп та куйдык. 

Алдагы көннәрне берсендә нәфис сүз осталарына конкурс үткәрдек. Балалар бик матур шигырьләр өйрәнеп килгәннәр. Һәммәсе яттан, матур итеп сөйләп күрсәттеләр.  Ахырдан бергә – бергә, кемнең иң оста сөйләүче, иң озын шигырь сөйләүче, иң  матур шигырь өйрәнүче  буларак  нәтиҗәләр дә ясап үттек, аларга бүләкләр дә өләштек

3 нче июнь көнне лагерь балалары белән су буена  походка киттек. И “тәмле” көн булды бу. Нәрсәләр генә ашап сыйланмадык, хәтта  учакта коймак та пешереп ашатты апалар.  Бик  рәхәтләнеп ял итеп, күңелле уеннар уйнап кайттык. Походка бару, бик ошады безгә.

Бүген көлке көне ясадык лагерьда. Балалалар  кызык итеп сөйләп , сәхнәләштереп  тә күрсәтеп мәзәкләр  көне үткәрделәр. Рәхәтләнеп көлдек, ял иттек.  Аннары көлке көнен дәвам итеп бик кызык кино да карадылар. Көлке көне бик ошады аларга. Соңыннан, әзерләнеп килгән балаларга бүләкләр дә бирдек.