7 май көнне  5 сыйныф укучылары  сугыш чорында туган  Шафигуллин Рашит абый белән очрашу үткәрсә, 6 һәм 7 сыйныф укучылары бу көнне  шулай ук сугыш чоры баласы Сибагатуллин Тимерхан абый белән очраштылар.  Алар укучыларыбызга  ничек итеп укуларын, бәләкәй чактан ук  ничек итеп   колхоз басуларында  эшләүләрен  ул елларның авырлыкларын, үзәккә үткән ачы көннәрен  исләренә төшереп балаларга  гыйбрәт итеп сөйләделәр.   Ачлык, ялангачлык елларын, ул елларда ничек тамак туйдыруларын , нәрсәләр ашауларын, нинди киемнәр киюләрен  елый – елый сөйләделәр. Укучыларыбызга  бүгенге тормышларның   рәхәтлегенә , аларның бик бәхетле булуларына сөенүләрен белдерделәр. Матур булып, акыллы, тәртипле булуларын сорадылар. “Әти – әниләрегезгә, әби – бабаларыгызга шәфкатьле һәм мәрхәмәтле, кешеләргә карата ихтирамлы булыгыз, сезгә бернинди авырлыклар күрергә язмасын, дип теләделәр алар. 

7 май көнне рәсем укытучысы Фирания Хәнифовна 2 класслар белән берлектә мәктәп күләмендә ачык дәрес күрсәтте.   Рәсем дәресендә  иң кирәкле һәм төп кулланыла торган төсләр турында  белемнәрен ныгытканнан соң , экраннар аша да алар төсләрнең рәсемнәрдә ничек чагылуын күзәттеләр. Аннан Фирания Ханифовна укучыларга төсләрнең килеп чыгуы турында кызыклы әкият тә сөйләп күрсәтте. Укучылар бу дәрестә серле агач рәсеме ясадылар, яңа агач образы барлыкка китерделәр. Яңа технологияләр  кулланып  үткәрелгән дәрес  бик матур үтте, укучыларга  да дәрес кызыклы булды.

7 май көнне  8 – 11 сыйныф укучылары   сугыш чоры балалары белән очраштылар. Сугыш чорында туган балалар  Гафаров Булат абый һәм Нурсөя апа, Шафигуллин Ринат абый, Абдрахманова Нурзия апа, Файзрахманова Сәвия апаларны чакырдык без очрашуга.  Инде ул еллар бик артта калса да, йөрәктәге яралардан әле дә кан саркый, күзләрдән яшь ага.  Ул елларның үзәккә үткән көннәрен әрнеп  искә алдылар алар.  Еламыйча сөйли дә алмадылар, аларны  тыңлаган  без дә еламыйча түзә алмадык. Бик авыр чорлар булган шул ул. Шуңа да алар аны укучыларыбызга гыйбрәтле  итеп,  яшь буынның бүгенге рәхәт тормышларның кадерен белеп яшәсеннәр дип,   үзәккә үтә торган итеп сөйләделәр.  Бик күңелләргә тия торган очрашу булды ул. Шуңа да тормышларның кадерен белеп, матур итеп яшәсәгез иде дигән теләкләрен җиткерделәр алар укучыларыбызга.

Россия Мәгариф һәм фән министрлыгы киләсе елдан БДИның иң җиңел өлеше булып саналган тест өлешен бетерергә җыена. Ведомство җитәкчесе Дмитрий Ливанов сүзләренә караганда, бу үзгәреш этаплап кертелә­чәк.

Проект авторлары фикеренчә, БДИдагы тест би­ремнәре укучының белем дәрәҗәсен тиешле дәрәҗәдә күрсәтми. Өстәвенә, “А” өлешендәге биремнәр укучыны фикерләү сәләтеннән дә мәхрүм итә, дип саный алар. БДИ текстын төзүчеләр исә, киресенчә, тест өлешен алып ату БДИ нәтиҗәләренә тискәре йогынты ясаячак дигән фикердә. Алар кайбер фәннәр буенча имтиханда тест өлешен калдыру яклы. Ничек уйлыйсыз, имтихан­ның формасын үзгәртү укучының белем дәрәҗәсен объектив рәвештә күрсәтергә ярдәм итәрме?

Бәйрәм көннәрендә митинглар, концертлар,  котлаулардан тыш “тимурчылык” эшен дә истән чыгармый укучыларыбыз.  Мәктәбебезнең  8-класс укучылары,  үзләре шефлык итә торган тыл ветераны Шәмсенур апаны бәйрәм белән котлап, күчтәнәчләр белән сыйлап кайттылар.  Бер уңайдан өй тирәләрен җыештырып, бакчаларын китмәнләп, капка төпләрен тәртипләп тә куйганнар. Шәмсенур апа рәхмәтләр укып, изге теләкләр теләп озатып калган үзләрен. Молодцы укучылар. Һәрвакыт шулай ярдәмчел, ихтирамлы булыгыз.

5 май көнне авылыбызның мәдәният йортында  1941 – 1945 нче елгы сугыш чоры балаларын кунакка дәштеләр.   Әлеге очрашуда безнең укучыларыбыз да катнашты.   Сугыш чоры балалары кабат тарих битләрен  барлап үттеләр. Укучыларыбызга кабат ул елларның авырлыкларын, үзләренең нинди тормыш кичерүләрен гыйбрәт итеп сөйләделәр.  Күңелле дә, әллә нинди авыр хисләр, күңелләрдә авыр яралар калдыра  торган, моңсу да булган бу кичәдән укучыларыбыз  хәзерге тормышның  ямен, рәхәтлеген, матурлыгын күрә белергә кирәклекне күңелләренә салып куйганнардыр мөгаен. 

6 май көнне  авылыбызның мәдәният йортында бик матур, тирән эчтәлекле концерт булып үтте. Афган сугышында булып, исән кайткан Башкортстан егетләренең  изге уйлары, изге гамәлләре белән куелган “Яшел беретлар” ансамбле  концертын  һәркем  яшь  аралаш, чын йөрәктән карады.  Алар шулай концертлар куеп , вафат булган Афганчы дусларына мемориаль такталар  куеп, аларның исемнәрен мәңгеләштереп, тарих битләренә язалар, аларны шулай хөрмәт белән искә алалар. 

Все контрольные измерительные материалы 2014 года, результат которых превысил 80 баллов, будут отправлены на перепроверку. Об этом сообщили в Рособрнадзоре в ходе работы ситуационно-информационного центра.
"Что касается работ, результат которых составил 50-60 баллов, их перепроверять мы смысла не видим", - отметил помощник главы Рособрнадзора Сергей Шатунов.
21 апреля в России начался период досрочной сдачи ЕГЭ. В этом году в нем принимает участие около 900 человек по всей стране. Как заявили в ведомстве, "обстановка в интернете оценивается как спокойная", экзамены проходят без интернет-утечек и технологических сбоев. 
"Около 12 часов ночи накануне последнего досрочного ЕГЭ было заблокировано 275 сайтов и групп в соцсетях, - отметил помощник главы Рособрнадзора Сергей Шатунов. - Они показались нам потенциально опасными. Сайты и группы были заблокированы на время экзамена, чтобы дети не отвлекались".

“Юность России” дип аталган фотографияләр конкурсына 6 сыйныф укучысы Гафарова Гөлгенәнең  табигатьнең матур күренешләре төшерелгән фотографияләре җибәрелгән иде.  Әлеге конкурсның район этабында Гөлгенә III урынга лаек булды

5- сыйныфлар һәр ярышта  катнашырга вакыт таба.  Математик КВНнарны да көтеп ала. 8 генә укучыдан торган бу класс дус, ярдәмчел, сәләтле укучылары да көчлеләр.  Математик ярышта да сынатмады алар. Берсен-берсе уза-уза әз генә аерма белән кызлар командасы җиңү яулады. Бәлки егетләре юри кызларга “юл биргәндер”. Молодцы укучылар.  Киләчәктә дә бүгенгедәй актив, тырыш булыгыз.