29 март көнне Балтач мәчетендә балалар арасында коръән уку буенча конкурс үткәрелде. Безнең мәктәбебездән 6 нчы сыйныф укучысы Гыйльмуллин Рифат беренче урын яулап кайтты. Әфәрин!

Канатлы дусларыбызны ел да шулай көтеп ала безнең укучыларыбыз. Һәр бала сыерчык оясы ясап, урманчылыкка тапшыралар. Сыерчык оясы ясамаган бер генә бала да калмый. Бик тырышып, зур осталык белән ясаган укучыларыбыз – Сафаргалиев Айрат, Мифтахов Наил, Габдрахманова Алинәләрнең оялары район күләмендә үтәчәк “Марш Парков” конкурсына җибәрелде. 

Җиңүнең 70 еллыгы уңаеннан башлангыч сыйныф укучылары "Татар шагыйрьләре сугыш турында" исемле конкурста катнашу өчен әзелек эшләрен башлап җибәрделәр. Укучылар матур биюләр, тематик шигырьләр өйрәнделәр. Алар 8 нче апрель көнне Малмыж шәһәрендә чыгыш ясаячаклар. Уңышлар телибез!

26 март көнне Балтач спорткомплексында 2003-2004 елгы кызлар арасында волейбол ярышы булып узды. Бу ярышта безнең кызларыбыз 2 урын яуладылар, аларны бу җиңүләре белән котлыйбыз. Әфәрин, кызларыбыз, киләчәктә тагын да зур уңышлар, зур җиңүләр телибез сезгә.

Бөек Җиңүнең 70 еллыгына әзерлек эшләре мәктәбебездә дәвам итә. Башлангыч сыйныф укучылары, Җиңүнең 70 еллыгына багышлап, кул эшләре ясадылар һәм күргәзмә булдырдылар.

Мәктәбебездә һәр көнне 9-11 нче сыйныфлар өчен имтиханнарга әзерләнү бара.

“ГТО ның СССР да һәм Россия үсеше тарихы” турында һәр класста ГТО дәресләре оешкан төстә үтә.Укучылар ветеран- спорсменнар белән дә очрашып торалар. ГТО тапшыруның һәр кеше сәламәтлеге өчен йогынтысы зур.

Район күләмендә үткәрелгән "Әти. әни, мин - спорт сөюче гаилә" ярышларында Корбангалиевлар гаиләсе 3нче урынга лаек булдылар. Афәрин!!!

Мәктәбебезнең яшь укытучылары "Хыял" яшьләр үзәгендә үткәрелгән "Брейн-ринг" уенында катнашып кайттылар. Алар Норма мәктәбе һәм Балтач гимназиясе укытучылары белән көч сынаштылар. 

1 нче сыйныфка керүче балалар өчен мәктәбебездә әзерлек укулары башланып китте. Балалар бик теләп һәм кызыксынып укыдылар.