3 апрель көнне чираттагы радио тапшыру булып үтте. Аны мәктәбебезнең пресс – үзәк һәм сәнгать министрлары алып бара. “Белем үрләре”, “Тәрбияле бала”, “Үлемсез полк”, “Сәламәтлек серләре”, “Җырлы бүләк” рубрикаларында алып барыла. Бөек Җиңүнең 70еллыгы уңаеннан алып барылган “Үлемсез полк” рубрикасында мәктәбебезнең барлык укучылары үзләренең сугышта катнашкан әби – бабалары турында сөйлиләр һәм фотоларын куеп, алар турында язылган чыгышларын алар мәктәбебез коридорына куелган “Үлемсез полк” күргәзмәсенә урнаштыра баралар.

Бөек Җиңүнең 70 еллыгына 70 сыерчык оясы акциясе

Бөек Җиңүнең 70 еллыгы уңаеннан район күләмендә үткәрелгән “Подвигу жить в веках” дип исемләнгән фәнни – эзләнү конференциясендә безнең укучыларыбыз да катнашты. Авылыбызда бүгенге көндә исән – сау булган, олы хөрмәткә лаек ветераныбыз Хөснетдинова Нурҗиһан апа турында 11 сыйныф укучысы Гобәйдуллина Зөһрә видеоролик эшләп җибәргән иде. Укучыбызның бу эше уңай бәяләнеп, җиңүче булды. Шулай ук 11 сыйныф укучысы Хәйретдинова Гүзәл әлеге конференциядә сугыш чоры баласы булган үзенең бабасы турында язып, альбом эшләгән иде. Бу конференциядә Гафарова Гөлгенә җырчы буларак катнашты. Кызларыбызга бу матур эшләре өчен рәхмәт әйтәбез. Киләчәктә аларга тагы да зур уңышлар телибез.

Бөек Җиңүнең 70 еллыгына әзерлек эшләре мәктәбебездә дәвам итә. Шул уңайдан 70 еллыкка багышлап мәгълүмати стенд һәм 70 еллыкның эмблемасы ясап куелды

28 нче март көнне мәктәбебез укучылары Әлки районында Татарстан беренчелегенә үткәрелгән каратэ ярышларында катнашып кайттылар. 7нче сыйныф укучысы Гарифуллин Марат беренче урынны, 6 нчы сыйныф укучысы Корбанова Чулпан икенче урынны яуладылар. Аларга тырышлыклары, осталыклары өчен медаль һәм грамота тапшырылды. Тренерлары Базагутдинов Альберт Шейхатиновичка зур рәхмәтебезне белдерәбез.Спортчыларыбызга алга таба да зур җиңүләр теләп калабыз!

“Үлемсез полк” акциясе кысаларында укучыларыбыз әби – бабалары турында мәгълүмат җыю, эзләнү эшләрен әле дә дәвам итәләр. Ә инде кйберукучыларыбыз бу эшне алдан ук эшләп куйды. Һәм “Үлемсез полк” акциясе күргәзмәсен оештырып, мәктәп коридорына куйдылар. Эзләнү эшен тамамлаган һәр укучы әби –бабасын, якын туганнарын әлеге күргәзмәгә урнаштыра бара. Иң беренчеләрдән булып 7 сыйныф укучылары бу эшкә җаваплы алынды, алар бу тема астында ачык тәрбия сәгате дә күрсәтте. Сыйныфлары белән эчтәлекле дә, истәлекле дә, матур да итеп альбом ясап куйдылар. Укучыларыбыз әлеге акция кысаларында эшне бик теләп һәм аңа җаваплы карап алып баралар.

30 март көнне укытучыларның чираттагы педагогик киңәшмәсе булып узды. Киңәшмәдә түбәндәге көн тәртипләре каралды:Мәктәп һәм гаиләнең бердәм эшчәнлеге, III чирек нәтиҗәләре, административ контроль эшләргә нәтиҗә ясалды.Педогогик киңәшмәне йомгаклап район мәгариф бүлеге методисты-куратор Гөлсинә Фазлыевна киңәшләрен бирде һәм мәгарифтә булган яңалыклар белән таныштырып китте.

“ГТО ның СССР да һәм Россия үсеше тарихы” турында һәр класста ГТО дәресләре оешкан төстә үтә.Укучылар ветеран- спорсменнар белән дә очрашып торалар. ГТО тапшыруның һәр кеше сәламәтлеге өчен йогынтысы зур.

Каникул вакытында да мәктәбебез гөрләп эшләде. ТИН укытучысы Акбиров Рим Фаргатович укучыларга мәктәпкүләмендә "Куркынычсыз тәгәрмәч" уены үткәрде. Уеннарның бер өлеше сорауларга җавап, тест формасында булса, икенче өлеше спортзалда велосипедта йөрү булды. Мәктәп буенча урыннар да билгеләнде: егетләр арасында 4 нче сыйныф укучысы Вәлиеа Асаф 1нче урын, 3 нче сыйныф укчысы Шакиров Әмир 2 нче урын, 4 нче сыйныф укучысы Газизуллин Кәрим 3 нче урын; кызлар арасында 5 нче сыйныфтан 1 нче урында Шәрипова Фәйрүзә, 2 нче урында Гарифҗанова Зөһрә, 3 нче урында Шакирова Галия. Алдагы уеннарда аларга уңышлар теләп калабыз.