8 нче май көнне бәйрәм тантанасыннан соң мәктәбебезнең барлык укучылары яу кырында хәбәрсез югалган, батырларча һәлак булган, Бөек Җиңү яулап, исән кайтып, туган җирендә вафат булган әби- бабайларын, якын туганнарын барлап, аларның исемнәрен , фотоларын куеп, аларның исемнәрен тагын бер кат мәңгеләштереп, “Үлемсез полк”акциясе үткәреп, авылыбызның һәрбер урамы буйлап йөрделәр.

Бүген авыл уртасындагы һәйкәл янында Бөек Җиңүнең 70 еллыгына багышланган тантаналы митинг булды. Митингта сугыш һәм тыл ветераннары, кунаклар, укучылар, балалар бакчасында тәрбияләнүче нәниләр катнашты

Бүген мәктәбебездә юл кагыйдәләренә багышланган тәрбия сәгатьләре үткәрелде. Һәр сыйныфта юл йөрү кагыйдәләре буенча 3 нче глобаль атна булып узды. Укучылар юл йөрү кагыйдәләрен, билгеләрен кабатладылар һәм төрле ситуацияләр чиштеләр. Теоретик материал практик эшләр белән ныгытылды. Бу тәрбия чаралары укучылар өчен файдалы булсын иде.

Мәктәбебездә язгы бакча эшләре башланып китте. Укучыларыбыз җир казыйлар, түтәлләр ясыйлар, әйберләр утырталар...

7 май көнне 4 нче сыйныфларда татар теленнән ачык дәрес булды. Укучылар эндәш сүзләр белән таныштылар, төрле төрдәге күнегүләр эшләделәр. Авылдашыбыз Фәридә Шакирова шигырьләреннән эндәш сүзләр таптылар. Дәрес темасын укучылар үзләштерделәр. Дәрес бик кызыклы һәм файдалы үтте.

Бүген  "Бөек Җиңүнең 70 еллыгы мәктәбем тарихында" акциясе уздырылды. Барлык укучылар да флэш-мобта катнашып мәктәп территориясендә 70 символы ясадылар.

Балтач районы мәктәпләренең яшь инспекторлары арасында Бөек Җинүнең 70 еллыгына багышланган “Иминлек тәгәрмәче” конкурсы үтте.
Конкурста 20 мәктәптән 80 яшь инспектор катнашты. Ярышларда балалар үзләренең юл йөрү кагыйдәләрен ничек белүләре турында имтихан тотты. «Автошәһәрчек»тә велосипедта фигуралы йөрде, беренче медицина ярдәме күрсәтте.

Ел саен  район күләмендә уздырыла торган җиңел атлетика ярышларын быел Бөек Җиңүнең 70 еллыгына багышлап уздырдылар. Әлеге ярышта мәктәбебез командасы һәр ел саен катнашып килә.  Ярышка әзерләүче: физик тәрбия укытучысы – Валиев Р.Ш.