“Язгы игелек” атналыгында “Яхшы эшләр генә эшлә” акциясендә башлангыч сыйныф укучылары актив катнашалар. 1нче сыйныф һәм 2 нче сыйныф укучылары бүлмәләрендәге гөлләрне яңарттылар.

7 март көнне 7 сыйныф укучылары 8март – Халыкара хатын – кызлар көне уңаеннан бәйрәм концерты куйдылар. Бик матур әзерләнгәннәр. Яңа матур биюләр, җырлар өйрәнгәннәр. Концерт алдыннан Бөек Җиңүнең 70 еллыгы уңаеннан , ирен, газиз улын сугышка озатып, аларны югалткан ялгыз калган ана кичерешләрен тасвирлап күрсәттеләр. 7 сыйныфларның бәйрәм концертын һәркем яратып карады, аларның һәр номерын тамашачы алкышларга күмде. Бик күңелле булды бәйрәм киче.

Кадерле ханымнар һәм туташлар!
Сезне чын йөрәктән 8 Март – Халыкара хатын-кызлар көне белән тәбрик итәм!
Мартның нурлы, җанга җылы өсти торган бу көне хатын-кызларга ихлас мәхәббәт, эчкерсез соклану һәм олы хөрмәт белән сугарылган. Гүзәл һәм нәзакәтле затлар элек-электән тереклекнең гәүдәләнеше, шәфкать-мәрхәмәт һәм илһам чыганагы, матурлык, камиллек, мөлаемлык үрнәге булып санала. Табигать аларга кешелек яшәешен дәвам иттерү кебек олы бурыч йөкләгән.
Әнием, хатыным, апам, сеңлем, кызым – нинди ягымлы сүзләр! ...

Кадерле хатын-кызлар!
Сезне язның иң күңелле һәм иң тормышчан бәйрәме – Халыкара хатын-кызлар көне 8 Март белән чын күңелдән котлыйбыз!
Һәрбер хатын-кыз иң ягымлы мактау сүзләренә, олы мәхәббәткә, ихтирамга һәм кайгыртуга лаек. Без, ир-атлар, бүген сезгә йөрәктә саклап йөрткән иң назлы сүзләребезне аеруча дулкынланып әйтәбез.
Бәхетле һәм сөекле булыгыз! Балалар һәм оныклар куанычын күреп яшәргә насыйп булсын. Тыныч тормыш, сәламәтлек, игелек һәм муллык телибез сезгә, кадерле хатын-кызлар!

5 март көнне укучыларыбыз Бөек Җиңүнең 70 еллыгы уңаеннан район күләмендә үткәрелгән “Ледовый шоу”- бозда фигуралы шуу бәйгесендә катнаштылар. Алар әлеге бәйгедә III урынга лаек булдылар. Әнә шулай, һәр көнебезне бәйрәмгә тиңләп, конкурсларда актив катнашып, матур уңышларга ирешеп, һәр көнебезне күңелле итеп үткәрик. Ә бозда шуучы осталарыбызны бу уңышлары белән чын күңелдән котлыйбыз. Тырышлыклары өчен, әфәрин, рәхмәт аларга.

Атна саен, җомга көнне үткәрелә торган радио тапшыруда укучыларыбыз ,Бөек Җиңүнең 70 еллыгына әзерлек максатыннан, һәркайсы үзләренең сугышта катнашкан туганнары, әби – бабайлары хакында таныштырып баруны дәвам итәләр. Алар шулай “Үлемсез полк” акциясенә әзерлек эшләре алып баралар. 

27нче февраль көнне 1 нче сыйныф укучыларының “Әлифба бәйрәм”нәре булды. Әлифба китабын тәмамлаган укучылар укып та, язып та күрсәттеләр, башваткычлар да чиштеләр. Укучылар арасында моңлы җырчылар да, матур биючеләр дә, нәфис сүз осталары да булганлыгы ачыкланды. Укчыларга истәлекле бүләкләр дә тапшырылды. Әти-әниләргә, сыйныф җитәкчеләре Солтанова Гөлсинә Нурлоходовнага зур рәхмәтебезне җиткерәбез. Ә 1 нче сыйныфларга алдгы көннәрендә тырышып укуларын теләп калабыз

27 нче февраль көнне рус теле укытучысы Габидуллина Наилә Наилевна 5 нче сыйныфта “Буквы ё – о после шипящих” дигән темага ачык дәрес үткәрде. Дәрестә күп төрле алымнар кулланылды. Укучылар актив булдылар, шуңа күрә дәрес бик җанлы үтте. Дәрестә укучыларның грамоталы язуларына басым ясалды. Укучылар дәрестә өйрәнгән кагыйдәләрне текст өстендә эшләгәндә файдаландылар. Бу кагыйдәгә туры килгән җөмләләр төзеделәр.

Советлар Союзы Герое Габдулла Гарифуллин истәлегенә үткәрелгән хоккей ярышының зона бәйгесендә егетләребез командасы җиңүче булып, финал ярышына үттеләр. Әлеге уенның финал бәйгесендә егетләребез командасы өченче урынга лаек булдылар. Әфәрин, егетләр, киләчәктә тагын да зур уңышлар, зур җиңүләр телибез сезгә!

28 нче февраль көнне район күләмендә үткәрелгән шахмат ярышында безнең егетләребез һәм кызларыбыз командасы да катнашты. Әлеге ярыштан 10 сыйныф укучылары Гильметдинов Ильназ беренче урын, ә Гарифуллина Ләйсән икенче урын алып кайттылар. Ильназ белән Ләйсәнне бу җиңүләре белән котлыйбыз. Әфәрин!