21 нче февраль көнне Казанда ШЭ Камалов призына үткәрелгән шахмат ярышларында безнең яшь шахматчыларыбыз Абдрахманов Әмир 1, 2 урыннарны, Корбанов Ильяс 3 урын яуладылар. Аларны бу зур җиңүләре белән котлыйбыз, зур уңышлар телибез.

22 нче февраль көнне 8 нче сыйныф укучылары Бөек Җиңүнең 71 еллыгы уңаеннан һәм “Ватанны саклаучылар” көненә концерт куйдылар. Концертта укучылар яңа биюләр дә, матур җырлар да башкардылар. Аларның зур тырышлык куеп әзерләнгән бәйрәмнәре кадерле әтиләребезгә һәм килгән кунакларга бик ошады. Концертта катнашучыларга зур рәхмәтебезне җиткерәбез.

Хөрмәтле ир-егетләр!
Сезне чың күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе,ныклы сәламәтлек, бәхет, муллык һәр эшегездә уңышлар теләп калабыз.
Сез безнең күңелгә мәңгелек ышаныч!
Сез көчле, сез батыр, сез-безнең куаныч!
Сез- алтын багана, гаиләдә сез-терәк!
Тынычлык-иминлек сагында сез кирәк!
Бәйрәмеге белән котлап,
Ир-егетләр, сезгә дәшәбез.
Һәрчак шулай, кыю, батыр булып,
Үрнәк булып, җирдә яшәгез.
Якты көннең һәрбер иртәләре,
Килсен сезгә, кояш, нур булып.
Сәламәтлек, бәхет юлдаш булсын,
Куанычлар килсен ургылып.

19 нчы февраль көнне Балтач районы прокурор ярдәмчесе Шарифуллин Фәрит Гомәр улы белән очрашу уздырылды һәм А.Г.Звягинцевның “Нюрнберг-70 елдан” соң дип исемләнгән фильмы күрсәтелде.

20 нче февраль көнне уздырылган Аҗаган хәрби-патриотик уенында барлык укытучыларыбыз һәм укучыларыбыз теләп катнаштылар. Укучыларыбыз үзләренең көчләрен , осталыкларын мылтыктан төз атуда, мина эзләүдә, аркан тартуда, беренче мед. ярдәм һәм башка уеннарда күрсәтә алдылар.

22 нче февраль көне яшь укутучыбыз Зарипов Алмаз Маулет улы 5 классларда ачык математика дәресе үткәрде. Яшь укытучыбыз укучылар белән бик күп төрле эш алымнары башкарды. Тәҗрибәле укытучыларыбыз тарафыннан киңәшләр, тәкъдимнәр бирелде. Алмаз Маулетовичка алдагы эшендә зур уңышлар телибез.

16 нчы февраль көнне мәктәбебез укучылары макулатура җыйнауда актив катнаштылар. Укучыларыбыз көче белән барлыгы 759 кг кәгазь тапшырылды. Иң актив класслар 1урында-4,7,9 класслар,2 урында-2,5,8 класслар, 3урында-1,6,10 класслар билгеләнде. Мәктәп буенча 2 нче сыйныф укучысы Каримуллин Райнур 47 кг кәгазь тапшырды.

15 нче февраль көнне мәктәбебездән бер төркем укучыларыбыз Казанда уздырылган“Тамчы шоу” тапшыруында катнашып кайттылар.Укучыларыбыз үзләренең белемнәрен биология, тарих, география фәннәреннән күрсәттеп, уңышлы чыгыш ясадылар.Бу тапшыруда катнашкан укучыларыбыз 6 класстан Гыйльмуллин Фәнис, Шакирова Галия, Шарипова Фәйрүзә, 7 класстан Корбанова Чулпан, Нурмиев Илшат, Гыйльмуллин Рифат һәм аларны әзерләгән укытучылар Нуретдинова Зөлфирә Зөфәр кызына, Миннемуллин Айгиз Рафил улына, Сибагатуллин Мәлик Тимерхан улына, Валиева Раушания Уран кызына, Мөхетдинова Гөлнара Сафуан кызына рәхмәтебезне белдерәбез.

18 нче февраль көнне барлык классларда да Батырлык дәресләре үткәрелде.

17 нче февраль көнне СанПин нормалары буенча мәктәп коллективына ТР Роспотребнадзор Балтач бүлеге хезмәткәре Габбасова Надия Рафкатовна тарафыннан укулар оештырылды.