29 нчы февральдән-6 нчы мартка кадәр башлангыч сыйныфлар атналыгы игълан ителде. Бу атна өчендә укучыларыбыз белән төрле чаралар үткәреләчәк.
29 февраль “Әкият иле буйлап сәяхәт”-викторина
1 март-“Акыллы башлар”-математика көне
2 март – “В гостях у сказки”- рус теле көне
3 март- “Проект эшләре көне”- әйләнә-тирә көне
4 март-“Әлифба бәйрәме”
5 март Г.Тукай әсәрен сәхнәләштерү

24 нче февраль көнне бер төркем укучыларыбыз Малмыж шәһәрендә регионар арасында уздырылган “Татар шагыйрьләре туган тел турында” дип исемләнгән әдәби бәйрәмдә матур чыгыш ясап грамота, дипломнар белән бүләкләнделәр.

2 нче март көнне башлангыч класслар укытучысы Шафигуллина Лилия Әсхадулловна 4 нче сыйныфта татар теленнән “Сан” темасына ачык дәрес күрсәтте. Укучылар микъдар саны турында алган белемнәрен күнегүләр эшләгәндә, сорауларга җавап биргәндә дә бик отышлы файдаландылар. Дәрес бай эчтәлекле, ФГОС таләпләренә тулысынча туры килерлек итеп оештырылган . Лилия Әсхадулловнага зур рәхмәтебезне белдереп, алдагы эшендә зур уңышлар теләп калабыз.

Февраль аенда уздырылган оборона –масса айлыгына йомгак ясалды. Укучыларыбыз белән күп төрле ярышлар уздырылды. Һәр класс шахмат, волейбол, мылтыктан төз ату, бадминтон ярышларында актив булдылар. Аерым укучыларыбыз мактау кәгазъләре белән бүләкләнделәр.

25 нче февраль көнне Арча шәһәрендә уздырылган шахмат ярышларында 1 нче сыйныф укучысы Корбанов Ильяс 3 урынны ,27 нче февраль көнне Кукмарада уздырылган шахмат ярышларында 4 нче сыйныф укучысы Базагутинова Диния 4 урынны, Балтач командасы 3 урыннга чыгып матур җиңүләр белән кайттылар. Афәрин!

Иртәнге линейкада дежур торган 8 нче класс атналык эшкә нәтиҗә ясады. Нәтиҗәләргә килгәндә “Иң яхшы укучы класслар” дип 11 класслар танылды. “Шәфкатьле класс” номинациясе буенча 7,9 нчы сыйныф, “Спорт сөюче класс”-10 нчы сыйныф укучыларына бирелде.”Иң чиста класс”-8 сыйныф, “Иң тәртипле укучылар ” дип 6 нчы сыйныф билгеләнде.

10 нчы сыйныф укучысы Фәхретдинов Рүзәл геология фәненнән уздырылган Республикакүләм олимпиадасында матур күрсәткечләр белән катнашып кайтты. Рүзәлне һәм аны әзерләгән география укытучысы Мифтахов Мәгъфүр Раифовичны зур уңышлары белән чың күңелдән котлыйбыз!

26 нче февраль көнне герой-шагыйрь Муса Җәлилнең тууына 110 ел тулуга багышлап “Тик булса иде ирек”дигән әдәби-музыкаль кичә уздырылды.Кичәнең беренче өлешендә 8 нче сыйныф укучылары М.Җәлилнең шигырьләрен сөйләделәр, җырларын башкардылар. Ә икенче өлешендә шагыйрьнең тормыш юлы һәм иҗатына багышланган викторина сорауларына җавап бирделәр.

25 нче февраль көнне герой-шагыйрь Муса Җәлилгә 110 ел тулу уңаеннан, Карадуган мәдәният йортында Минзәлә дәүләт театр коллективы белән очрашу үткәрелде. Безнең мәктәптән әлеге тантанада 4 нче сыйныф укучыларыХөсәенова Зәринә,Базагутинова Диния, 5 нче сыйныф укучысы Газизуллин Кәрим катнашты. Алар “Йолдызлы малай”спектаклен карау бәхетенә дә иреште. Себер тракты музеенда экскурсиядә

26 нчы февраль көнне “Халыкара туган тел” көне уңаеннан “Газиз туган телем” дип исемләнгән 5, 6 нчы сыйныфлар арасында викторина үткәрелде.Командалар зирәклектә, тапкырлыкта көч сынаштылар. 41 очко белән “Туган тел” командасы җиңүгә иреште “Бөрбаш” командасы алардан бары 1 очкога гына калышты. Бу бәйгене оештырган татар теле һәм әдәбияты укытучысы Нуретдинова Зөльфирә Зөфәр кызына һәм укучыларга зур рәхмәтебезне белдерәбез.