19 нчы март көнне авылдашыбыз Фидаил Шакиров призына көрәш ярышлары үткәрелде. Безнең мәктәбебездән Валиев Асаф, Галимов Әлфис, Шәйхетдинов Фәннүр, Гәйфетдинов Фәнзил, Дәминов Рәдиф, Каримуллин Райнур катнашты.

19 нчы март көнне мәктәбебез укучылары һәм авылыбыз халкы өчен бик күңелле бәйрәм оештырылды авылыбыз җирлегендә. Ул көнне авылдашыбыз, данлыклы көрәшче Фидаил Шакиров истәлегенә зур көрәш бәйгесе дә үтте. Нәүрүз – яз бәйрәме уңаеннан төрле кызыклы уен – ярышларда катнаштылар укучыларыбыз. Аннан соң һәркем рәхәтләнеп “Карга боткасы” белән сыйланды, самоварда кайнап торган тәмле чәй эчте. Бик матур, күңелле бәйрәм булды ул . Язгы кояш та күңелләргә җылы нурларын күбрәк өләште ахры ул көнне, чөнки һәркем шат йөзле, күтәренке рухлы иде.

18 нче март көнне һәр сыйныфта әти-әниләр җыелышы үткәрелде. Сыйныф җитәкчеләре 3 нче чирек нәтиҗәләре, каникул планы, укучыларның каникул вакытында иминлекләрен саклау буенча эш алып бардылар. Борчыган мәсьәләләр турында фикер алыштылар.

18 нче март көнне Пыжмара укучысы Бариева Алинәгә ярдәм итү йөзеннән хәйрия концерты булды.Азат һәм Алсу Фазлыевлар башкаруында искиткеч матур концерт карап, күтәренке кәефләр белән таралыштык

17 нче март көнне математика укытучысы Мифтахова Нурания Садыйковна 8 нче сыйныфларда математикадан “Саннлы аралыклар “ темасына ачык дәрес үткәрде. Укытучы төрле эш алымнары белән укучыларны кызыксындыра алды.Дәрестә укучылар бик күп файдалы мәгълүматлар алдылар. Нурания Садыйковнага алдагы эшендә зур уңышлар теләп калабыз.

“Сыерчык оялары” акциясендә укучыларыбыз актив катнашты. Ясалган сыерчык ояларына нәтиҗә ясалды. Iурын-Акбирова Нәфисә (2нче сыйныф укучысы), II урын-Загидуллина Галия (1нче сыйныф укучысы), Гыйлмуллин Фәнис (6нчы сыйныф), III урын-Корбанов Ильяс (1 нче сыйныф), Сәфәргалиев Айрат (4 нче сыйныф), Сәләхетдинова Әнисә (11 нче сыйныф). Барлык укучыларга да зур рәхмәтебезне белдерәбез.

17 март көнне татар теле һәм әдәбияты укытучысы Нуретдинова Зөлфира Зөфәровна 5 классларда “Бер һәм күп мәгънәле сүзләр “ темасына ачык дәрес күрсәтте.Дәрес матур эшлекле рухта үтте. ФГОС таләпләренә тулысынчы туры килде. Зөлфира Зөфәровнага алдагы эшендә зур уңышлар телибез.

14-20 нче мартка кадәр Бөтенрәссәй финанс грамоталыгы атналыгы игълан ителде. Безнең мәктәптә һәр сыйныфта финанс грамоталыгы көненә багышланган тәрбия сәгатьләре үткәрелә.

16 март көнне укучыларның чираттагы гомуми җыелышы үткәрелде.Җыелышта старосталар 3 нче чиректә эшләнгән эшләргә отчет ясадылар, каникул планы белән таныштылар, язгы каникулда куркынычсызлык таләпләрен үтәү турында сөйләштеләр.

17 март көнне финанс грамоталыгы атналыгы кысаларында башлангыч сыйныф укучыларына госстрах агенты Сибагатуллина Гөлназ Нәсыйх кызы белән очрашу уздырылды. Ул укучыларга бәхетсезлек очракларын булдырмау турында аңлатып китте.