15 нче апрель көнне, шигырь чыгару бәйгесенә йомгак ясалды. Шигырьләр барысы да бөек шагыйребез Г.Тукайның тормыш юлын, иҗатын яктырта. Нәтиҗәләр түбәндәгечә булды: I урын - Гарифуллина Зилә (1нче сыйныф), Хөсәенова Зәринә (4нче сыйныф), Шакирова Галия (6нчы сыйныф).
II урын-Фазлыева Әминә (1нче сыйныф), Шакиров Әмир (4нче сыйныф), Шәрипова Фәйрүзә (6нчы сыйныф).
III урын-Акбирова Нәфисә (2нче сыйныф), Корбангалиева Энҗе (3нче сыйныф), Гыйльмуллин Фәнис (6нчы сыйныф).
Шигырь чыгару бәйгесендә катнашкан һәр укучыга зур рәхмәтебезне белдерәбез.

9 сыйныф укучылары Гобайдуллин Ранил Мөнир улы җитәкчелегендә авылыбызның бердәнбер сугыш ветераны Хөснетдинова Нурҗиһан Гыймран кызы белән очрашу үткәреп сугыш хатирәләре турында видеоролик эшләделәр һәм истәлекле фотоальбом ясадылар

Мәктәбебездә мобилизацион өйрәнүләр оештырылды

14 нче апрель көнне мәктәбебезгә "Психологик десант" килде. Галимзянова Г. һәм Идрисова А.В. 9,11 нче сыйныфлар белән психологик тренинг уздырдылар

12 нче апрель көнне һәр сыйныфта “Сулыкларда сак бул”- дип исемләнгән тәрбия сәгатьләре булып узды. Һәр сыйныф җитәкчесе укучыларга язгы ташу вакытында су кырларында йөрмәскә , кечкенәләргә игътибарлы булырга, үз гомеренне куркынычсызлык астына куймаска кирәклеге турында аңлатып, инструктажлар үткәрделәр.

12 нче апрель - космонавтика көне. Шул уңайдан мәктәбебездә төрле чаралар үткәрелде. 10 нчы класс укучылары V-VII нче класслар өчен “Кеше галәмдә” һәм “Космос серләре” темасына докладлар, презентацияләр әзерләде. 11-класс укучылары IX-XI нче классларга видеофильмнар күрсәтте. Ә VIII- классларда “Космос серләре” темасына КВН оештырылды. Укучылар белән әнә шулай беренче космонавт Ю. А. Гагаринның батырлыгын искә алдык, аның белән горурландык һәм аңа сокландык. 

8 апрель көнне Әтнә районнында уздырылган Ш.Мәрҗәни исемендәге Республикакүләм фәнни-гамәли конференциядә 8 нче сыйныф укучысы Гафарова Гөлгенә укытучысы Миңнемулин Айгиз Рафилевич җитәкчелегендә матур чыгыш ясап кайттылар. Гафарова Гөлгенәне “Дөньякүләм танылган милләтәшләребез” секциясендә уңышлы чыгыш ясап, 2 нче урынны алуы белән котлыйбыз, зур уңышлар телибез.

Тәнәфесләрдә Г.Тукай әсәрләре буенча эшләнгән мультфильмнарны укучылар яратып карыйлар. Мультфильмнардагы геройлар укучыларда хезмәткә, белемгә омтылыш уята. Дәреслекләрдән укып белгән Шүрәле, Су анасы геройларын җанлы итеп күрү укучыларда бетмәс тәэсирләр калдыра.

9 нчы апрель көнне 11 нче сыйныф укучысы Хисамутинова Ралия Кукмарада уздырылган кул көрәше ярышында, үз үлчәмендә 3 урынга чыгып, грамота белән бүләкләнде. Ралияне чың күңелдән бу җиңүе белән котлыйбыз, алдагы ярышларда тагын да матур күрсәткечләргә ирешүен телибез.Афәрин!

9 нчы апрель көнне Бөрбаш мәдәният йортында бик матур, тәрбияви “Гаилә –гомер бишеге” дип аталган гаилә бәйрәме булып узды. Бу чарада мәктәбебездән Заһидуллиннар һәм Абдрахмановлар гаиләләре катнашты.Бу ике гаиләдә авылыбызда тыныч, эш сөючән,тырыш, спортны яратучы гаиләләр буларак билгеле. Әлеге гаиләләр үзләренең нәсел җепләрен җыеп тамашачыларга үз осталыкларын күрсәтә алдылар.