Бердәм дәүләт имтиханнарына әзерлек кысаларында 10 сыйныф укучылары физикадан сынау имтиханнары эшлиләр.

Бөтендөнья тантанасы, бәйрәм, горурлык, югалту әчесе һәм киләчәккә ышаныч хисләрен бергә берләштергән Бөек Җиңү көненнән алып 71 ел вакыт үткән.
Бөек Ватан сугышында илебез язмышы гына түгел, башка күп кенә дәүләтләр һәм бөтен кешелек язмышы хәл ителде. Яу кырында үлмәс батырлыклар, хезмәттә фидакарьлек һәм җиңүгә омтылыш күрсәтеп, безнең халкыбыз Ватан бәйсезлеген һәм азатлыгын яулады.
Бәйрәм белән сезне кадерле ветераннар, тыл хезмәтчәннәре, солдат толлары! Кылган батырлыкларыгыз, көнне-төнгә ялгап хезмәт куйганыгыз, бүген дә безнең белән бергә булганыгыз өчен рәхмәт сезгә!

Укучыларыбы һәм укытучыларыбыз “Георгиевская ленточка” акциясендә теләп, актив катнашалар. Һәркем өчен дә бу иң зур бәйрәмнәрнең берсе булып тора. Безгә шундый матур, тыныч тормыш бүләк иткән өчен без бабаларыбыз-әбиләребез алдында баш иябез.

Бөек Җиңүнең 71 еллыгын каршылап 10-класс җитәкчесе Мифтахова Н.С. “ Дети войны” дигән видиофильм күрсәтте. 20 минутлык әлеге класс сәгатендә герой пионерлар, концлагерьлардагы балалар турында тетрәндергеч күренешләр сүрәтләнгән.

3 нче май көнне ФОРПОСТ членнары тәрбия завучы Раушания Урановна җитәкчелегендә укучылар арсында кич йөрү , су буйларында учак ягу очракларын һәм укучылар арасында тәртип бозуларны булдырмау максатыннан кичке дежурлыкка чыктылар.

3 нче май көнне сыйныф җитәкчеләре семинары булды. Семинарда сыйныф җитәкчеләренә укучылар арасында стресс һәм суицид очракларын булдырмау буенча профилактика чаралары аңлатылды. Укучыларга карата игътибарлы һәм ягымлы мөнәсәбәттә булыйк.

29 нчы апрель көнне Сосна мәдәният йортында Марш парков-2016 булып узды. Безнең мәктәбебездән бүләкләнү өчен бер төркем укучыларыбыз барды. Шигырь чыгару номинациясендә 4нче сыйныф укучысы Сәфәргалиев Айрат диплом һәм истәлекле бүләк белән бүләкләнде. (Җитәкчесе Хөсәенова Фирания Хәниф кызы.) “Сыерчык оясы “ номинациясендә Акбирова Нәфисә, Гыйльмуллин Фәнис, Габдрахманова Алинә, Шакирова Галияләр диплом белән бүләкләнделәр.

29-30 нчы апрель көннәрендә мәктәбебездә бердәм эшмәкәрлек дәресләре уздырылды.Укучыларыбыз авылыбыз эшмәкәрләре Гилмуллин Илшат Рашид улы һәм Фазлыев Булат Җәлил улы белән очрашып, эш урынында экскурсиядә булып кайттылар.

Мәктәбебездә укучылар белән күп төрле профилактик чаралар оештырыла. Шушы көннәрдә 10- класс җитәкчесе Мифтахова Н.С. “Иптәшеңә игътибарлы бул” дигән темага класс сәгате оештырды. Укучылар төрле ситуациядән чыгу, проблемаларны чишү ысулларын эзләде, матбугат материалларын укып, тиешле нәтиҗә ясады, яшьтәшләренә файдалы киңәшләрен бирде. Дәрес ахырында “Барлык проблемаларның да чишелеше бар, аны күрә белергә, кирәк очракта ышаныч телефонына (8 800 2000 122) шалтыратып, кирәкле киңәшләрне алырга мөмкин” икәнлеге укучыларның кабат исләренә төшерелде.

Язгы эшләр башланып китте мәктәп тирәсе укучыларыбыз тырышлагы белән чистара, ямьләнә. Бакчада һәркемгә дә эш җитәрлек.Егетләребез түтәләр казый, кызлар суган, кишер, чөгендер чәчәләр. Тиздән бик тиздән укучыларыбы чәчкән яшелчәләр мул уңыш бирер дип көтеп калыйк.