18 нче май көнне Балтач мәдәният үзәгендә уздырылган “Талантлар парады” фестивалендә “Алтын-Каләм” конкурсында 6 нчы сыйныф укучысы Шарипова Фәйрүзәне III урын алуы белән котлыйбыз. Җитәкчесе Нуретдинова Зөлфирә Зөфәр кызына рәхмәтебезне белдерәбез.

Район күләмендә оештырылган “Программистлар” конкурсында 10 сыйныф егетләре – Нуретдинов Нияз һәм Кадыров Алмазлар җиңү яуладылар. Аларны җиңүләре белән котлыйбыз.

23 нче май көнне СПТУ укытучылары 9нчы сыйныф укучылары белән һөнәр сайлау буенча очрашу үткәрделәр.

Кадерле чыгарылыш сыйныф укучылары!
Хөрмәтле укытучылар һәм әти-әниләр!
Сезне чын күңелдән мәктәпне тәмамлавыгыз һәм Соңгы кыңгырау бәйрәме белән котлыйм. Мәктәп белән хушлашу, олы тормыш юлына аяк басу - һәр кеше тормышында булган гүзәл вакыт. Бу – өметләр, ачышлар һәм эчкерсез планнар чоры.
Мәктәптә сез белем алдыгыз, иҗади сәләтләрегезне күрсәттегез, үз карашларыгызны һәм фикерләрегезне якларга, туган җирегезне яратырга өйрәндегез. Болар барысы да сезнең өчен тормыш сынауларын җиңәргә ярдәм итәчәк кыйммәтле капитал.
Сез киләчәк тормыш һәм һөнәри юлыгызны билгеләү кебек җитди һәм җаваплы сайлау алдында торасыз....

4 нче сыйныф укучылары рус теле, математика, әйләнә-тирә дөнья фәннәреннән Бөтенрәссәй тикшерү эшләрен уңышлы башкарып чыктылар.

22 нче май көнне Пионер туган көне уңаеннан мәктәбебез укучылары урманга экскурсиягә бардылар. Табигать кочагында тәмле ашлар пешереп, рәхәтләнеп уйнап, ял итеп кайттылар.

20 нче май көнне мәктәбебездә бик матур бәйрәм очрашуы үткәрелде. Укучыларыбыз авылыбыз хезмәтчәннәре белән очраштылар. Хезмәтләре өчен орден, медальләр белән бүләкләнүчеләр арасында Корбанова Асия , Мифтахова Альмира , Султанов Рафис Фарадисович, Гильметдинов Искәндәр , Шарифуллин Гали, Нурмиев Ахияр, Мингазов Ханиф, Корбангалиев Таһир, Хусаенов Нургаян, Галекаев Фидаел абыйлар, Сабирова Гөлфания, Самигуллина Раушания апалар белән очрашып аларның хезмәт юллары белән танышып альбомнар, презентацияләр эшләп, истәлекле фотога төштеләр.

22 нче май көнне Яшел Үзән шәһәрендә уздырылган Бөек Җиңүгә багышланган регионара XXII язгы балалар шахмат турниры ярышында 1 нче сыйныф укучысы Абдрахманов Әмир III урын һәм 1нче сыйныф укучысы Корбанов Ильяс актив катнашучы буларак диплом һәм сертификат белән бүләкләнәләр. Укучыларыбызны җиңүләре белән котлыйбыз.

18 нче май көнне районкүләм “Милли тавыш-балалар” проектының беренче этабында җиңүчеләрне бүләкләү булды. Безнең мәктәптән 7нче сыйныф укучысы Гыйльмуллин Рифат, 3 нче сыйныф укучысы Галимов Әлфис, 2 нче сыйныф укучысы Акбирова Нәфисә, остазлары Әминов Нәҗип Салих улы диплом белән бүләкләнделәр.

23 нче май көнне 4 нче сыйныф укучыларын тантаналы рәвештә вариска кабул итү оештырылды. 4 нче сыйныф укучыларын Татарстан варислары булулары белән чың күнелдән котлыйбыз.