Мәктәбебездә гаилә атналыгы кысаларында төрле чаралар үткәрелә. 10-класс укучылары, класс җитәкчеләре Мифтахова Н.С., классташлары Ләйсәннең әбисе -пенционер укытучы, сугыш чоры авырлыкларын күреп үскән Сания апа Хайруллина белән очрашу уздырды. Сания апа өлкән яшьтә булу сәбәпле, мәктәпкә килә алмый, шуңа күрә укучылар Сания апаның өйләренә барып, аның балачак хәтирәләре, элеккеге мәктәп тормышы вакыйгалары белән танышып, истәлек бүләкләре тапшырып кайтты.

“Без үсеп килүче яшь буынны сугыш геройлары үрнәгендә тәрбияләргә тиешбез”- Президент Рөстәм Миңнехановның Бөек Җиңүгә 71 ел тулуга карата әзерлек эшләре көннәрендә җиткергән фикере.
Данлыклы очучы, аякларын югалткан хәлдә, кабат сугышчылар сафына басып, фашист самолетларын юк итүдә катнашкан Советлар Союзы Герое – курку белмәс летчик - Алексей Петрович Маресьевның тууына 20 май көнне 100 ел була.
Безнең мәктәп укучыларына Советлар Союзы героеның тормышы турында рус теле һәм әдәбият укытучылары сөйләде. Аның батырлыкларын дәлилли торган информациялар җиткерелде: күргәзмә, документаль фильм, класстан тыш әдәби китаплар уку - Б.Полевойның “Повесть о настоящем человеке” китабы , тематик тәрбия беседалары үткәрелде.

Иртәнге линейкада дежур торган 11 нче класс атналык эшкә нәтиҗә ясады. Нәтиҗәләргә килгәндә, “Иң яхшы укучы класслар” дип, 11 класслар танылды. “Шәфкатьле класс” номинациясе буенча 5-11 нче сыйныф .”Иң чиста класс”-8 нче сыйныф, “Иң тәртипле укучылар ” дип, 7 нче сыйныф билгеләнде.

7 нче май көнне һәйкәл каршында Бөек Җиңүнең 71 еллыгына багышланган митинг булды.Бәйрәмдә сугыш ветераны Хөснетдинова Нурҗиһан апа, тыл ветераннары, сугыш чоры балалары катнашты.Аларны Сәйдәш Шәмсиевич, Гүзәл Галимулловна, Рафис Фарадисович һәм Рөстәм Рафисович бәйрәм белән котлады. Бәйрәмнең икенче өлеше мәктәп ашханәсендә чәй табыны янында дәвам итте.

7 нче май көнне митингтан соң укытучылар һәм укучылар “Үлемсез полк” акциясендә катнаштылар.

Бөек Җиңүебезгә 71 ел кыссаларында мәктәптә күп кенә чаралар үтә. Һәр сыйныфта Бөек Җиңү көненә багышланган сыйныф сәгатьләре үткәрелә. Укучыларыбызда бу дәресләрдә илебез өчен горурлык хисләре тәрбияләнә.

Мәктәбебездә Бөек Җиңүнен 71 еллыгы кысаларында күп кенә эшләр эшләнә.5 май көнне укучылар һәм укытучылар “Җиңү урманы” акциясендә катнаштылар. Укучыларыбыз тырышлыгы белән сугышта катнашкан бабайлар, әбиләр истәлегенә агачлар утыртылды.

Укучыларыбыз 5 май көнне Бөек Җиңүгә багышланган “72 сәгать” дип исемләнгә кино карадылар.

5 май көнне 6 сыйныфларда “Дуслык” темасына тәрбия сәгате үтте. Укучыларга бер-берсенә карата дустанә мөнәсәбәттә булырга кирәклеге аңлатылды.

6 май көнне 7 сыйныфларда “Сталинград сугышы” турында видеофильм күрсәтелде һәм безнең солдатларның сугыштагы батырлыклары турында тәрбия сәгате үткәрелде.