Элек-электән оста куллы хатын-кызларыбыз мавыктыргыч кул эшләренә бөтен тырышлыкларын куеп, зәвык белән үзләренә һәм туганнарына милли киемнәр теккәннәр. Гасырлар буе алар үзенчәлекле чигеш алымнарын, аның төсләр балкышын һәм орнаментларын булдырган. Һәрбер оста үзенең чигеш алымнарын, даими рәвештә баетып, үзгәртә барып, хәзерге көннәргә кадәр саклаган. Чигү остасы - Чулпан апа Галимова да үзенең чигү алымнарын 9нчы сыйныфта укучы кызларга өйрәтеп, буыннан буынга күчеп килә торган һөнәр асылына төшендерде, киңәшләр бирде. 

15 нче февраль көнне мәктәбебездә музыка, рәсем укытучыларының район семинары булып узды. Музыка укытучысы Базагутинова Динә Мәүлет кызы тарафыннан 5 нче сыйныфта “Музыкаль рәсем һәм рәсемле музыка” темасына район укытучылары өчен бик матур, эшлекле дәрес һәм “Җырлыйк әле”дип исемләнгән музыкаль тәнәфес үткәрелде.Укытучы дәресенә анализ ясалды һәм югары бәя бирелде

Оборона-масса айлыгы кысаларында 17 нче февраль көнне 1941 елның көзе дип исемләнгән кино карадык

15 нче февраль көнне мәктәбебездә Хөсәенова Фирания Хәниф кызы 2 класста рәсем фәненнән “ Төс. Кышкы табигать һәм агач образы”- темасына район укытучылары өчен ачык дәрес күрсәтте. Дәрес бик матур, эшлекле, ФГОС таләпләренә туры килерлек итеп оештырылган иде. Укытучы дәрескә үзанализ ясады.Килгән кунаклар тарафыннан дәрескә югары бәя бирелде

Мәгариф һәм фән өлкәсендә күзәтчелек итү буенча федераль хезмәте 9 сыйныф укучыларына дәүләт йомгаклау аттестациясе имтиханнарын тапшыру өчен гаризаларны 1 мартка (1 мартны кертеп) кадәр тапшырырга кирәклеген искә төшерә. Бу хакта ведомствоның рәсми сайтында хәбәр ителә.
Дәүләт йомгаклау аттестациясе имтиханнарында катнашу өчен 9 сыйныф укучылары үз мәктәбендә гариза язарга тиеш. Гаризада укучы сайлаган предметлар һәм йомгаклау аттестациясенең формасы күрсәтелә: төп дәүләт имтиханы (ОГЭ) һәм дәүләт чыгарылыш имтиханы (ГВЭ).
Тугызынчы сыйныф укучылары тулы урта гомуми белем турында аттестатны алу өчен ике мәҗбүри фәннән имтихан тапшырырга тиеш – рус теле һәм математика. Калган ике имтиханны алар үзләре сайлап алырга хокуклы.

Иртәнге линейкада дежур торган 9 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 4 нче сыйныф танылды.”Иң чиста класс”-8 нче сыйныф, “Шәфкатьле класс”-5 нче сыйныф,“Иң тәртипле укучылар ” - 10 нчы сыйныф билгеләнде.

Һәр сыйныфта “Дөрес туклану” турында тәрбия сәгатьләре булып узды. Укучылар өчен анкеталар уздырылды. Ашханәдәге атналык меню белән таныштылар.

14 нче февраль көнне полиция майоры Мифтахов Рәйхан Гайфетдин улы укучыларга полиция хезмәткәрләренә хас сыйфатларны, аларның башкарган эшләре турында сөйләде.Полиция хезмәткәре булып эшләү өчен физик яктан нык, сау-сәламәт, белемле булу кирәглеге турында аңлаттып китте.

14 нче февраль көнне тәҗрибә уртаклашу максатыннан 6 нчы сыйныфларда Акбиров Рим Фәргат улы ачык тәрбия сәгате уздырды.. Тәрбия сәгате “Патриотизм хисләре” темасы астында үтте.Әлеге чарага армия сафларында хезмәт итеп кайткан укучыбыз Галимҗанов Фәнзил дә чакырылган иде. Ул укучыларга солдат тормышы турында сөйләде. Тәрбия сәгате укучыларга файдалы булды

Оборона-масса айлыгы кысаларында мәктәбебездә күп төрле спорт чаралары үткәрелә. Класслар арасында шахмат, шашка, өстәл теннисы, бадминтон ярышлары башланды.14 нче февраль көнне укучылар противогаз кию буенча ярыштылар . Әлегә иң җитез класс- 6 нчы сыйныф укучылары булды