30 нчы гыйнварда башлангыч сыйныф укучылары өчен "Математик КВН" уздырылды. Һәр сыйныф укучысы өчен аерым биремнәр каралган иде. Укучылар бик теләп катнаштылар. Кичә матур һәм файдалы үтте.

Мәктәбебездә “Без бергә” республикакүләм фестиваленә әзерлек бара, укучыларыбыз буш вакытларында матур җырлар, биюләр өйрәнәләр

26 нчы гыйнвар көнне 5 нче сыйныфта “Кешене туендыручы-һөнәр” дигән тәрбия сәгате булды. Вафин Ильшат укучыларга төзүче һөнәренең асылын төшендерде. Укучылар үзләре теләгән сорауларга җавап таптылар. 

Республикакүләм “Татарстан талантлары” фестиваленең муниципаль этабында җиңүчеләр билгеле булды. Безнең мәктәп укучылары бу конкурста теләп катнаштылар һәм җиңү яуладылар. “Этностиль “номинациясендә- 1 урын, “ Милли җырлар” номинациясендә-Шакирова Галия -2 урын, “Туган ягым” номинациясендә -Гарифуллин Әнис-3 урында калып, грамота белән бүләкләнделәр.

“Буыннар чылбыры “ конкурсында җиңүче 6 нчы сыйныф укучысы Валиев Асафны зур уңышы белән котлыйбыз.

29 нчы гыйнвар көнне Казан шәһәрендә уздырылган каратэ ярышларында 2 нче сыйныф укучысы Базагутинов Әмир 2 нче урында калып грамота һәм истәлекле бүләк белән бүләкләнде. Әмиргә зур уңышлар телибез.

28 нче гыйнвар көнне Яңгул урта мәктәбендә кул көрәше буенча уздырылган ярышларда безнең укучыларыбызга тиңнәр булмады. Укучыларыбыз алдынгы урыннарны алып медаль, грамоталар белән кайттылар. Мингазова Маһисәрвәр, Хазиева Динә-1 урында, Галимова Әльфинә, Гимадиева Филюзә, Миннемуллин Фәнис-3 урынны яуладылар. Җиңүегез белән котлыйбыз!

Иртәнге линейкада дежур торган 6 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 4 нче сыйныф танылды.”Иң чиста класс”-10 нче сыйныф, “Иң тәртипле укучылар ” - 8 нче сыйныф билгеләнде, “Шәфкатьле класс”-7 нче сыйныф, “Спорт сөюче класс”-9нчы сыйныф билгеләнде

29 нчы гыйнвар көнне “ИП Хөсәенов” призына ветераннар, студентлар, мәктәп укучылары арасында хоккей ярышлары булып узды. Безнең егетләребез 2 урында калып грамота, медальләр белән бүләкләнделәр. Егетләребезне уңышлары белән котлыйбыз. Афәрин !

27 нче гыйнвар көнне, 2нче һәм 4нче сыйныф укучылары көче белән әзерләнгән, "Туган телем - иркә гөлем" исеме астында концерт булды. Укучылар туган телгә багышланган җырлар җырладылар, шигырьләр сөйләделәр. Шулай ук берсеннән-берсе матур, күңелле, зәвыклы биюләр башкардылар. Концерт тамашачыларга бик ошады. Балаларны югары дәрәҗәдә сәхнәгә чыгара алган сыйныф җитәкчеләренә, музыка укытучысына зур рәхмәтебезне җиткерәбез.