Валентин Григорьевич Распутин тууына 80 яшь

7 март көнне мәдәният йортында 7 нче сыйныф укучылары көче белән 8 нче март хатын-кызлар көненә багышланган бәйрәм концерты булды. Укучыларның һәр чыгышы тамашачылар тарафыннан көчле алкышларга күмелде. Матур бәйрәм концерты күрсәткән 7 нче сыйныфларга һәм сыйныф җитәкчесе Мөхетдинова Гөлнара Сафуан кызына зур рәхмәтебезне белдерәбез.

Экология айлыгы кысаларында мәктәбебездә төрле чаралар уздырыла.”Сыерчык оясы” акциясендә укучыларыбыз бик теләп катнашалар. Укучыларыбыз куллары белән ясаган сыерчык оялары туган якларга кайтучы кошларны бик тиздән сөендерерләр.

11нче март көнне авылдашыбыз Фидаил Шакиров призына көрәш ярышлары үткәрелде. Безнең мәктәбебездән бер төркем егетләребез әлеге бәйгедә катнашып призлы урыннар яуладылар. 2 нче сыйныф укучысы Тукранов Эльмир, 4 нче сыйныфтан Галимов Әльфис- 2 урын, 7 нче сыйныф укучылары Тимербаев Айрат-2 урын, Аухадиев Ранил, Хайруллин Инсаф-3 урында калып грамота , медальләр белән бүләкләнделәр.Егетләребезне җиңүләре белән котлап, уңышлар теләп калабыз.

Язның килүен табигатьтә сыерчыклар, кояш нурлары хәбәр итсә, безгә яз килгәнен көрәшчеләр хәбәр итә. Һәр ел саен март аенда авылдашыбыз спорт остасы Ф. Шакиров истәлегенә оештырыла торган көрәш ярышлары быел да 11-март көнне яшь көрәшчеләрне үзенә җыйды. Балтач, Саба, Кукмара, Теләче районнарыннан килгән спортчылар көч сынашып истәлек бүләкләре грамота, медальләргә лаек булдылар.

Туган ягыбызга яз килгән көннәрдә эшләр тагын да тыгызлана. Эш белән беррәттән күңелле итеп ял итәргә дә вакыт табабыз без. 11-март көнне мәктәбебездә “Карга боткасы” спорт бәйгесе үткәрелде. Яз турында җырлар, матур биюләр, төрле кызыклы спорт ярышлары белән көннең салкынлыгын да сизмәдек. Һәр укучы сыерчык оялары алып килде. Бәйрәм тәмле пылау һәм кайнар чәй эчү белән тәмамланды. Язны без менә шулай күңелле һәм файдалы итеп каршылыйбыз.

10 март көнне мәктәбебезгә төрле төбәкләрдә яшәүче татар эшмәкәрләре килде. Кунаклар мәктәбебез тарихы,укучыларның кул эшләре, мәктәпнең уңышлары белән таныштылар. Авылыбыздагы ит эшкәртү һәм агач эшкәртү цехларында булып , эш тәҗрибәсе белән таныштыллар. Кунаклар авылыбыз һәм мәктәбебез турында яхшы тәэсир белән киттеләр.

Мәктәбебез укучыларын йөртер өчен яңа автобус кайтты

Мәктәбебездә тәҗрибә уртаклашу максатында ачык дәресләр дәвам итә. Бу атнада математика укытучысы Н.С. Мифтахова төрле уен алымнары, презентацияләр кулланып 5- класс ларда матур дәрес күрсәтте. Хезмәттәшебезгә алдагы эшләрендә дә уңышлар, ә укучыларыбызга киләчәктә дә шундый актив булуларын теләп калабыз.

5 класс укучысы Галиуллина Айгөл Кукмара милли китапханәсендә уздырылган Ибраһим Газиның тууына 110 ел тулу уңаеннан аның иҗади мирасын өйрәнергә багышланган төбәкара фәнни-тикшеренү укуларында 1 урынны яулаган өчен диплом белән бүләкләнде. Айгөлне һәм татар теле һәм әдәбияты укытучысы Хайруллина Венера Надил кызын зур уңышлары белән котлыйбыз.