13 гыйнварда Арча шәһәре үзәгендә «Чыршыны ябу» тантанасы, шулай ук Яңа ел бизәлеше йомгаклары буенча бүләкләү тантанасы узды.Без зур шатлык һәм горурлык белән сезгә яхшы хәбәр җиткерәбез:Безнең балалар бакчасы территорияне Яңа елга бизәү буенча районкүләм конкурста 2 нче дәрәҗәдәге дипломга лаек булды.Хөрмәтле әти-әниләр, коллегалар. Барыгызга да әлеге хезмәткә өлеш кертүегез, тырышлыгыгыз өчен зур рәхмәтебезне белдерәбез!!! Бердәмлектә -көч!

Үзенең шатлыклары-сөенечләре, һәртөрле мәшәкатьләре белән аралашып, узган ел тарихта калды. Календарьда яңа, 2026 нчы ел.Яңа ел һәркайсыбызга зур уңышлар, зур шатлыклар китерсен, олы максатлар, изге талпынулар белән тулы һәр көнебез тыныч, имин булсын!

"Кышын кыргый җәнлекләр"
Балаларның кыргый хайваннар турындагы белемнәрен арттыру, аларның нәрсә белән тукланулары, яшәү шартларына ничек җайлашулары турында сөйләү. Кыргый хайваннарга карата мәрхәмәтле караш тербияләү.

Кадерле дусларым! Яна ел белэн котлаулар кабул итеп алыгыз! Яңа ел бәйрәме матур булып үтсен! Алдагы өр-яңа ел бары бәхет-куанычлар гына алып килсен. Туасы таңнар тыныч булсын. Гомер юлларыбыз шатлык белән тулып торсын һәрчак. Кызыклы очрашулар, бәхетле мизгелләр күп булсын! Эшләребездә уңышлар юлдаш булсын, күңелләребездәге мәрхәмәтлелек бар җиһанны яктыртсын. Йортларыбызга авырулар, хәвеф-хәтәрләр, бәла-казалар килмәсен. Гаиләләребездә бәхет уты һәрвакыт сүнмичә янып торсын! Яңа ел белән сезне, киләсе еллар бәхет китерүче еллардан булсын!
 

Төхбәтуллина Сәйдә юл хәрәкәте иминлеге буенча шигырь укучылар фестиваль- конкурсында катнашып, катнашучы дипломына лаек булды.Молодец!!!

Яңа ел һәр йортта, һәр гаиләдә көтеп алынган бәйрәм. Яңа ел һәрвакыт могҗиза, маҗаралар һәм гаҗәеп үзгәрешләр бүләк итә.
Балалар бакчасында бәйрәмгә әзерлекне алдан ук башладык: инсценировка төзедек, костюмнар әзерләдек, бергәләп залны бизәдек.Бәйрәмгә кунаклар бик күп килде. Кыш бабай, Кар кызы килү белән җыр һәм бию, уен - көлке, чын бәйрәм башланды/Барлык балалар рәхәтләнеп үзләренең талантларын күрсәттеләр: биеделәр, әйлән - бәйлән әйләнделәр, шигырьләр сөйләделәр, җырлар җырладылар. Кыш бабай кулыннан балаларга бирелгән бүләкләр шатлык хисләре уятты.Балалар күчтәнәчләрне рәхмәт әйтеп алдылар.
Бәйрәмдә әкият геройлары булып киенеп катнашкан бакча хезмәткәрләренә дә бик зур рәхмәт. Бәйрәм бик күңелле, шатлыклы узды, бик матур тәэсирләр калдырды. Яңа 2026 нче ел илебезгә тынычлык, шатлык, куанычлар гына алып килсен иде.

Бакчабызда чыгып килүче "Чишмә башы" газетасының декабрь ае саны дөнья күрде.

Бакча хезмәткәрләре һәм әти-әниләребез ярдәме белән эшләнгән фотозона.

Конкурс "Синичкин день" Молодцы!

Ватанны саклаучылар елына йомгак ясау унаеннан, өлкән һәм мәктәпкә әзерлек төркеме балалары белән урамда хәрәкәтле спорт уеннары оештырылды.
Уеннарның максаты: балаларда патриотик хис, җавапчыллык, үзара ярдәмләшү хисе тәрбияләү, шулай ук коллективта эшли белү, чыдамлык, кыюлык, җитезлек осталыкларын үстерү һәм, әлбәттә, төрле физик күнегүләр аша  балаларның сәламәтлекләрен ныгыту. Балалар ике командага бүленде, һәр  катнашучы җиңү теләге белән янып бик актив катнашты. Балалар үзләрен чын патриот, бердәм, дус команда икәннәрен күрсәттеләр.