Бүген кечкенәләр төркеменә йөрүче батыр егетебез Ризванов Рамазанның туган көне. Рамазанны котлап "Ак калач" җырладык, матур теләкләр теләдек.Сәламәтлек, озын гомер, тәүфыйклы, михербанлы, шәфкатьле бәхетле булып үсүен телибез. Бәхетле балачак насыйп булсын 

Һәр иртәбез иртәнге гимнастикадан башлана!

Бу исем безнең өчен гомер буе яңгырый - балачактан картлыкка кадәр. Александр Сергеевич Пушкин-иң бөек шагыйрьләрнең берсе. Аның әкиятләре белән балалар бакчасыннан танышалар, әсәрләрен өлкәннәр кызыксынып укыйлар. Бөек шагыйрьнең әкияте тылсым белән тулы, игелекле һәм гыйбрәтле, аларда күп буыннар үскән һәм үсәчәк. Ел саен, 6 июньдә, Пушкин көнендә, бөтен ил искиткеч бәйрәм-Александр Сергеевич Пушкинның туган көнен билгеләп үтә! Бүген безнең «Балачак » балалар бакчасында көне буе шушы вакыйгага багышланды, аның максаты - балаларны рус шагыйре иҗаты белән таныштыруны дәвам итү, әхлакый-патриотик хисләр тәрбияләү, балаларда әдәбиятка уңай мөнәсәбәт формалаштыру. Балалар тәрбияче белән бергә китапларның иллюстрацияләрен карадылар, Александр Сергеевичның шигырьләрен укыдылар, аның тылсымлы әкиятләрен искә төшерделәр. Соңыннан балалар «Балыкчы һәм балык турында әкият »дигән искиткеч мультфильм карадылар.

Ребята младшей группы с большим удовольствием погрузились в мир творчества и созидания.
Конструктор - вечная классика детских игрушек! Несмотря на все технологические новшества, это занятие остается одним из самых любимых у малышей. Наши юные строители открыли для себя магию простых кубиков - ведь из них можно не только создавать удивительные конструкции, но и весело их разбирать!
Разнообразие материалов порадовало наших малышей. Мы работали с разными видами конструкторов.
Мы уверены, что знакомство с миром конструирования станет для наших малышей началом увлекательного творческого пути! Продолжаем развивать юные таланты и открывать новые горизонты вместе!

Сабантуйга сөлге, бүләкләр җыю - борынгыдан килгән күркәм йоланы балалар бакчасы коллективы балаларга кече яшьтән үк күрсәтү максатыннан һәм бәйрәмне матур итеп үткәрү өчен,алдан ук әзерләнделәр .Матур шигырьләр , биюләр өйрәнделәр . Балалар белән бергә Сабантуйга бүләк җыю йоласын күрсәттеләр.
Менә көтеп алган көн килеп җитте. 1нче июнь көнне иртәдән бакчабызда бәйрәм рухы чагылды.Татар телендә милли моңлы көйләр тавышы ишетелеп торды. Балаларга Сабантуй бәйрәменең тарихы,татар халкының милли уеннары турында сөйләнде . Бәйрәмгә Былтыр,Шүрәле, Су анасы, Белмәмеш" кунакка килде һәм күңелле уеннар оештырылды. " Аркан тартыш" , " Чүлмәк ватыш" , " Чиләк белән су ташу" , "Капчыкта сикерү", " Кашыкка йомырка куеп йөгерү", " Капчык сугышы" , " Бүләкне күз бәйләнгән килеш кисеп алу" һ б. .
Сабантуй бәйрәме балаларга бик ошады. Йөзләрендә елмаю, күзләрендә шатлык иде.Бәйрәм тәмамлангач истәлеккә фотога төштек. Былтырның капчыгыннан әти- әниләр бердәмлеге белән алынган бүләкләр килеп чыкты. Шүрәле белән барлык балага бүләкләр таратылды. " Бүләк кисү" уенына бик күп бүләкләр алып килгән Мөхәммәтҗановлар гаиләсенә , лотерея уены оештырган Гафурова Миләүшәгә, " Сабын куыклары" белән оештырылган күңелле чарага Гайнетдиновлар һәм Ризвановлар гаиләсенә дә бик зур рәхмәт .
Сабыйларыбызны Сабантуй бәйрәме,татарның гореф гадәте белән таныштыруны балалар бакчасыннан башларга кирәк. Күңелләренә миллилек, туган телнең орлыкларын салу кечкенәдән башлана. Бу бәйрәмне киләчәктә дә бакчабызда уздырырга гадәткә кертербез,һичшиксез!

Кечкенәләр төркеме
Режим моментында "Салават күпере" журналын, матур рәсемнәрне карау, бирелгән биремнәрне эшләп, наклейкалар ябыштыру.

Сынлы сәнгать (рәсем)
Тема:Түбәтәй
Максат: Татар халык орнаментларын кулланып түбәтәй бизәргә өйрәтү. Симметрия тою хисе,эстетик зәвыкны үстерү.Матурлыкны күрә белергә өйрәтү.

Бүген бакчабызда чыгарылыш кичәсе булып узды. Бәйрәм барышында балалар бакча белән хушлашу,бакча хезмәткәрләренә багышлап шигырьләр сөйләделәр, биеделәр, җырладылар. Һәрберсенең чыгышы үзенчәлекле булды. Бәйрәмебезгә бик күп кунаклар килделәр. Убырлы,Белмәмеш,Әкият геройлары бәйрәмебезне тагын да ямьләнлереп җибәрделәр.

Еллар утэ торыр бер-бер артлы
Ерагая барыр аралар.
Кая китеп,кемнэр булсагызда,
Бэхетле булыгыз балалар.

Бүген зурлар төркеме белән китапханәгә экскурсиягә бардык.Китапханәче Гөлчәчәк апалары Г. Тукайның " Туган авыл " шигырен сәнгатьле итеп укыды,көйгә салып башкарып күрсәтте.Г.Тукай иҗатына багышланган кул эшләре күргәзмәсе белән таныштырды. Балалар бик кызыксынып тыңладылар һәм карадылар , китап белән кечкенәдән дус булырга кирәк икән дигән нәтиҗә ясадык.

Бүген балалар бакчасында ата-аналар җыелышы булып узды.
Тәрбияче Гафурова Рафия уку елын йомгаклау җыелышында зурлар һәм мәктәпкә әзерлек төркеме балаларының уку елы башында куелган бурыч,максатларның үтәлеше турында сөйләде. Тәрбияләнүчеләрнең программаны үзләштерүләрен гади һәм махсус оештырылган эшчәнлектә активлыкларын күзәтү барышында l нче яртыеллык һәм ll яртыеллыкта педагогик диагностика үтәлешенең нәтиҗәләре белән таныштырды. Йомгаклау өлешендә әти- әниләргә ел буе балалар бакчасы белән бердәм,дус булып , барлык эшләрдә актив катнашканнары өчен чиксез рәхмәтен җиткерде.
Тәрбияче Хөсәенова Римма Нәзгать кызы мәктәпкәчә белем бирүнең Федераль белем бирү программасы буенча уку елы ахырына 3-4, 4-5 яшьлек балаларның белем бирү өлкәләре буенча нинди белем һәм күнекмәләргә ия булырга тиеш икәне турында сөйләде. Программаның максаты -баланың яшь үзенчәлекләрен исәпкә алып, җәмгыятьнең рухи-әхлакый кыйммәтләре нигезендә, аны төрле яклап үстерү.
Көн тәртибенең өченче өлешендә сүз тәрбиячебез Галиуллина Алинә Фидаэль кызына бирелде. Ул 2025-2026 нчы елның уку елына балалар бакчасының җәйге сәламәтләндерү чорына эш планы белән таныштырды.Чыгышының икенче өлешендә балалар травматизмының типик очраклары, аны кисәтү чаралары турында сөйләде.