"Коррупциягә каршы көрәш" атналыгы кысаларында, балалар белән "ЮХИДИ хезмәткәре" сюжетлы-рольле уенын уйнадык. Максат: "ЮХИДИ хезмәткәре" һөнәре турында белем бирүне дәвам итү. Аларның гадел хезмәт гамәлләрен уенда күрсәтә белүләренә ирешү.

9 декабрь -Халыкара коррупциягә каршы көрәш көне. Шул уңайдан безнең балалар бакчасында " Стоп- коррупция" исеме астында тематик әңгәмә уздырылды. Тәрбияче балаларны әкият аша намуслы, гадел булу төшенчәләре белән якынрак таныштырды. Әкият геройларының уңай һәм тискәре якларын анализлап нәтиҗә ясалды.

Татар теле буенча район күләмендә үткәрелгән "Татарча өйрәнәм" олимпиадасында безнең балалар бакчасыннан Төхбәтуллина Сәйдә һәм Гайнетдинова Камилә катнаштылар. Нәтиҗәләр билгеле. Камилә - 1 нче урын, Сәйдә - 2 нче урынга лаек булдылар. Кадерле балалар, сезне чын күңелдән котлыйбыз!

"Кыш бабайга хат"

3 декабрь илебез территориясендә яки аннан читтә сугыш хәрәкәтләрендә һәлак булган Россия һәм совет сугышчыларының хәрби батырлыгын мәңгеләштерү көне булып тора. Шул уңайдан, безнең балалар бакчасында балалар белән "Без сине хәтерлибез, Билгесез солдат»дигән темага әнгәмә үткәрелде. Чарада балалар әлеге истәлекле датаның барлыкка килү тарихы белән таныштылар, ни өчен нәкъ менә 3 декабрьдә Хәрби батырлык истәлеген саклау өчен сайланганын белделәр, Тәрбияче «Билгесез солдат»һәйкәле турында сөйләде. Хәтер китабы белән таныштырды. Чара ахырында балалар билгесез солдатны искә алу көне хөрмәтенә кәгаь битләренә" Мәңгелек ут" рәсемен ясадылар. Без бу истәлекне буыннан-буынга тапшырырга һәм сакларга тиешбез. Сугыш кырларында һәлак булучылар истәлегенә Мәңгелек хәтер!

Бүген безнен балалар бакчасында зурлар һәм мәктәпкә әзерлек төркеме белән “Светофорда кунакта” исеме астында күнелле КВН уеннары булып узды. Чара барышында балалар “Юлда булсаң, бул өлгер, юл кагыйдәсен нык бел!” дигән девиз астында чыгыш ясадылар. Чараның максаты булып,  балаларның юл билгеләрен аера белүне, юлда хәвефсезлек кагыйдәләрен өйрәтүне дәвам итү, юлларда күзәтүчәнлекне, игътибарлылыкны, мөстәкыйль фикерләүне үстерү, урамда, җәмәгать транспортында үз-үзеңне тоту культурасы тәрбияләү иде.                                                                                          

Балалар өч командага бүленеп, табышмакларга җавап бирделәр, юл билгеләрен таныдылар, экран аша  презентация карап, үзара көч сынаштылар. Махсус машиналар   да йөрделәр. Чарада Арча районы ЮХИДИ бүлегенең профилактика буенча җитәкчесе Мухаметзянова Энҗе Газизовна да катнашты. Балалар бакчасында  ЮХИДИ  хезмәткәрләре катнашында ачык чаралар  еш уздырыла.

Тема: Кар бабай

Максат: 1. Әвәләүдә кар бабай образын бирергә өйрәтү.

2.Әвәләүдә төрле алымнар кулланып ,кар бабайның өлешләрен булдыру күнекмәләрен ныгыту.

3. Иң матур Кар бабайны сайлап алу һәм үз сайлавында аңлату.

Әнием - иң назлы, яратучан, игелекле, бөтен дөньяда бердәнбер Балалар бакчасында Әниләр көнен бәйрәм итү яхшы традициягә әверелде, аның төп максаты-мәктәпкәчә яшьтәге балаларда анага карата ярату һәм хөрмәт тәрбияләү, балаларның иҗади сәләтләрен үстерү һәм бәйрәмнең уңайлы, өй атмосферасын булдыру. Бу бәйрәмгә беркем дә битараф кала алмый. Нәкъ менә шуңа күрә безнен балалар бакчасында Әниләр көненә бөтен бала да ныклап әзерләнде. Балалар үз куллары белән әниләренә бүләкләр әзерләделәр/ Алар яраткан әниләрен күңелгә үтеп керерлек шигырьләре белән котладылар, назлы һәм матур җырлар җырладылар, күңелле биюләр башкардылар. Әниләр дә читтә калмады, төрле конкурсларда бик теләп катнаштылар. Балалар бакчасы мөдире Эльмира Рашат кызы залда утыручы әниләрне бәйрәм белән котлап, ихлас теләкләрен җиткерде.
Без дә әниләрне чын күнелебездән шушы матур бәйрәмнәре белән котлыйбыз/Сезнен тормышыгыз яхшылык һэм яктылык, мәхәббәт, якыннарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!

Бүген төркемебездәге батыр егетебез Төхфәтуллин Йосыфның Туган көне Йосыфны чын күңелдән котлыйбыз Сәламәт, озын гомерле, тәүфыйклы булып, әти-әни тигезлегендә үсәргә насыйп булсын. Бәхетле балачак телибез.

Туган тел
Тема: Җирдә миңа ни кирәк?
Максат: 1. Әти- әниләргә карата мәхәббәт тәрбияләү
2. Балаларның хәтер сәләтен, игътибарлылыгын, диалог сәләтен үстерү
3 Әңгәмәләр, уеннар, матур әдәбият әсәрләре аша аңлауны ныгыту.