Балалар арасында юл һәлакәтләрен булдырмау, юлда йөрү, беренче медицина ярдәме күрсәтү кагыйдәләре буенча белемнәрен арттыру максатыннан 29 апрель көнне район күләмендә "Куркынычсыз тәгәрмәч" бәйгесе үткәрелде. Ярышта мәктәпнең "Светофорчики" командасы уңышлы чыгыш ясады.

1 май - Яз һәм хезмәт бәйрәме. Яз һәм Хезмәт бәйрәме котлы булсын!

25 апрель көнне 9 нчы сыйныф укучылары татар теле фәненнән Бердәм дәүләт тесты тапшырдылар.

26 апрель көнне район мәдәният сараенда татар халкының бөек шагыйре Габдулла Тукайның 130 еллык юбилеена багышланган кичә уздырылды.Кичәдә укучылар, татар теле һәм әдәбияты укытучысы, китапханәче, мәктәп директоры катнашты.

Актаныш үзәк китапханәсе оештырган "Тукай турында хәтирәләр" викторинасында укучылар һәм укытучылар актив катнашты. 8 класс укучысы Шаймухаметова Р. һәм инглиз теле укытучысы Шаймухаметова Рушания сорауларга дөрес җавап биреп 3 урынга лаек булдылар һәм грамота, истәлекле бүләк белән бүләкләнделәр.

5-8 класс укучылары Г.Тукайның тормыш юлын, иҗатын чагылдырган сәхнәләштерелгән чара күрсәттеләр.Оештыручы Гаянова Ф.

Җир Хартиясе принципларын тормышка ашыруның 15 еллыгына багышланган проектта катнашып, 6,8 класс укучылары урманда агач утырттылар.

25 апрель көнне авыл мәдәният йортында Г.Тукай истәлегенә багышланган әдәби - музыкаль кичә үткәрелде. Кичәне 6 класс укучылары алып барды, 2-4 класс укучылары "Су анасы" әсәрен сәхнәләштерделәр, викторина сорауларына җавап бирделәр. Оештыручы Закирова М.

22 апрель көнне Актаныш балалар иҗат үзәгендә укучыларның техник иҗат фестивале узды. Безнең мәктәп укучылары да үзләренең иҗат эшләре белән уңышлы чыгыш ясадылар. Хәрби авианосец «Тайфун» макеты 1 урынны, «Акула» су асты көймәсе макеты 3 урынны, иң гади автомодель 1 урынны (җитәкчесе Нургалиев И.И.), «Хакки» стилендәге катамаран 1 урынны алды. (җитәкчесе Хузин И.И.) Котлыйбыз!

"Габдулла Тукай образының әдәбият, музыка һәм сәнгатьтә чагылышы" I районкүләм иншалар бәйгесендә 8 класс укучысы Шаймухаметова Рузинә үзенең иҗат эше белән катнашты.