Апрель ае ахырында булачак "Куркынычсыз көпчәк" конкурсына әзерлек эшләре бара. Укучылар газета чыгаралар, макет эшлиләр, ПДД, медицина буенча сораулар чишәләр.

Башлангыч класс укучылары арасында Г.Тукай исемендәге Арча педагогия көллиятендә уздырылган "Яңгыравык шигырь тамчылары" республика конкурсында катнашып Хайруллина З. (1 кл.), Салихзянов Р. (2 кл.), Хабетдинова И.(3 кл.), Кашапов С.(4 кл.) сертификатка ия булдылар. Җитәкчеләре Гардиева Ф., Мохтарова Ә.

Кино елы уңаеннан мәктәптә "Ералаш" конкурсына әзерлек бара. Барлык класс укучылары кызыклы сюжетлар төшерү белән шөгыльләнә.

7 апрель көнне мәктәптә "Ихлас" психологик үзәге педагог - психологы Гимадиева Ф.Ф. белән очрашу үткәрелде. Ул 5-9 класс укучылары белән психологик мониторинг, тренинглар үткәрде һәм аерым сөйләшүләр алып барды. Очрашу укучыларга бик ошады.

Кошлар көне уңаеннан укучылар арасында кош ояларына конкурс игълан ителде. Конкурста башлангыч класс укучылары актив катнашты.

5 апрель көнне Сәфәр урта мәктәбе базасында "Развитие художественного вкуса, трудовой и творческой активности детей на уроках технологии, сохранение национальных традиций в резьбе по дереву" дигән темага район технология укытучыларының семинары булды. Семинарда 8 класста "Агачтан бизәк ясау" темасына ачык дәрес (Нуруллин Р.Ф.) күрсәтелде. Технология укытучысы Нургалиев И.И. "Укучыларның белем алуга омтылышларын проектлау алымнары аша күтәрү" дигән темага чыгыш ясады.

Районда уздырылган биреп карау имтиханнары нәтиҗәләре буенча 9 класс укучыларының ата-аналар җыелышы үткәрелде. Ата-аналар математика, рус теле һәм сайлау фәннәреннән уздырылган имтихан эшләре белән таныштылар.

"Формирование положительной мотивации у обучающихся и педагогов - важнейшие условие повышения качества образования" дигән темага педагогик совет утырышы үткәрелде. Киңәшмәдә өченче чирек һәм биреп карау имтиханнары нәтиҗәләренә анализ ясалды, дүртенче чиреккә бурычлар билгеләнде.

Район хакимияте башлыгы призына ике көн барган татар-башкорт көрәшенең нәтиҗәләре билгеле булды. Безнең мәктәп командасы 5 урыннын алды.

30 март көнне Актанышта район хакимияте башлыгы призына татар-башкорт көрәше оештырылды. Безнең мәктәп укучылары Харисов Галинур, Хасанов Риназ икенче турга үттеләр. Аларга уңышлар телибез.