5 октябрь көнне хөрмәтле укытучыларыбыз хөрмәтенә  укучылар тарафыннан "Бер җылы сүз" дип исемләнгән бәйрәм концерты тәкъдим ителде.

23 сентябрь көнне мәктәбебездә Сәламәтлек көне үткәрелде. 1-11 класс укучылары табигатьтә ял итте, рухи һәм физик яктан сәламәтлекләрен ныгытты. Җәйге чор өчен оешкан җыелма отрядлар эшчәнлегенә нәтиҗәләр ясалды, концерт номерлары куелды.  Көннең салкынча торуына карамастан укучылар яхшы әзерлек белән катнаштылар. Сәламәтлек көне учакта пешерелгән тәмле ризыклар белән сыйланып дәвам итте.

21 сентябрь көнне мәктәбебездә "Тынычлык күгәрчене" акциясе үткәрелде. Бу акция Бөек Ватан сугышында катнашкан, тыл ветераны булганнар истәлегенә оештырылды. 

16 сентябрь көнне районыбызда Кросс нации ярышы булды. Мәктәбебездән 15 укучы катнашты. Миргалимов Шәфкать үз яшьтәшләре арасында 3 урынга ия булды.

15 сентябрь көнне районыбызда Чәчәкләр бәйрәме үткәрелде. Мәктәбебез коллективы "Минем кече ватаным" темасы астында стенд - композиция,  сату өчен төрле гөлләрдән күргәзмә белән катнашты. 6-7 класс укучылары-Хуҗина Азилә, Бәхтиева Гөлшат чәчәк алиһәләре булып киенделәр. 

8 сентябрь көнне мәктәбебездә гомуми ата-аналар җыелышы булды. Көн тәртибенең төп темасы  булып Грипп эпидемиологиясенә каршы вакцина ясату буенча булды. Ата-аналарга аңлаешлы, эчтәлекле итеп авылыбыз фельдшеры Фатыйхова Люция апа чыгыш ясады. 2нче көн тәртибе буенча ата-аналар комитеты һәм аның рәисе сайланды. Җыелыштан соң ата-аналар классларда булдылар, класс җитәкчеләре белән очраштылар. 

4 сентябрь көнне мәктәп бакчасында эш оештырылды. 5-11 класс укучылары бәрәңге, кишер, кызыл чөгендер алдылар. Яшелчәләр кышлык өчен подвалга урнаштырылды.

2 сентябрь көнне  мәктәбебездә "Экстремизмга-юк!"  дип исемләнгән  республикакүләм класс сәгатьләре үткәрелде.

2017 елның 1сентябре илебездә икеләтә бәйрәм белән тәңгәл килде. Мөселманнарда Корбан гаете булса, мәктәпләрдә яңа уку елы башланды. Белем көне уңаеннан бәйрәм тантанасы үткәрелде. Мәктәбебез 104 укучы белән уку елын башлап җибәрде. Беренче класска 13  укучы кабул ителде. Бәйрәм тантанасында районыбызның мәгариф идарәсе җитәкчесе Вахитов Илшат Рафит улы, җирлек хуҗалары, СОМ оешмасы вәкилләре, балалар бакчасы коллективы, ата-аналар, ветеран укытучылар, мәктәп коллективы, укучылар катнашты.  

5 июнь көнне "Урманай" лагере укучылары авылыбызда урнашкан "Нур"мәчетенә экскурсиягә бардылар. Авылның имам хатибы Флүс хәзрәт Хуҗин, авылыбыз остабикәсе Әфүзә апа Кирамова балаларны бик җылы каршы алдылар.  Рамазан ае хакында, әдәп-әхлак, тәртип кагыйдәләре турында тирән эчтәлекле вәгазь тыңланды. Лагерь балаларының күңелләре булып, абый-апаларына рәхмәт әйтеп өйләренә таралдылар.