Мәктәбебездә 5-7 класслар арасында Кыш бабай призына чаңгы ярышы үткәрелде. Егетләр арасында 1 урынны 7 класс укучысы Магдануров Булат, 6 класс укучысы Ганиев Динар, 3 урынны 5 класс укучысы Ахсанов Нурислам, кызлар арасында 1 урынны 6 класс укучысы Мирзаһитова Юлия, 2 урынны - Умырзакова Ләйсән, 3 урынны шул ук класстан Гайнетдинова Адилә яулады. Молодцы!

23 декабрь көнне 5-11 классларның Яңа ел бәйрәме үткәрелде. Барлык укучылар да зур тырышлык белән бәйрәмгә әзерләнгән иделәр. 6 класс укучылары "Яңа ел биштәре" әсәрен сәхнәгә куйдылар. 2017 елның символы - Әтәч буларак һәр класстан Әтәч булып киенгән укучылар катнаштылар. Алар үзләрен якладылар, теләкләр теләделәр. Мәктәп дирекциясе  уку алдынгыларна, олимпиадада җиңүчеләргә, кар сыннары өчен бүләкләр тапшырды.  

Башлангыч классларның Яңа  ел бәйрәме зур әзерлек төсендә үтте. Театральләштерелгән чара белән башланып киткән бәйрәм күңелле уеннар, җыр-бию белән дәвам итте. Кыш бабайның  бүләкләре мулдан иде- барлык балалаларга да бүләк өләште. Ахырдан лотерея уены тәкъдим ителде.

Мәктәптә Яңа ел бәйрәменә әзерлек бара. Мәктәп яны, мәдәният йорты янына укучыларыбыз кар сыннары эшлиләр. Хоккей стадионын чиста итеп тәртиптә тоталар. 2017 елның Символы -Әтәч буларак, үз куллары белән костюм әзерлиләр.

Ноябрь аенда район мәгариф бүлеге хезмәткәрләре тарафыннан мәктәбебез коллективына методик ярдәм йөзеннән фронталь тикшерү үткәрелде.Бу атнада шуңың йомгагы булып,  педагогик совет булды. Педагогик советта район мәгариф бүлеге җитәкчесе Вахитов И.. , мәгариф бүлегенең методистлары катнашты. Алар коллективка үзләренең фикерләрен җиткерде, дәресләр анализланды, киңәшләр әйтелде. 

Мәктәбебез укучылары 11 декабрь көнне районда үткәрелгән кышкы сезонны ачу ярышында катнаштылар. Кечкенәләр группасы 4 урын, зурлар группасы 7 урынга ия булдылар.

Район буенча үткәрелгән "Бию-мәйдан" дип исемләнгән бию бәйгесендә мәктәбебезнең сәнгать мәктәбе укучылары "Кубанский танец" белән районда 2 урынны, Мари халык бию белән дә 2 урынга ия булдылар.Район хакимиятенең  Дипломы һәм акчалата премия белән бүләкләнделәр.

Мәктәбебездә кызу эш өсте. Район буенча җибәрелгән контроль эшләр, олимпиадалар, ОГЭ, ЕГЭ га әзерлек консультацияләре һәм дә якынлашып килүче Яңа елга әзерлек башланды. 6 класс укучылары мәктәп газетасына материаллар туплый, 7 класс укучылар Яңа ел сценарийсы яза, кечкенәләр кием-маска әзерлиләр, шигырь-җыр кабатлыйлар, узидарә советы укучылары бәйрәм лотерея билетлары тәкъдим итәләр.

Хоккей мәйданчыгында да күп эшләр эшләнде. Һәр класс график нигезендә мәйданчыкны чистартып торды. Боз катырылды. Хәзер инде укучыларыбыз буш вакытларында рәхәтләнеп тимераякта шуарлар дип уйлыйбыз.

Район күләмендә оештырылган "Бию-мәйдан" бию конкурсының зона туры 2 декабрь көнне безнең җирлектә үтте. Балалар бакчасы, мәктәп укучылары, укытучылар коллективы һәм авыл яшьләре яхшы әзерлек белән сәхнәдә чыгыш ясадылар.

 Мәктәбебездә "Без- начар гадәтләргә каршы" темасы астында класс сәгатьләре үтте. Бу акциядә барлык класслар да актив катнашты.