25 декабрь көнне авылыбыз мәдәният йортында опекага алынган балалар катнашында "Әнием бар шул минем" дип исемләнгән бәйрәм программасы үткәрелде. Бәйрәмне авылдашыбыз, күп бала алып тәрбияләгән Сабитовлар гаиләсе оештырды. 

23 ноябрь көнне "Тамчы" балалар бакчасында Әниләр бәйрәме уңаеннан Гаилә бәйрәме үткәрелде. 

10-15 ноябрь көннәре арасында мәктәптә класслар арасында ата-аналар җыелышы үтте. Класс җитәкчеләре ата-аналарны 1 чирек нәтиҗәләре буенча таныштырдылар.  Барлык гаиләләрнең дә ЕСИА га тоташулары буенча сөйләшү алып барылды. Презентация каралды. 9,11 класс укучыларының ОГЭ, ЕГЭ га әзерлекләре буенча фән укытучыларының да чыгышлары тыңланды.

Мәктәбебездә  каникул вакытында график нигезендә 9 һәм 11 класс укучылары өчен ОГЭ, ЕГЭ әзерлек  консультацияләре оештырылды.

2 ноябрь көнне мәктәбебездә районыбызның ЮХИДИ хезмәткәре Сәетова Р.А. һәм бәлигъ булмаганнар белән эшләү инспекторы Динара ханым белән очрашу үткәрелде. Укучылар кроссвордлар, табышмаклар чиштеләр. Кино, клиплар карадылар. Сорауларга җавап таптылар.

31 октябрь көнне Актаныш техникумында ачык ишекләр көне үткәрелде. Мәктәбебезнең 9 класс укучылары класс җитәкчесе Магданурова Гөлнара Хәбир кызы белән шунда катнаштылар. Үзләренең теләгән сорауларына җавап таптылар.

20 октябрь көнне мәктәбебездә 5-11 класслар арасында Көзге бал бәйрәме уздырылды. Кызлар-егетләр нәкъ балдагыча чыгыш ясадылар, вальс бииделәр һәм бал ахырында егет кызга көзге яфраклардан әзерләнгән букет бүләк итте. Быелгы Көзге бал бәйрәме үзенчәлекле һәм истә калырлык булып үтте.

7 октябрь көнне авылыбыз мәдәният йортында Башкортстанның Дүртөйле районы мәдәният йорты үзешчәннәре тарафыннан авылыбыз өлкәннәре өчен бәйрәм концерты булды.

6 октябрь көнне укытучыларыбыз Башкортстанның башкаласы Уфа шәһәренә сәяхәт кылдылар, тарихи урыннарда булып, ботаник бакча белән танышып үзләренә рухи байлык туплап кайттылар. 

6 октябрь мәктәп укучылары бакчада өмә уздырдылар. Бакча кышка әзерләп куелды.