Спидка каршы көн уңаеннан Россия 24 каналыннан ачык чара күрсәтелде. Чарада барлык укучылар да катнашты.

1 декабрь - Спидка каршы көрәш көне уңаеннан мәктәптә  " Мөстәкыйль балалар" группасы укучылар арасында анкета алу,  җырлы-биюле уеннар,  рәсем конкурсы оештырды.

1 декабрь-Мөмкинлекләре чикләнгәннәр көне уңаеннан мәктәбебездә Ярминкә уздырылды. Һәр класс тәмле ризыклар пешереп алып килеп, иптәшләренә, укытучыларга тәкъдим итте. Аннан җыелган акчага мөмкинлекләре чикләнгән 13 кешегә күчтәнәч пакеты тутырылачак.

Мәктәбебездә бу көннәрдә Пучы Картлар йортында тәрбияләнүче абый-апалар өчен укучыларыбыз күңел җылыларын биреп ярдәм йөзеннән оекбаш, башмак, перчатка, бияләй, шапка-шарф кебек кирәкле әйберләр әзерләделәр. 

26 ноябрьдә мәктәптә зур бәйрәм оештырылды. Якташыбыз, авылдашыбыз,хөрмәтле кешеләребез- Татарстан Язучылар берлеге рәисе Данил Салихов, һәм 55 яшьлек юбилеен каршылаучы шагыйрь Ләбиб Лерон белән очрашу кичәсе булды. "Синең бер тамчы караңа тулы кояш сыйган бит" дип исемләнгән юбилей кичәсендә шагыйрьнең туганнары, классташлары, укыткан укытучылары, районның татар теле һәм әдәбияты укытучылары, котларга район хакимиятенең социаль мәсьәләләр буенча җаваплы вәкиле Дилбәр Миркасыймовна, җирлек башлыгы Гафуров А.Ә., мәктәп коллективы, укучылар катнашты.Башлангыч класс укучылары шагыйрьнең шигырьләрен, җырларын тәкъдим иттеләр, 6класс укучылары "Яңа ел биштәре" дип исемләнгән пьесасын сәхнә куйды. Бәйрәм ахырында һәм ике язучы-шагыйрь дә укчыларның сорауларына җавап бирделәр, китапларын тәкъдим иттеләр. Укучыларга тере язучы-шагыйрьне күреп сөйләшү, бергә фотога төшү онытылмаслык зур хатирә, бәхет булгандыр.

Әниләр көне уңаеннан 25 ноябрь көнне башлангыч классларның "Әти, әни һәм мин - спорт гаиләсе" бәйгесе үткәрелде. Класстан һәм гайләнең әнисе кунак итеп чакырылган иде. 1 класстан - Измайловлар гаиләсе, 2 класстан-Хамидуллиннар , 3 класстан-  Хафизовлар, 4 класстан- Шакировлар гаиләләре көч сынаштылар. Үзләре белән таныштыру белән башланып киткән бәйге, олимпиа сорауларына җавап бирү, эстафетада катнашу белән дәвам итте. Бәйгене 9 класс укучылары алып бардылар, матур җырларын Әниләребезгә тәкъдим иттеләр. Йомгаклап, мәктәпнең тәрбия эшләре буенча директор урынбасары Н.М.Җиһангирова катнашкан гаиләләрне котлады, грамоталар тапшырды. Бәйрәмгә килгән Әниләрне бәйрәм уңаеннан тәбрикләде.  

Республика күләмендә ноябрь аеның соңгы якшәмбесе Әниләр көне дип билгеләнеп үтелә. Шул уңайдан мәктәптә бу атна тулысы белән Әниләребезне олылау, хөрмәтләү атнасы дип игълан ителде. Һәр класс Әниләребезне классларга чакырып бәйрәм бүләге ясый-чәй табыны әзерли, концерт программасы тәкъдим итә.

Башлангыч классларның барлык укучылары да "Әни-бу бәхет!", "Бозда шуу кагыйдәләре" темасына рәсем эшләделәр. 21 ноябрь көнне иң-иңнәренең эшләре район күләмендә конкурска тәкъдим ителәчәк.

18 ноябрь көнне районда көрәш ярышы  булды. Физкультура укытучысы Булат Робертович җитәкчелегендә мәктәптән 9 укучы катнашты һәм уңышлы гына чыгыш ясады.

14-19 ноябрь көннәре мәктәптә математика атналыгы дип игълан ителде. Атналыкны ачканнан соң 5-11 класслар арасында викторина үткәрелде, 4-9 класс укучылары математика фәне буенча Бөтенроссия олимпиадасында катнашты (2 тур), 9-11 класс укучылары күренекле математиклар тормышыннан кызыклы вакыйгалар белән таныштылар, "Иң көчле математик" конкурсы, 5-8 класслар өчен КВН оештырылды. Укучылар бу атналыкта эзләнделәр, фикерләделәр, чиштеләр, белемнәрен тагын да тирәнәйттеләр,  алар укытучылары Имамова РузиләХаҗип кызы  һәм Вәлиев Рәхимҗан абыйларына бик рәхмәтле.