Гимназиябезнең 5 һәм 7 сыйныф укучылары экология һәм биологиядән проект эшләрен яклады.

6-8 сыйныф кызлары технологиядән проект эшләрен якладылар.

Сәламәтлек - ул кешедә булган иң зур байлык. Аны акчага да сатып алып булмый, туган көнгә дә бүләк итеп булмый. Озак hәм бәхетле яшисең килсә, булган сәламәтлекне ныгыту, саклау турында кайгыртырга, үз өстеңдә бик күп эшләргә кирәк.
Интернатыбыз егетләре сәламәтлекләренә, сәламәт яшәү рәвешенә бик җаваплы карый. Спорт уеннарын яраталар, актив ял итәләр. Тәрбиячеләре - Хаҗиева Миләүшә Рәдис кызы.

Гимназиябездә укучыларның шәхси проектларын яклавы дәвам итә. Проект эшләрен яклау берничә юнәлештә бара. Әлеге фотода 5-8 сыйныф укучылары биологиядән проект эшләрен тәкъдим итә.

Яр Чаллы «Кванториум» күчмә технопаркы гимназиябезгә ике атналык укыту курсларына килде. “ГЕОКВАНТУМ”, “ПРОМРОБО КВАНТУМ”, “ХАЙТЕК”, “VR/AR-КВАНТУМ” юнәлешләрендә 184 укучыбыз белем алачак. "Кванториум"да 1-2, 5-8 сыйныф укучылары укый. Әлеге фотоларда 8А сыйныфы укучылары үз белемнәрен күтәрә.

Республикада һәм гимназиябездә Укытучы һәм остаз елына тантаналы төстә 14 февральдә старт бирелде. Гимназиябез укытучылары - мәгариф ветераннары, Татарстан Республикасының Халык укытучылары, башлангыч сыйныфлар укытучысы Диләрә Дуглас кызы Хөббетдинова һәм татар теле, әдәбияте укытучысы булып эшләгән Ләйсән Галиакбәр кызы Әминова, татар теле һәм әдәбияте укытучысы Чулпан Рәмзил кызы Шәрипова
бүген Казанда ТР Рәисе Рөстәм Нургали улы Миңнеханов катнашында узучы Укытучылар һәм остазлар елын ачу тантанасында катнаштылар!
Гимназиябез китапханәсендә дә Укытучы һәм остаз елына багышланган чаралар даими үтә, “Педагог – исем түгел, педагог - сәләт” иллюстрацияле китап күргәзмәсе оештырылган. Күргәзмәдә укытучы һәм укучылар тормышы, гимназия дөньясын яктырткан китаплар, газета-журналлар белән танышып була. Әлеге ел Россия фәнни педагогикасына нигез салучы К.Д.Ушинскийның 200 еллыгына нигезләнгән. Шул уңайдан, танылган остазлар В.А. Сухомлинский, К.Д.Ушинский, А.С.Макаренко, Ш.А.Амонашвили, Л.В.Занков, Каюм Насыйри, Ризаэддин Фәхреддин турында кыскача мәгълүматлар тупланган күргәзмәлекләр дә булдырылды.
Әдәби экспозиция белән бүген 9А сыйныфы укучылары класс җитәкчесе, тәҗрибәле укытучы-остаз Рәмилә Әдип кызы Хаҗиева белән бергәләп таныштылар. Рәмилә Әдип кызы укытучы һөнәренең үзенчәлекләре белән таныштырды. Укучылар өчен үз эшенең остасы, акыллы киңәшче, эчкерсез ярдәмче һәм остаз да ул.

Гимназиябездә укучылар үзләренең шәхси проектларын яклый башлады. Проект эшләрен яклау берничә юнәлештә бара. Әлеге фото һәм видеоларда укучыларыбыз математика һәм физика юнәлешләре буенча проект эшләрен тәкъдим итә.

Бүген – 13 март көнне, гимназиябездә "Разговоры о важном – Мөһим темага сөйләшү" сыйныф дәресләре язучы Сергей Владимирович Михалковның 110 еллыгына багышланды.
Сергей Михалков - балалар язучысы һәм шагыйре, Бөек Ватан сугышында хәрби хәбәрче, илебезнең өч дәүләт гимны сүзләренең авторы.
Россия Мәдәният Фонды тарафыннан Сергей Михалковның истәлекле алтын медале булдырылган, ул Ватанга, Ватан мәдәниятенә хезмәт иткән өчен һәм яшь буынны тәрбияләүгә өлеш керткән өчен бирелә.
Дәрес кысаларында укучылар режиссерлар Никита Михалков һәм Андрей Кончаловскийның видео мөрәҗәгатьләрен карадылар.
Әлеге фотода 7В һәм 8Б сыйныфы укучылары тарих һәм җәмгыять белеме укытучысы Рәмис Илгиз улы Хәсәнов белән дәрес вакытында.

Гимназиябезнең "Сәләт-Ялкын" клубында шөгыльләнүче 8 сыйныф егетләре, "Сәләт" проектларында катнашучы 1Б сыйныфы җитәкчесе Гөлназ Дильшат кызы Солтанова төбәк "Сәләт" клубларының гамәли уку-укыту семинарында укып, проектларын якладылар. Төрле остаханәләрдә үз сәләтләрен күрсәттеләр.
Егетләребезнең иҗади эшчәнлекләренә югары бәя бирелде, ә аларның кураторлары Гөлназ Дильшат кызы Солтанова гамәли уку-укыту семинарын оештыруга зур өлеш керткәне өчен Рәхмәт хаты белән бүләкләнде.

Актанышта 12 март көнне узган ачык волейбол турнирында, Актаныш командасы составында уйнап, гимназиябезнең волейбол командасы кызлары 1 урын яуладылар. Тренерлары – Ленар Ибнеев. Афәрин!