Гимназиябезнең 1А сыйныф укучысы Эльвира Измайлова безгә үзенең бик матур фотоларын җибәргән. Язгы каникул көннәрендә әти-әнисе белән Татарстан Республикасы Милли музеена барган ул. Бик ошаткан. Сезгә дә тәкъдим итә. Казанга барганда керергә онытмассыз бит!

Туфан Миңнуллин исемендәге X республика конференциясендә катнашып, гимназиябезнең педагог-китапханәчесе Исламова Эльвира Мәүлетдин кызы дипломант булды. Җитәкчесе – Хәева-Хәмитҗанова Венера Хәмәтнәсыйх кызы.

Инглиз теле атналыгы кысаларында, 11 сыйныф укучылары инглиз телендә телдән имтихан биреп карады.

Язгы кояш интернатта яшәүче балаларны урамга чакыра. Футбол яратучы егетләргә менә дигән көн!

Гимназиябезнең 10 сыйныф укучылары, ОБЖ укытучысы Ришат Тимершәех улы Сибгатуллин җитәкчелегендә, Казан шәһәрендә - “Патриот” республика спорт-патриотик һәм хәрби хезмәткә чакырылуга кадәр әзерлек үзәгендә 5 көнлек хәрби әзерлек курсларында. Алар биредә коралдан атарга, стройда йөрергә өйрәнәләр. Тактик өйрәнүләр һәм инженерлык күнекмәләре дә уку планына кертелгән.
Җыен мәктәп программасы кысаларында үткәрелә. Барлык укучылар да роталарга бүленгән, аларга командирлар билгеләнгән.
Коралдан атарга өйрәнү программасы вакытында укучылар Казан танк училищесы полигонына чыгалар, анда Калашников автоматыннан атарга өйрәнәләр. Укучылар казарма тибындагы бүлмәләрдә яши.

2А классы укучылары бик теләп проект эшләре белән шөгыльләнәләр. Сыйныф җитәкчесе Сөмәя Тәлгать кызы Муллаярова.

3А сыйныфы укучысы Румия Имамова бабасы, әтисе белән "Буыннар бәйләнеше" республика шахмат турнирында катнаша. 2 этапны уңышлы узып, 1 урын яулады алар. Молодцы!

11 сыйныфлар арасында "Своя игра" уены.

10 сыйныф укучылары мәкальләрнең аңлатмасын чагылдырып, рәсемнәрдән бик матур күргәзмә эшләделәр!

4А класс укучысы Вәлиев Юныс Яшь музыкантларның XVII республика конкурсында катнашып, фортепиано номинациясе буенча, III дәрәҗә лауреат исеменә лаек булды. Молодец, Юныс!