Бүген 5 сыйныфлар арасында "Тукай эзләре буйлап" исемле викторина узды. Укучылар бөек шагыйрьнең тормыш юлы һәм иҗаты буенча белемнәрен ныгыттылар. Көч сынашуда дуслык җиңде.

Гимназиябезнең "Ялкын" балалар оешмасы варислары "Тукай шәкертләре!" район шигырь бәйрәмендә чыгыш ясап, Рәхмәт хаты белән бүләкләнделәр. Котлыйбыз!

Татар теленнән халыкара олимпиадада гимназиябезнең 8А сыйныф укучысы Лиана Шакирова призер булды. Укытучысы Чулпан Рәмзил кызы Шәрипова. Котлыйбыз!

Роберт Миңнуллин исемендәге "Шигърияткә сәяхәт" бәйгесендә гимназиябезнең 5 сыйныф укучысы Алия Миргаязова "Шигърияткә адымнар" номинациясендә җиңү яулады! Үзе иҗат иткән "Синең Сөнең" шигыре 3 урынга лаек булды аның. Бәйрәм тантанасында Алияне Роберт Миңнуллинның кызы Таңсылу бүләкләде. Киләчәктә дә шигърият дөньясында уңышлар теләде.

Габдулла Тукай иҗатына багышланган "Туган телем – шагыйрьләр теле" төбәк нәфис сүз осталары бәйгесендә катнашып, гимназиябезнең 6Г сыйныф укучысы Диана Җанҗегетова җиңү яулады – III дәрәҗә диплом белән бүләкләнде. Җитәкчесе – Эльвира Мәүлетдин кызы Исламова.

Гимназиябезнең 8В сыйныф укучылары 24 апрель көнне Чаллы шәһәренә экскурсиягә бардылар. Шәһәр белән танышу һәм истәлекле урыннарда булу маршрутын укучылар үзләре сайлады.
-Иң элек, "Квеструм"га кердек. Биредә 1 сәгать дәвамында биремнәр үтәдек. Кабатланмас хисләр кичердек.
Аннан соң, "Торговый квартал"да төшке аш ашадык.
"Синема Парк" кинотеатрында "Вызов" фильмын карадык. Төп рольдә уйнаучы актрисаның батырлыгына, көчле рухына, илебезнең нинди бөек, алдынгы булуына сокланып утырдык. Космос, космонавтлар турында бик күп кызыклы мәгълүмат алдык, - ди укучылар.
Исегезгә төшерәбез, 8В сыйныф укучылары Тәрбия рейтингында I яртыеллык нәтиҗәләре буенча II урын алып, Чаллы шәһәренә экскурсия белән бүләкләнгән иделәр.
- Экскурсия бик ошады, гимназия дирекциясенә бик зур рәхмәтле без, - ди укучылар да, ата-аналар да, сыйныф җитәкчесе Фәйрүзә Филарис кызы Ганиева да.
 

4А сыйныф уеучылары "Разговоры о важном – Мөһим темага сөйләшү" сыйныф дәресендә. “Хезмәт көне. Һөнәрләр дөньясы” темасына бик кызыклы тестлар узды алар.
Укытучылары Илиза Энгель кызы Ахунова.

Бүген – 24 апрель көнне, гимназиябездә "Разговоры о важном – Мөһим темага сөйләшү" сыйныф дәресләре "Хезмәт көне. Һөнәрләр дөньясы" темасына багышланды.
Россия Федерациясенең дәүләт бәйрәмнәренең берсе хезмәткә багышлануы аның илебез тормышында зур әһәмияткә ия булуын күрсәтә.
Дәрес барышында балалар яраткан шөгыльне ничек табарга һәм иҗади хезмәтнең үзенчәлеге нәрсәдә икәнен белделәр.
6-11 сыйныф укучыларына "Киләчәккә билет" проекты турында сөйләделәр, анда катнашу төрле һөнәрләрне өйрәнергә, үз мөмкинлекләреңне аңларга ярдәм итә.
Әлеге фотода 7А сыйныфы укучылары класс җитәкчесе Алсу Рәскать кызы Хәррасова белән дәрес вакытында.

Гимназиябезнең 2А һәм 2Б сыйныф укучылары "Тукай иҗаты - рәсемнәрдә" рәсем конкурсында катнашалар! Уңышлар сезгә, яшь рәссамнарыбыз!

Гимназиябезнең 10 сыйныф ата-аналар комитеты бүген республикакүләм “Тату сыйныф серләре” бәйгесенең финалында катнашып, призер булды! Сыйныф җитәкчесе Чулпан Рәмзил кызы Шәрипова 1 урынга лаек булды!
Җиңүчеләрне Татарстан Республикасының Мәгариф һәм фән министры Илсур Гәрәй улы Һадиуллин котлап, җиңүче дипломнары тапшырды!