Республикакүләм "Мин авылны сайлыйм" фәнни-тикшеренү проект эшләре бәйгесендә катнашып, 2А сыйныф укучылары Данил Нуриев, Данияр Аграпов, 2Б сыйныф укучылары Камилә Габделгалиева, Газиз Шәйхетдинов призер булдылар! Укытучылары Сөмәя Тәлгать кызы Муллаярова, Светлана Риф кызы Шәйхуллина.

"SCHOOL PERFORMANCЕ" чит телләрдә мәктәп театр коллективларының республика фестиваль-конкурсының район этабында катнашып, гимназиябезнең 2 сыйныф укучылары II урын яулады. "Шалкан" рус халык әкияте буенча инглиз телендә мюзикл белән катнашты алар. Мюзиклны сәхнәгә инглиз теле укытучысы Лилия Флүн кызы Нурлыева куйды.

Бүген – 17 апрель көнне, гимназиябездә "Разговоры о важном – Мөһим темага сөйләшү" сыйныф дәресләре Бөек Ватан сугышы елларында совет халкының геноциды турында нацистлар һәм аларның ярдәмчеләре истәлегенә Бердәм гамәлләр көненә багышланды.
1943нче елның 19 апрелендә СССР Югары Советы Президиумының совет гражданнарын һәм әсир кызылармиячеләрне үтерүдә һәм җәзалауда гаепле немец-фашистлары, шпионнар, совет гражданнары булган сатлыкҗаннар, аларның тарафдарлары өчен җәза чаралары турындагы 39нчы санлы указы басыла. Документ нацистларның оккупацияләнгән территорияләрдә тыныч халыкны юк итү буенча максатчан һәм масштаблы сәясәтен һәм җинаятьләрнең җәзасы булырга тиешлеген тануның беренче факты була.
Гимназиябезнең һәр сыйныфында да әлеге тарихи көнгә багышланган дәресләр, сыйныф сәгатьләре үтте.
Әлеге фотода 6А сыйныфы укучылары класс җитәкчесе Энҗе Фирдәвес кызы Шәгъзамова белән дәрес вакытында.

Инглиз теле атналыгы барышында ярыш-бәйгеләрдә катнашып, җиңү яулаучы укучылар һәм сыйныфлар. Котлыйбыз!

7-8 класслар арасында «Своя игра" дигән викторина уздырылды. 7а, 7б, 7в һәм 8а, 8б, 8в класслары командалары үзара ярышты.

Инглиз теле атналыгы кысаларында, 5-7 сыйныф укучылары "Инглиз телендә сөйләшәбез һәм уйныйбыз" фешмобына кушылды.

Бүген -14 апрельдә гимназиябездә кораллы һөҗүм вакытында укучыларның һәм укытучыларның үз-үзләрен тотулары, саклану чараларының үтәлеше буенча тактик-махсус күнегүләр узды.
Укуларда хокук саклау органнары хезмәткәрләре дә катнашты.
-Игьтибар! Гимназиябезгә кораллы билгесез кеше үтеп керде! – дип, тормыш иминлеге нигезләрен укытучы Ришат Тимершәех улы Сибгатуллин хәбәр бирүгә, һәр сыйныф үзенә билгеләнгән ябык бүлмәләргә качып бикләнде. Гимназиябездә уку кабинетларында, эш бүлмәләрендә, коридорда бер кеше дә калмады.
Өйрәнүләрдән соң, гомуми линейка узды. Уку-өйрәнүләрнең барышына полиция участок вәкиле Хәкимуллин Pамил Pавил улы бәя бирде. Укучыларга бүгенге вәзгыятьтә үз-үзеңне саклау, иминлек кагыйдәләрен янәдән искә төшерде.

Гимназиябездә ифтар ашы уздырдык. Нур хәзрәт Хөсәеновның вәгазен тыңлап, коръән укып, дога кылып, авыз ачтык. Җәмәгать белән ахшам намазы укыдык.
Аллага шөкер, саваплы эш кылдык. Рамазан аенда авыз ачтыру да, ифтарга килү дә - саваплы гамәл.
Ифтарга укучылар да, укытучылар да, әти-әниләр дә, дәү әти-дәү әниләр дә, ураза тотучы райондашлар да, мөселманча киенеп, яулыктан, түбәтәйләрдән килгән иде.
Сый-нигъмәтләр дә  бик мулдан булды. Тәмле ашлар, хәләл чәй тәмнәре белән сыйлаган пешекчеләребезгә, гимназия коллективына, ифтарга авыз ачарга килүчеләргә бик зур рәхмәт!
Тоткан уразаларыбыз кабул булсын!

Гимназиябез укучылары «Алга! - Поехали!» яшьләр форумында бик күңелле булуын хәбәр итәләр! «Актаныш балкышы» командасы составында алар “Беренчеләр хәрәкәте” оешмасының бурыч-максатларын өйрәнәләр. Үзидарә системасында эшләүдә тәҗрибә туплыйлар.

Гимназиябезнең 1А сыйныф укучысы Эльвира Измайлова безгә үзенең бик матур фотоларын җибәргән. Язгы каникул көннәрендә әти-әнисе белән Татарстан Республикасы Милли музеена барган ул. Бик ошаткан. Сезгә дә тәкъдим итә. Казанга барганда керергә онытмассыз бит!